[بنبونى]

بناءاً على طلب العضوة
تم التعديل

اذا اعجبك الموضوع و اردت نشره في المنتديات الاخرى فاستخدمي هذا الرابط:
قولوللى افك الخطوبه ولا لا بليز ردوا عليا
http://forums.fatakat.com/thread40455

[القمر الاسكندراني]

المفروض تقفي جمبه هو بيشتغل عشان يزود دخله عشان يقدر يوفي بوعوده اللي المفروض يعملها في ميعادها المحدد من جهتكم المفروض تقفي جمبه ومتتكلميش في فرق المستوى الاجتماعي ده ياريت خالص لانه هيجرحه جدا وهو ساعتها اللي هيفكر يسيبك مش انتي لانك هتكوني جرحتى كرامته جدا
ده رايي واكيد هتلاقي اراء كتير جدا
بس فكري
ياريت متفكريش في الفارق المادي والاجتماعي ده خالص لاني شايفه واسفه ع التعبير غرور وتعالي منك عليه ولو انتي هتفضلي على كده بلاش سيبيه احسن عارفه ليه
عشان متظلميهوش هو مش تظلمي نفسك
اسفه

[مينى]

اختى العزيزة احب اقولك انك بتفكرى بطريقة مش حلوة الراجل عمره ما بتقاس بمنصبه . فى الدنيا ديه فى ياما رجالة فى مناصب عالية بس ما بيقدروش زوجاتهم ايه يعنى شغال على تاكسى الحاجه الاهم انه بيحبنى وبيخاف عليا .عايزه اقولك انه ممكن يكون فى مركز محترم بس مابيهتمش بيا تحسى انه اولويات وفى الاول والاخر الخير فيما اختاره الله صلى صلاة استخارة واظن انه الاولى بالرد على سؤالك واتمنى من الله ان يهديكى الى الطريق السليم

[ماجي2008]

بسم الله الرحمن الرحيم
انا سعيدة اني اول واحدة ترد عليكي
بصي يا حيبتى الشغل عمره ما كان عيب المهم ده لسه انسان فى بداية حياته وبيعمل زي ما بتقولى وبشتغل على تاكسي عشان يوفر ليكي مستوي كويس بس المهم ماينساش موضوع الطب وانه بمساعدتك ووقوفك جانبه وتوصلو مع بعض زي زميله وزوجته
اللى فهمته من كلامك انت بتحسسي باستمرار بالفرق بين اهلك واهله وبتغطي عليه وهو مسكين مش عارف ياخده حقه فكتم زى الجمال وبعدين طلع مرة واحدة فى اخر مكالمه بينكو
نصحتى ليكي بالشكل ده لوانتى هتفضل تحسسي بالفرق ده على طول الحياة مش هيستمرانا اسفة من صراحتى بس دية الحقيقة لو انت عايزه وبتحبيه حاولى تقفى جانبه وانا معاكى بلاش توصلى الموضوع لاهلك عشان بعد الشر المشاكل ما تكترش وربنا يوفقك

[عاشقة زوجها]

عزيزتي بنبوني

أنا أضم صوتي الى أخواتي

انت تفكري بالمستوى الاجتماعي والمادي اكثر من تفكري بالرجل

الذي يبني مستقبله ليكمل حياته معك ،، وهل والدك ولد من بطن امه دكتور

ام تعب في حياته وكافح وضغط على نفسه ويمكن قد يكون قد وقفت امك بجانبه

فعليك اختي ان تقفي بجانبه وتكافحي معه وتنسي انتي من هاي كلاس والكلام ده بما

انك قررت انك ترتبطي فيه انسي كل شي وفكري في خطيبك وكيف هو عايش

وتعايشي مع الموقف وعلى عيشته لانه محدش راح ينفعك غيره

اما اذا كنتي رفضاه علشان انه بيشتغل في التاكسي

فانتي اختي مسلمة ومؤمنة بالله ان اي عمل يخلو من المعصيه

لله سبحانه وتعالى فهو عمل شريف والرسول صل الله عليه واله وسلم

يحث عل العمل الشريف ...

