[جالاكسى2006]

بصراحه امبارح قبل ماأنام جت ف بالى فكره غريبه قوى
لقيتنى بقول لنفسى لو ربنا اكرمنى ان شاء الله وبقيت حامل ورزقنى بولد او بنت وطلع نسخه طبق الاصل من حد انا مبحبوش ومش بطيقه هاعمل اييييييييييييه
بصراحه انا فى حد او حدايه هههههه مش بطيقهم يقربولى قوى وبقعد اقول لنفسى لو ابنى طلع شكل حد فيهم ياترى فى حد فيكم جت ف باله الفكره دى او فعلا حصلت مش عارفه تفتكروا هاعمل ايه اكيد الحمد لله طبعا بس هارميه.. اتبرى منه ..!
الفكره مجنونه شويه وهزار شويتين بس بجد عايزه اعرف رأيكوا
انا عن نفسى مش هابقى طايقاه ولا طايقه ابوه ولا طايقه نفسى والامر لله بقى اهو أحسن من مفيش.............!!!!!

[nona79]

لا بالعكس يا جالاكسي انتي حتحبي الانسان او الانسانة ده عشان هو شبه ابنك او بنتك

بس هي فكرة مجنونة وجميلة عقبال ما تخلفي اولاد شبهك انتي عشان ترتاحي يا قمر

[أم مهند]

هقولك هتحاولى تقنعى نفسك انة مش شبة الحد دة ويارب مايطلعش شبه

[ماجي2008]

لو انتى جابتى او خلفتى احمدي ربك واسجدي واشكري على عطاياه كل اللى يجيبه ربنا كويس استغفري ربك فى ناس بتمنى طوبة بتنطق او ظافر عيل لاه حرام نشترط على ربنا ونقول عايزين ومش عايزين واوعى تزعلى منى انا صريحة شوية ومتزعليش من كلامى ربنا يرزقك بالذرية الصالحة

[جالاكسى2006]

انا بشكر نونا وام مهند قوى على مروركم
وكمان بشكر ماجى من قلبى انا مازعلتش يا حبيبتى بس الموضوع كله مسأله هزار بس فكره مجنونه زى ماقلت نونا واكيد كل حاجه ربنا يجيبها حلوه وعلى فكره انا داخله على سنتين جواز ولسه ماخلفتش واكيد بتمنى تراب طفل حتى لو شبه مين
شكرا على مرورك

[sadrose]

هههههههههههه هو انا لو جبت طفل مش شكلى او شكل باباه وطلع شكل حد تانى انا مش بطيقة هسلم امرى للة ومضطرة احبه ويطلع شكل ا حد الا حمايا وحماتى احبة لو طلع غير شكلهم

[nona.ezzo]

كل اللى ايجيبه ربنا نعمه وفضل
وحاتحبيه يعنى حاتحبيه وحايخليك تحبى اللى ماتحبيهوش

[ام سراج]

انا ح اعمل له عمليه تجميل واغير شكله..هاهاهاها
لأ بجد انا لما بكره حد بكرهه لدرجه اني انسى شكله واحياناً والله اسمه..بس بفضل فاكره افعاله
فمش عندي مشكله لأني هابقى ناسيه شكل الحدايه اللي هوه شبهها

[ماجي2008]

اسال الله الكريم رب العرش العظيم انا يرزقكك من فضله ويهب لكى طفل او طفلة جميلة بحق يارب الشهور المباركة
اللهم تقبل دعائى الى صاحبة هذا الموضوع

[mahou]

أنا فعلا كنت بخاف من كده ... لما كنت حامل ف أولادى .....
بس الحمد لله ربنا ستر ....
و لو حصل ... هاضطر أحب ابنى عشان كده ..
ههههههههه....
ربنا يرزقك بالذريه الصالحه عن قريب ......
يارب ...
ميرسى ياشيكولاته ...

[سمسمه26]

لا يا جالكسى هو فى الاول مابيبقاش باين هو شكل مين ده العيل شكله بيتغير ميه مرة
لغاية بقى ما يثبت على شكل اللى انتى مش بتحبيه تكونى بقى حبيته خلاص
ايه افكارك دى ؟

[جالاكسى2006]

شكرا يا ماجى على دعائك ليا وربنا يتقبل يارب وكمان كل اللى دخل الموضوع بشكره من قلبى

[زيزى]

ربنا يرزقك بالذريه الصالحه بس اعملى حسابك ان شاء الله لما ربنا يرزقك وتبقى حامل الواحده بتتوحم على الى بتكرهه وبتكره الى بتحبه يعنى اكيييييييييييييييييييييييييييييييييييييييييييد هيكون شبه الى بتكرهيه وامرك لله ههههههههههههههههههههههههههههههههههههههههه

[dodo246]

جالاكسى تفكيرك زى تفكيرى انا و الله ساعات بقعد افكر فى كده و اقول اذا ربنا اراد و رزقنى باولاد و طلعوا شبه 00000 او 00000 اعمل ايه هههههههه
بس عموما الحكاية مش بايدينا و ربنا يحببنا فى اللى مش طايقنهم و يرزقنا بالذرية الصالحة

[مها5215]

فعلا انت هتحبى الانسان ده علشان بقى شبه ابنك او بنتك
الاول هتكونى مدايقه بس بعد كده خلاص

[ضحي *]

بصي يا جالاكسي ماما بتقول لك رجعيه في بطنك تاني
أنا بقي بقولك أبعدي عنها وأنتي حامل علشان ما يطلعشي النونو شبهها
المهم أنه أول لما حتولديه حيقولوا عليها لو بنت ياه دي شبه ...... بالظبط وهي يا عيني ذي القمر شبه أمها بس حتعملي أيه أقولك رجعيه في بطنك علي رأي ماما يمكن يحلو

[جالاكسى2006]

والله يادودو انتى عسل بس لو ينفع بقى

[fairy princess]

شبه اللى شبهه بقى...ده هايبقى precious baby
يعنى طفل عزيز... جه بعد طول انتظار....ربنا يرزقك... واهو رمضان قرب
ادعى كويس فى ليلة القدر(ربى لا تذرنى فردا وانت خير الوارثين)
ونبقى نباركلك قريب ان شاء الله

[fishs]

ربنا يرزقك بالذرية الصالحة اولا وثانيا وووووووعاشرا اكيد تحبيه لان انا كان فيه شخصية عامة كنت اكرهها جدااااااااااااافوق ماتتصوري وبمجرد انه عمل شئ يفيد ابني واستفدت منه جدا بدات احب هذه الشخصية واصبحت من المتابعين لكل اقواله واعماله وارائه

[الزهره الحزينه]

يا جالاكسي يا حبيبتي انتي المفروض قبل ا تفكري حيطلع شيه فلان او فلانه تدعي ربك انو ييجي طفل كامل من جميع النواحي لان العقل والصحه فوق كل اعتبار وحتى لو طلع شيه الي بتكريههم دي مش مشكله لان الوجوه تتشابه بس الارواح مستحيل وربنا يرزقك بلذريه الصالحه ويمونو بصحه تامه