[eman_2008]

انا دخلت من كذا شهر عالنت وصدفة قابلت شخص واتكلمت معاه وبصراحة كنت في فترة محتاجة اتكلم مع اي حد المهم حسيت انة كلامة مشابه لكلامي وحسيت انة فاهمني بجد وبعد فترة بسيطة قالي انة متزوج بس مش سعيد نتيجة انة متزوج واحدة قريبتة وصغيرة فالسن.المهم بعد فترة صارحني بحبة ليا بصراحة احترت لانة بجد مش عارفة بقي .لاني فعلا بحبة وفي نفس الوقت ضميري بيانبني لاني مرضاش لاختي ان تتزوج بواحد ويتزوج عليها المهم ياريت تفيدوني لانة عاوز ينزل اجازة في شهر 9 وعاوز يتقدم بس عاوز يتمم الجوازة علطول عشان محدش ياثر علية في انة يسبني .وبجد انا حاسة انه بيحبني بجد.ياريت اعرف رايكم عشان انا محتارة

اذا اعجبك الموضوع و اردت نشره في المنتديات الاخرى فاستخدمي هذا الرابط:
عاوزة رد سريع الله يكرمكم
http://forums.fatakat.com/thread40556

[فدوى صلاح]

والله يا اختي ما اتوقع في صدق على النت . وان فعلا صدق وجاء لك بالنسبة لي اعتبرالامر غريب . بعدين انت تعرفي اصله وشو وضعه ؟ مش يمكن تكون معلوماته غير صحيحة ؟ تروي شوي وفكري كويس

[أم مريم]

والله كونه متجوز دى مش مشكله
كام واحدة جوزها متجوز واحده تانيه و راضيين الاتنيين و كل واحده فى حالها
ياما تلاقيهم اصحاب
المشكله فى مدى صدقى زى ما فدوى قالت
لو جه فعلاً و اتقدم يبقى لازم تسأله عنه كويس جداً
اهله و اصحابه و شغله و كل حته عشان تتأكدى من كل كلمه قالهالك
و فى نفس الوقت اوعى تقدمى اى تنازلات نهائى لغايه ما ييجى البيت
يعنى لا مقابلات و لا كلام من ده اوعى
والاهم هل اهلك هيوافقوا على جوازك من واحد متجوز و هتقدرى تقنعيهم و اللا لا

[eman_2008]

بس فعلا كلامك صح 100% ماهي المشكلة اني خايفة ييجي يتقدم ويترفض عشان متجوز
وبعدين انا محافظة جدا علي عدم تقديم اي تنازلات
والحقيقية اليومين دول كمان مش بدخل لحد ما اوصل لقرار مناسب
ومتشكرة جدا علي المشاركة وياريت نكون اصدقاء بجد

[أم مريم]

انا تحت امرك
و اعتبرينى اخت ليكى

و لو انتى مقتنعة بيه 100% وواثقة انك هتقدرى تقنعى اهلك يبقى على خيرة الله و ان مكانش يبقى بكره ان شاء الله ربنا يرزقك باللى يقدرك و يصونك

و نسيت اقولك اهم حاجة
استخيرى ربنا فى الاول

[sadrose]

بصى ياايمان اولا انتى متقبليش تكونى متجوزة وترضى جوزك يجوزك عليكى واحدة تانية حطى نفسك مكانها ثانيا اعرف واحد كان متجوز وحب واحدة عالنت واما نزل مصر عمل خطوبة ليها كبيرة وفى الاخر رجع لمراتة وعيالة فكرى بعقلك واستخيرى ربنا

[eltourky]

بصي اولا كلامك مع شاب ع النت من الاول غلط وحرام
وثانيا متصدقيش كل كلامه لانه كلام وبس متعرفيش مدي مصداقيته
وممكن يكون جاي يخطب وتكون لعبه منه لغرض وحش
وكمان حكايه انه متجوز دي ازاي تقبليها وتصدقي مبرراته للجواز
بصراحه الموضوع مش مظبوط فكري فيه من كل الجوانب
واستخيري ربنا

[رودينا اسلام محمد احمد]

عزيزتى eman_2008
انا برفض ان واحدة تحب واحد من على النت لان فى الغالب 99% من كلامه بيبقى كدب لانه بيقولك الكلام المتزوق اللى انت عايزة تسمعية وتلاقية فى الاخر حاجة تانية خالص
ثانيا انا متفقة مع sad rose فى ان اى ست متحبش ان جوزها يتجوز عليها و بعدين فكرى فى احساسك انت لو اهلك وافقوا عليه وهو رايح لمراته التانيه لانك حتشعرى بالغيرة
ثالثا ليه تحكمى على نفسك بانك تتجوزى واحد متجوز وانت لسة مدخلتيش دنيا للى تقبل واحد بالظروف دى تكون مطلقة او ارملة انت قدامك فرص احسن منه 100 مرة متستعجليش وان شاء الله حتقبلى شا ب و تبداوا حياتكم سوا

[ام سراج]

طيب يا ايمان انا حاقولك حاجه وماتفهمنيش غلط..لما انتي عارفه انه متجوز قبلت تكملي كلام لغايه علاقتكم ماتعمقت ليه؟ انتي ترضي جوزك يعمل كده؟وازاي حيبقى رايك في الواحده اللي وافقت على كده؟ طيب لو طلع مش متجوز..يبقى كدب عليكي ليه؟هل تقدري تثقي فيه؟
عموماً انا عندي فكره..قولي له انك واهلك موافقين بس لازم يكلمهم خلال اليومين دول قبل ماينزل لأن فيه واحد متقدم لك وخايفه انهم يوافقوا عليه..ورد فعله حيعرفك حقيقته ايه..ومدى صدقه واهي فرصه علشان تعرفي رد فعل اهلك برده..وابقي طمنيني