وفي النهاية أسفة عل الاطاله

اتمنى لك التوفيق في حياتك

[أم مهند الطيوبة]

والله انا رأيى مش مختلف اوى
بس مين قال ان المستوى الجتماعى مش مهم
التوافق مهم جدا فى العلاقة الزوجية
بس انتى مقولتيش ان بتحبية لو كنت بتحبية الموضوع مش هيبأة كدة معاكى
ولو انت شايفة انك مش هتستحملى الوضع دة الانفصال هو الحل
فكرى فى حاجات قبل القرار
لو فضل بالوضع دة هتواجهى المجتمع عادى ولا هتبقى مكسوفة ولادك لما يجو هيبأة الوضع ازاى
هو الشغل مش عيب واعرف ناس كتيرة كدة ومستويات بس الموضوع كلة نصيب وقدرة تحمل
ولازم لازم تقولى لاهلك وتاخدى رأيهم اكيد هينصحوكى كويس
وطبعا استخيرى قبل كل دة

[بنبونى]

اولا شكرا لردكم عليا
ثانيا
والله العظيم والله اللى شاهد عليا انا عمرى ما حسسته ولا بالكلام ولا بالافعال ان فى اى فرق بالعكس والله العظيم
انا كتبت كده علشان ابين بس حاجات تبقى زى باكجراوند ليكم مش اكتر
بس والله انا عمرى ما حسسته بالفرق وعلى طول بود اهله وهما مش بيسئلو عليا
حتى اخته مبتسألش عليا وانا بسأل عليها
انا مش كده خالص والله اعلم باللى بقوله
بس اللى اقصده انه هوا اللى حاسس بكده مش انا
انا لو كان فارق معايا مكنتش وافقت من االاول
وانا اصلا بحبه جدا وبقالنا من 2005 واحنا بنحب بعض وكان المفروض نتخطب من 2005 بس حصلت ظروف وسافر تانى ولما رجع اتخطبنى
هوا بقاله 4 سنين شغال على التاكسى ده وهوا اللى قالى انه بعد الجواز مش حيشتغل عليه تانى وانا واقفه جنبه ومستحمله وصابره وبحاول انى اريحه على الاخر والله ومش بحاول ارهقه بتكاليف وبحاول ادور على اقل حاجه ممكن اعملها فى حدود المعقول والىل نقدر عليه
هوا راجل وكويس وبيحبنى زى ما بحبه واكتر كمان انا متاكده من ده
بس هوا اتعامل معايا بطريقه مهينه اوى النهارده وانا مش عاجبنى اسلوبه فى الكلام يعنى ايه يقوله ده اللى عندى واعملى للى عايزه تعمليه ولما اقوله بتقولى كده دلوقتى وبتتكلم معايا ليه بالاسلوب ده يقولى ده اللى عندى !!!
ومحدش يقولى مشاكل فى الشغل لانه والله فعلا معندوش مشكله خالص وكنا كويسين جدا وكان اصلا متصل علشان يتكلم معايا علشان مش عارفه انام وكان عمال يدلعنى وادلعه
يعنى كنا كويسين جدا بس هوا قلب مره واحده
بجد متظلمونيش انا مش عايزه اطلع نفسى ملاك بس انا بقول الحقيقه
انا اعرف عنه وعن اهله كل حاجه ومن زمان لو حتكبر عليه او بقى مغروره وده ميرضيش ربنا ولن يدخل الجنه اللى فى قلبه ذره من كبر ربنا يعافينا
بجد قولولى اعمل ايه
اتكلم معاه ولا اقول لاهلى ولا استنى لما هوا يتصل
وهوا يعنى مش غلطان لما يقولى كليه اداب والكلام ده؟ ويقولى ان مرات صاحبه دى هاى كلاس مش اى كلام ... يعنى هوا يقصد مين بالاى كلام ؟ انا ؟
بجد قولولى انا مش عارفه اشتغل ولا اعمل اى حاجه خالص

