[ام بسنت]

السلام عليكم ورحمة الله وبركاته
النهارده جايبالكم نصايح في لبس الحجاب واهم حاجه الابتعاد عن البهرجه والايكون لافت للنظر ونبدأ علي بركة الله:

لون الطرحة حسب لون اللبس ولكن اللون البني هو الأساس وبيدخل معاه الزيتي بدرجاته, البني لوحده, البني المحروق مع البني العادي موضة جداً واستخدام الألوان الجديدة وتداخلها بيعطي نتيجة حلوه جداً..

نوع القماش أو خامة الإيشارب تعتمد على نوع اللبس، كمان فيه أنواع من الأقمشة من المفضل نتجنبها حتى لو عجبك لونها أو تطريزها أو نقشتها.. من الأقمشة المزعجة في لبس الحجاب ابعدي عن الأقمشة "الناشفة" لأنها صعبة في الربط، خلي عنيكِِ على نوعية الأقمشة الناعمة والأقطان، الحرير، الحرير على قطن، الشيفونات بأنواعها كلها خامات حلوة جداً ومناسبة وعملية والتل كمان... بأكد إن الإيشارب مهم إنه يكون عملي في اللف، ممكن الإيشارب يكون غالي ووحش في ربطته وبعد شوية هتكرهي الإيشارب وهتركنيه على جنب بعد ما غرمتي ثمنه.
نوعية القماش المناسبة والعملية للبنت في الجامعة عشان يكون حجابها مريح وفي نفس الوقت شكلها مش مبهدل؟
تختار الأقطان والشيفونات المطفية "بدون لمعة".. الأقمشة دي بتستحمل جداً الحركة طول النهار، فالأقطان فيها ألوان كثيرة وأشكالها حلوة جداً، والقطن على حرير فيه تطريز خفيف حلو كمان وموضة جداً يكون في طرف الإيشارب تطريز أو ترتر بس المهم يكون "Simple" جداً..
اما بالنسبه للف الطرحة
لازم تلبسي بونيه قطن وتحطي الإيشارب على حرف البونيه عشان يختفي وتمسكي الطرف القصير بدبوس مشبك بالطرف الكبير وتلفي الطرف الطويل حول الرأس وتثبتي بالدبابيس، وبلاش أكتر من إيشارب في الأول.. كفاية لفة بسيطة.
ولو عاوزة تدخل ألوان في اللفة التقليدية؟
زي ما قلنا البونيه وبعد كده الإيشارب على حرف البونيه وبعدها تمسك الطرف القصير بالطرف الطويل عند الرقبة، وبعد كده الإيشارب الثاني بعده بمسافة من الأول وتمسك أطرافه وتلف طرف الأولى وطرف الثانية في اتجاه واحد بشرط طرف يظهر لونه قبل الثاني، أو تحط الطرفين فوق بعض وتلفهم مرة واحدة وتحط دبابيس للتثبيت.

ونصيحتي بلاش وضع شريط بلاستيك في مقدمة الطرحة.. ممكن تستخدمي "اسبراي نشا مخصوص للمكوى"، عشان تنشي الطرحة.

مش معنى الحجاب "أي طرحة وخلاص" ونهمل في شكلنا، بالعكس لازم تهتمي أكثر.. كنتِ زمان بتهتمي بشعرك وبتروحي للكوافير وبتهتمي بكل خصلة في شعرك، اعتبري الحجاب شعرك وامنحيه نفس الحب والاهتمام، فالحجاب لا يعني "البهدلة".


وربنا يسعد الجميع
لاتنسوني بدعوه من صالح اعمالكن

[preatywoman]

جزاك الله خيرا حبيبتي

[الوردة الحمراء]

بارك الله فيكِ

شكرا

[ام مهند]

اشكرك علي النصائح الجميله ده وفعلا يجب ان نقدم صوره جميله للحجاب
وربنا يهدي الجميع

[ام بسنت]

مشكورين جميعا على مروركم

[hala_2007]

مشكورة حبيبتي

[هميس]

شكرا ام بسنت وجزاكي الله خيرا

[سندريلا79]

ميرسى كتير يا ام بسنت على معلوماتك الحلوه والقيمه

[ام بسنت]

مشكورين كلكم على ردودكم

[دودينا]

بارك اللة فيكى

[eltourky]

شكرا حبيبتي بس انا ريحت نفسي ولبست النقاب اسود ف اسود