[salwasoula]

يلا كل واحدة تقول لنا اتعرفت علي جوزها ازاي
ابدا بنفسي..جوزي كان زميلي في الشغل..و اتقدم و حصل النصيب
و انتي...............؟

[شرين عمر]

انا بقة يا ستى كان صاحبة ابن خال واحد صاحب باباوقال لصاحبة انا عوز عروسة وصاحبة قال لخالة وخالة قال لبابا وانتهت الحكاية اسفة قصدى بدات

[salwasoula]

مشكورة علي المرور يا شيرين

[salwasoula]

اية يا قمرات مش عايزين تحكوا لية

[مدام ساره]

اقولك ياستي جوزي اول مره شوفته كان في الترام بس محصلش اي حوار كله بالنظرات زي مابيقوله حب من اول نظره انا كنت راجعه من الكليه وبعدها باسبوع شوفته تاني قدام الكليه اصله كان معايا في نفس الكليه بس كان اكبر مني بس بدأت الحكايه واول متخرج علي طول جه خطبني وانا كنت لسه في الكليه وبعد متخرجت علي طول اتجوزنا ودلوقتي عندنا حبيبه ربنا يخليهالنا

[salwasoula]

ربنا يخليهالكم و يبارك لكم فيها

[ام البراء 3]

زوجي كان صاحب اخويه قوي وحصل النصيب بينا وكتبنا الكتاب بعد الزياره 2 ليه لينا عاطول علما انو من مصر وانا من سوريا وعايشين بلسعوديه احنا الاتنين ومازلنا بس عشان نعرف كيف النصيب لما بيجي شكرا يا احلى صاحبات بلمنتدى

[بدر البلوى]

حبيب قلبي كان قريب بابا
يعني من العائلة شفني وتزوجني

[سموح وبس]

مشكورة على المرور

[salwasoula]

شكرا ام البراء و بدر علي مروركم الكريم

[safamsr]

انا بقى شا فني وهو نازل من عزا ستي

[نهال555]

هو انا لسه متجوزتش بس خطيبي يبقى ابن خالتى مننا وعلينا يعنى وان شاءالله هانت ونتجوز

[fairy princess]

هاى حبيبتى سلوى.....
انا بقى عرفت زوجى من الكلية (صيدلة) وخطبنى4 سنوات واتجوزنا عالطول اول ما اتخرجنا
ومعايا سيف و لجين

[فوفو الهلالي]

انااحكىلكم زوح اختى زوزو مرات اخوة بتشتغل فى مصلحة وزميلتها فى الشغل فى المكتب الى جنبها قالت لها اخو زوجى خطب امبارح واحدة اهلها طيبين قوى وردت عليها وقالت لها مالهاش اخت تانية علشان اخويا بندورلة على عروسة وفعلا حضر سى محمد واول ما شفتة يا اخواتىقلت لالالالا مش عاوزاة علشان اقرع فى نصف راسة وبدقن وانا مش عاوزة الشكل دة وطبعا وصلة رفضى وطلب من بابا انة يتكلم معى ووافقت على مضض وبعدها وافقت وانا دلوتى بغنى كنتى فين يا لال لما قلتى الاهههههههههها

[walaa_lolo_10]

وانا ياستى زيك جوزى كان زميلى فى الشغل بس هو كان اقدم منى بثلاثة شهور واول ما اتقابلنا بجد اتشدينا لبعض على طول ودلوقتى الحمد لله بنموت فبعض اوووووووووى وربنا يخليه ليا

[عاشقة الاحزان]

انا جوزي اتعرفت عليه عن طريق صاحبتي ودلوقت انا واياها عايشين احلى حياه

[ام جنة]

انا بقى شافنى فى فرح بنت خالى وقال هى دى هى وفضل يزن على جوزها وهو فى شهر العسل علشان يجى معاه ويتقدملى

[salwasoula]

اشكرك يا صفا مصر علي المرور

[salwasoula]

نهال... ربنا يتم لك علي خير يا حبيبتي
فيري....ربنا يباركلك في سيف و لجين اسمهم حلو اوي
فوفو.. ربنا يسعدك بارب
ولاء..مشكورة يا قمر... بصرة
عاشقة الاحزان..ربنا يديم عليكي السعادة
ام جنة.. ربنا يسعدك و مشكورة علي المرور

[شيبست]

انا بقى شفنى فى فرح ابن عمتى وبعدها بحوالى 8 شهور جه اتقدملى ودلوقتى بقى خطيبى وكمان سنتين
هيبقى جوزى