[أم مهند الطيوبة]

والله شاورى اهلك هما عارفينهم وممكن يحلو الموضوعوبالنسبة لاهلة مالكيش دعوة بيهم عامليه بالمعروف بس اهم حاجة مايكونش ابن امة واختة علشان الحاجات دية بتخرب البيوت

[بنبونى]

لا هوا مش ابن امه او اخته خالص
امه متوفيه واخته عايشه لبيتها وعيالها وبس

[حنان ام عمر]

حبيبتي بما انك بتحبيه جدا يبقى المستوى الاجتماعي مش مهم
يعني الشغل مش عيب عمره ما ينعاب الراجل من شغله
ودي فترة مؤقتة اكيد لما يخلص الطب ويتخرج حيشتغل بمهنته وحيصير حاجة كويسى وكبيرة اوي بس انتي لازم توقفي جمبه وتساعديه انه يتخطى المرحلة دي
اكيد كل وحدة فينا بتحب تعيش بمستوى اهلها وزي ما هي متعودة بس بما انكم لسه مخطوبين تبقوا في بداية الطريق وجميل جدا والله انكم تصعدوا السلم درجة درجة وبمجهودكوا انتوا صدقيني حتحسي بحلاوة الحياة الي حتعيشوها لانها من تعبكوا
واكيد بما انه بدرس طب اكيد انشاء الله راح يصير حاجة كبيرة وتتهنوا مع بعض
بس اوعي تسيبيه عشان المستوى الاجتماعي بالعكس حاولي تحسني المستوى ده
لحد ما توصلي للانت عاوزاه وعمرك ما تفرطي بشخص بحبك وبتحبيه

[اموله المنفله]

حاولى تاخدى اراء البنات وتشوفى ايه المناسب منها ويكون فى مصلحتكم انتو الاثنين وربنا يوفقك

[the moon light]

انا من رأيى وماله لما يشتغل على تاكسى هو بيعمل كده ليه مش عشان يكون معاكى فى اسرع وقت حاولى بس تكلميه وقوليله ياحبيبى انا ياحبيبى مفيش حاجه تفرق معايا ولا عايزه حاجه من الدنيا غير انى اكون معاك وبالحنان اللى هيحسه معاكى وانك خايفه عليه وواقفه جنبه هيعمل كل اللى انتى عايزه من غير ماتطلبى وبعدين الامور مش بتتاخد كده لازم بس تكلميه بالهدوء وبالسياسه انسى بس خااالص موضوع افك الخطوبه ده ربنا يصلحلك الحال

[eltourky]

انا معاكم ف رائيكم
هو مفيش مشكله اساسا
انت ال عملاها مشكله
لو بتحبيه استحملي دا ددكتور وليه مستقبله
بس الموضوع عايز صبر
وشغل التاكسي مش عيب دا انت لازم تتمسكي به لانه راجل ومخترم
وبعدين انت بتقولي بيشتغل ع تاكسي هناك يعني مشفيش مشكله عندك
بلاش تتكلمي ع الفرق الاجتماعي لو بتحبيه

[heba saad]

حبيبتى بنوتة بصى انتى بصة على الشكل العام لما زوجك يكون شغال سواق تكسي طب مهو بيعمل كدة عشان يحسن من مستواة وعشان يبقا جدير بيكى
بصي انصحك متسيبهوش مدام بيحبك ومدام موضوع التكسي دة مؤقت
يعنى لحد ما يقف على رجلية وبعد كدة خلاص مش هيبقا محتاج لاالشغلة دة
انتى تختاري ايى يشتغل سواق على تكسي ولا يمد ادية للناس ويبقا مديون
اتوكلى على الله وما تفسخيش الخطوبة
ربنا يوفقك ويجمعكم على خير باذن الله

