[موف]

انا دمى محروق كنت ببعت لاختى رسالة من موقع اسلام ويب وكنت بقولها على الحاجات اللى تجيبها معاها عشان احنا ان شاء الله حنصيف وبعدين بعت ليها رسالة وقلت ليها متنسيش تجيبى معاكى البزازة بتاعت ابنها وقلت ليها انها ليها عندنا غيارات داخلية فمتجبش معاها عشان الشنطة تكفى لقيت الموقع بيقولى تم حظرك من الخدمة لانى استخدمت كلمات غير لائقة ازاى انا مش عارفة فين الكلام الخارج انا مش عارفة اعمل اية وازاى اتصل بالمشرف عشان ارفع عن نفسى الظلم ياريت تقولولى اعمل اية

[smsmah]

معلش
يابنتي ودي حاجه تغيظ دي
انا معرفش اازاي ممكن تعملي كده
بس رايي انك تعملي حساب جديد
انا اصلا مبعرفش ازاي ابعت منه مسجات انا كتباها بايدي ببعت بس مسجات هما كاتبينها

[ام سيف الدين]

انتى دمك محروق من كدة
يمكن عشان كتبتى غيارات داخلية
كنتى اكتبيها اندر و ير
على العموم اعملى اشتراك جديد

[مني محمد]

انتي ليه دمك محروق اللي انتي عايزه تقولي قولي علي ايميلك احسن قولي اللي انتي عايزه ولا تحرقي دمك علي فاضي مهم حصل خير

[وحيده بدون امي]

صح اعملى اشتراك جديد وكلمى المشرف ووضحى قصدك وربنا يعينك

[موف]

يا جماعة انتو مش فاهمين نقطة مهمة ان مينفعشى اعمل اشتراك جديد الا بخط تليفون جديد لان الاشتراك مش بيكون بالاميل بس بيكون برقم تليفونى المحمول لان بيتبعتلى عليها رقمى السرى المشكلة كدا

[دينا الحصري]

حبيبتي وانتي حارقة دمك على اية بس
مافيش حاجة حصلت تدايق او تحرق الدم
كبري دماغك يا بنتي
هم اكيد فهموا غلط
وشوفي موقع تاني يشبهلة بنفس امكانياتة اتعاملي معاة
ولا تزعلي نفسك ولا تحرقي دمك
عادي خالص
هو مافيش في الدنيا الا الموقع دة
مش مشكلة يا حبيبتي

[دينا الحصري]

صحيح
ادخلي على بص وطل
دة موقع
وبيبعت 3رسايل في اليوم
ومن غير ما تدخلي ارقام ولا حاجة
انتي بس سجلي فية وخلاص
بعد التسجيل تقدري تبعتي رسايل