[ام سراج]

نسيت اقولك..ان احتمال كبير يزوغ او يقول حاضر علشان ينسيك وتفضلي على علاقه بيه..ممكن كمان تعملي ايميل باسم تاني وكل المعلومات تكون مختلفه عنك تماماً وتشاغليه منه بس بذكاء وانا متأكده انه ح يتجاوب مع التانيه ويقول لها نفس الكلام الا لو كنتي مكشوفه وحس انك انتي هي

[اموله المنفله]

انا مع الاخت ام سراج والاخت رودينا انتبهى اللى يسمح لنفسه يتكلم عن مراته وقريبته كمان مافيه خير وزى ماتكلم على زوجته هيتكلم عليكى خدى بالك من نفسك وربنا يوفقك

[سمسمه26]

ايمان عايوه اقولك ان الشات اللى عالنت ده اى كلام نسبة كبيرة منه مابتبقاش نجحه بس بالرغم من كده فيه ناس بتتجوز عن طريقه بس المشكله ان هو عنده اسرة وبيت مش عارفة انا بحس ان الرجاله بيقعدوا يقنعوا نفسهم بالتعاسه علشان يشوفوا واحده تانيه
وبعدين تضمنى منين انه مايشوفش واحده تانيه عالنت ويكلمها ويتجوزها
وهل اهلك هيوافقوا على انه متجوز وهتقوليلهم عرفتيه منين ؟

[freeee horse]

الكلام اللي قالوه صحيح صحيح صحيح
و على فكرة
الرجال أستاذ في اللعب بالمشاعر
خذي حذرك من هذه العلاقات
فإنها إما تفشل
أو لو استمرت
لن يذهب من باله أنك تعرفته من النت
و أكيد ممكن يشك فيك أنك تتعرفي على غيره

[eman_2008]

انا متشكرة جدا لكلامكم لانة فعلا صحيح 100% بس في نقطة كلكم ما اخدتوش بالكم منها اني فعلا السبب اللي عشانة طلبت رايكم اني ضميري بيانبني لاني مااقبلش دا علي اختي عشان كدا طلبت رايكم عشان اكون مرتاحة نفسيا بس وربنا يقدم اللي فية الخير يارب وانا سعيدة جداااااااا بيكم كلكم وياريت نكون اصدقاء بجد لاني مفتقدة النقطة دي بجد .وشكرا ليكم مرة تانية.

[الايمان777]

انا اعتقد ان مفيش صدق على النت
وكمان حتى لو ارتبط بيكى هيعايرك بعد كده انه عرفك عن طريق النت وانك سمحتى لنفسك تكلمى شاب متعرفيهوش
ارجو ان كلامى ميضايقكيش يا اختى
انتى زى اختى واحبلك الخير

[ماجي2008]

انا متفقة مع الاخوات فى اللى قولو وكما بضيف عليه ياما قرأت عمليات نصب من صداقة النت من بين كل الف واحد واحد شفتى النسبة الصادقة ضيئلة ازاي تكاد تكون معدومة كله بيخش على النت للتسلية فقط ربنا يكتب ليكى الخير

[batates]

انا رايي ان اللي حصلك ده نتيجه فراغ وعدم وجود صحبه صالحه او صحبه وصداقات دائمه ليكي

عشان كده اتجهتي للنت والشيطان سولك امور كويسه ظاهريا
لكن ف اصلها امور مش كويسه

انا رايي تصلي صلاه استخاره
ومتكلميهوش ع النت خالص
واقعدي فتره مع نفسك واقرئي الردود ف الموضوع ده
صدقيقني هتوصلي للقرار السليم ان شاء الله

(من رايي ان الراجل ده خاين لمراته واكيد زي مخانها يقدر يخونك ويبيعك ف لمح البصر)

وحطي ف دماغك ان اللي ربنا كاتبهولك هتنوليه ان شاء الله

بس عليكي بالصحبه الصالحه او اصدقاء يعينوكي على الخير
وتحاولي تشغلى وقت فراغك باي عمل مفيد
واهم حاجه حتى انا كمان باعملها الحمد لله
اي شخص بلاقيه ضافني على ايميله باعمله بلوك وامسحه
من غير حتى ماعرف هوا بنت او ولد
كده بريح نفسي كتير وعاهدي نفسك على كده

ربنا يطمن قلبك ويرزقك ويرزقنا احنا وبنات المسلمين بشباب يتقوا الله فينا
ويحافظو علينا ويكرمونا

[eman_2008]

انا متشكرة ليكم كلكم علي ارائكم لاني بجد مبسوطة يكون ليا اصدقاء زيكم فعلا
وعلي فكرة انا قررت قرار نهائي اني ما اتكلمش مع الشخص المذكور او اي حد لاني بجد الشئ اللي كنت مفتقداه اني الاقي بنات وسيدات زي العسل زيكم وربنا يخليكم ليا يارب ونكون اصدقاء بجد

[toto s]

انا مش ضد الحب ع النت لاني عايشه هيك حب والحمدلله مبسوطه كتير معاه بس لازم بالاول تتاكدي من حبه الك واعملي على الاختبار اللي قالتلك عنه سمسم
بس انت مشكلتلك انو متجوز وانا ما اظن انك بتقبلي هاد الشي الك
يعني انت اكيد ما رح ترضي انو جوزك يتجوز عليكي
قصتك صعبه شوي بس لو الك نصيب فيه اكيد رح تتجوزيه
وربنا يوفقك ويسعدك