|
الحقوني...فيه رجاله دخلوا اوضه نومي..!!!
السلام عليكم
انا اول مره اطلب تفسير حلم ليا بس لأنه غريب شويه
وارجوكم اذا كان تفسيره وحش قولوا انه شر وماتفسروش اكتر من كده
حلمت اني-سبحان الله-قاعده مع جوزي في غرفه نومنا وانا بملابس النوم وكانت اختي الاصغر مني موجوده ثم فجأه ونحن نتكلم قام جوزي من جمبي وفتح باب اوضه النوم وقال فيه ضيوف جايين وفوجئت انهم رجال-معظمهم من زملائي في الدراسه او العمل-ودخلوا اوضه نومي فخفت جداً واستخبيت في الحمام وكلمت جوزي من ورا الباب وهوه يقولي عيب اطلع سلمي ع الناس وانا اقول له ابداً لا يمكن اخرج كده لازم اتحجب الاول وبعدين هما جايين عايزين ايه؟ قال هما جايين يباركوا لنا ع الفرح-مع العلم اننا متزوجين من فتره طويله في الواقع- يلا بأه عيب اخرجي لهم وجاءت اختي برده تطلب خروجي وانا مصره على رايي فاخذهم جوزي وخرج عنده خرجت انا من الحمام وطلعت من الدولاب هدوم-تونيك غامق طويل لنصف الساق وبنطلون واسع اسود-وكان مشكله التونيك انه مفتوح الصدر فبحثت عن بلوزه لبستها تحته حتى اداري جسمي كله وبعدين اختي تقول اخرجي يلا وانا اقولها لا لسه مالقيتش طرحه كبيره وانا لايمكن البس طرحه صغيره وفضلت ادور فلم اجد فوضعت طرحه سوداء صغيره ولكن بشكل تداريني به من الامام وخرجت فقالت لي اختي ان الرجاله مشيوا ومعهم زوجي قلت احسن هما لسه فاكرين يباركوا ده انا حتى عزمتهم على الفرح وماحضروش
وبعدين رجع جوزي معاه قسيمه جواز جديده لنا سالته ليه قال كل اللي يتجوز لازم يوثق زواجه تاني من مكه وانا وثقت جوازنا فاخدت منه القسيمه وشلتها في دولابي مع القديمه
وقالي جوزي انه جايب لي هديه بمناسبه التوثيق سالته دهب؟ قال لا انا جايب لك شنطه ماركه عالميه حتعجبك واشار الى الحائط لقيت شنطه حلوه كبيره معلقه ع الحائط ففرحت واحتضنته
للعلم-زوجي في الواقع غيور جداً ولايسمح لي بالجلوس مع الرجال حتى الاقارب-واختي التي ظهرت معي متدينه جداً جدأ
ياترى ايه رايكم...طمنوني
|