[نيرى]

حياتى مش حتكلم فى نقطة الفرق فالاخوات علقوا بما فيه الكفاية وتعليقى على الاسلوب الحوارى وطريقة الرد
رجاء كلميه عن سلوكه هذا ومدى رفضك لطريقة الحوار هذه فمساحة الاحترام بينكم يجب ان تكون قاءمة ونصيحة اجعليه يبدا هو بمهاتفتك تلفونيا ليعلم انك كنت غاضبة
وياستى علشان يصالحك
ربنا يسعدكم ويوفقكم ياااااارب

[freeee horse]

بنبونتي
فترة الخطوبة فترة اختبار مهما طالت
ومهما كان حب الطرفين للآخر
وكل واحد مفروض يقدم للطرف التاني أجمل ما عنده
بس حبيبتي ممكن يكون عنده ضغط في شغله , أو مش لاقي شغل كويس دلوقتي فطلع منه الكلام بالأسلوب ده.
لا تتسرعي في قرارك
اجلسي معه وتحدثي معه بهدوء
لتتوصلي معه إلى قرار
وصلي لربك ركعتي استخارة واسأليه بصدقأن يقدر لك الخير

[toto s]

انا شايفه انو خطيبك عنده عقده عشان الفرق اللي بينكم عشان هيك سمعك بصاحبه ومراته
وانا من رايي ما في داعي تحكي لاهلك حاولي تحلي المشكله اللي بينكو لحالكو لانو زي ما قلتي اذا وصل الحكي اللي حكاه لاهلك رح تكبر المشكله
واذا كان بحبك عنجد اكيد رح يرجع يتاسف
والله يوفقك

[أجمل بنات حواء]

بصراحه انا رأيى انه مدام حس الفرق ده لان الانسا ن فى غضبه بيطلع اللى فى نفسه يبقى لازم تقولى لاهلك عشان يحطوا النقط على الحروف وتبقوا على نور وانا مش بقول الشغل على تاكسى عيب لأ بالعكس بس هو دكتور يعنى لازم يبقى ليه بريستيج واكيد فيه شغل لتخصصه المهم لازم تقولى لاهلك عشان تبقوا على نور من اولها واكيد تصرفهم هيكون اكتر خبره منك

[ام عبودى]

شوفى ياحبيبتى لو حاسة انك مش هتقدرى تواصلى صارحى اهلك وخذى قرارك بعد ماتستخيرى وخير ان شاءالله طمنينا

[بنبونى]

بجد ارائكم ريحتنى كتير
بصوا ايه اللى حصل
اولا انا حكيت لاختى لان هيا منبع اسرارى وقالتلى استنى بس متعمليش حاجه غير لما نفكر بهدوء
وبعدين لما رجعت من الشغل قعدت انا وهى نتكلم وقالتلى انى اهم حاجه امسك فيها هيا اسلوب الحوار
وانى لازم اكلمه بهدوء وافهمه قد ايه انا متاثره اوى من طريقه كلامه وان حتى لو كنت قولت كلام انا غلطت فيه فده من دافع انى حتنازل عن شغلى وان هوا حيبقى شغله هوا هدفى انا كمان واحقق نفسى من خلاله وانى حتنازل عن شغلى وكل المزايا اللى فيه علشان مقدرش اقصر فى حقوقه هوا وانه هوا نفسه انى ابقى ليه هوا بس
وانى اركز اوى على اسلوب الحوار


اللى حصل بقى
هوا اتصل بيا وكنت فى ميتنج فى الشغل فمردتش اتصل فى البيت واختى قالتله انى لسه فى الشغل
كلمنى تانى قولته سورى فى ميتنج قالى اوك حكلمك بعدين
وكلمنى بعديها ومعرفتش اتكلم لان بابا وماما كانوا جانبى



وبس