[rem_rrr2001]

بسم الله الرحمن الرحيم

الي عندها خبرة بجد فى البشرة وفعلا حتقدر تفيدنى تركز
معايا اوى اوى فى الي حقولو

بصو بئى

انا انسه وعندى 28 سنه
بشرتى بيضه وصافيه جدا ومفهاش اى حاجه والحمدلله
وتقريبا دهنيه مش عارف صراحه
ومش بستعمل اى حاجه على وشى لا كريمات ولا مسكات ولا مرطبات
يعنى غير المياه الي من الحنفيه يعنى على طبيعتها
ومش بخرج فى الشمس نهااااااائى يعنى الشمس لابتشوفنى ولا بشوفها
والحاله النفسيه ميه ميه وعال العال والحمدلله

من سنه تقريبا لاحظت ان داير وشى بدا يغمق
بطريقه غريبه جدا ومن غير اى سبب
مفيش الا منطقة الخدود والانف هى الي لونهم طبيعى ابيض زى ما هو
طبعا ده ضايقنى جدا لانى معرفش ايه السبب
وليه حصلو كده؟؟؟؟!!!!!

انا طبيعتى مش بحب استخدم اى مستحضر تجميل على بشرتى
ولو جبت ماسك او كريم عشان يرجع اللون على طبيعته
خايفه يرجعو لفترة محددة ويرجع يغمق تانى يعنى لازم افضل بقى
استمر على الكريم او الماسك على طول
وانا مش حابه كده

وخايفه لو طنشتو يزيد ويثبت بقى على كده

عايزاكو تفيدونى وتقولولى ايه السبب
واعمل ايه عايزة حاجه مضمونه ترجع وشى زى الاول
وما استعملهاش على طول يعنى الاستعمال يكون لفتر معينه لغاية
ما بشرتى ترجع لطبيعتها وما استعملهاش تانى

واسفه انى طولت وصدعتكو

وتحياتى ليكو
منتظرة اجاباااتكم ضرووووورى

[رنوش الحلوة]

مابعرف شو السبب أنا حنطيه وفجأه صار عندي متلك بس صرت أحط نشأ+ماء ورد يفتح خطير ويرجع بشرتك زي أول وأحسنباتوفيق أختي

[عيون الماس]

حبيبتي يمكن علشان انتي محجبة فاكيد يحصل فاصل بين وجهك علشان كذا عليكي بماسك ماء الورد والنشا لمدة نصف ساعه مرتين في اليوم صبح ومسا وراح ترجع بشرتك زي اول وافضل بكثير هذا ماسكي المستحيل اغيرة طول عمري رهيب بشكل ماتتخيلي نتائجة السريعه والدائمة

[rem_rrr2001]

شكرا حبايبى على الردود
بالنسبه للحجاب فعلا انا محجبه
بس انا اعرف ان الغمقان والفاصل بيظهر فى الوش يعنى فى الاماكن الي ظاهرة ومش متغطيه

انما انا عندى داير الوش يعنى الجزء المتغطى
اما منطقة الخدود والانف الى ظاهرين زى ماهم

[rem_rrr2001]

يلا عايزة اهتمااااااااااااااااااااااااااام
وحل

[مرموووره]

السلام عليكم ورحمه الله
اختي الغاليه
ده بيكون جفاف في البشره
انتي قلتي تقريبا بشرتي دهنيه
لو منطقه الانف والجبهه والذقن بس هيا اللي حساها دهنيه يبقى بشرتك مختلطه مش دهنيه
لو كل بشره وجهك بتلمع وفيها دهون تكون دهنيه

المهم شكل بشرتك كده والعلم لله مختلطه لانك قلتي تقريبا
ولو هيا مختلطه وانتي اصلا مش بتهتمي بترطيبها
هتلقى الاماكن اللي مش فيها دهون كتير جفت
والجفاف طبيعي بيسبب غمقان لان الخلايا بتموت من الجفاف وتتراكم على سطح البشره

جربي ماسك صنفره خفيف واشربي ميه كتير اوي
ورطبي بشرتك ولو بكريمات للبشره الدهنيه او المختلطه
ضرووووووووري جدا الترطيب

نفس الفكره لما نكون في الشتا ونلقى صوابعنا وايدينا اغمقت اوي
السبب انه بيتهيألنا ان الشتا مفيهوش شمس وعلشان كده مش محتاجين نرطب ايدينا
لكن البشره بتجف
وبالتالي بتغمق
نفس الفكره بالضبط لبشرتك
هيا جفت
وبالتالي اغمقت
نصيحتي ليكي
اشربي ميه كتير
ورطبي بشرتك
ومفيش فيها حاجه لو داومتي على كريم كويس وماسكات ترطيب ايه المشكله يعني هو الاهتمام وحش؟؟؟

ويارب اكون افدتك

ولو حاسه ان الحكايه اكبر من كده روحي لدكتور يطمنك اكتر

ويارب ترجع بشرتك احلى من الاول ان شاء الله

[نور ام بسملة]

اختى فى الله ريم يمكن يكون نوع الاشارب اللى بتستخدمية مش قطن

[rem_rrr2001]

شكرا حبايبى على افادتكو ليا

مرموووره

متشكرة ليكى جدا
صراحه مش عارفه نوع بشرتى ايه بالظبط
انا قلت ان منطقة الانف والخدود زى ماهى ما جرالهاش حاجه
بيضه زى ماهى

عالعموم شكرا عالنصيحه فعلا انا استفدت منها وححاول اجربها

وانا فعلا استشرت دكتور
وقالى من حرارة الجو مع انى مش مقتنعه لان حرارة الجو هى هى كل سنه اشمعنى المرة دى
المهم ادالى نوعين من الكريم استمر عليهم لمدة شهرين

[nosha_ali2010]

بصى يا قمر مشكلتك سببها عدم شرب ماية كتير
تعرفى انا كان عند بئى سمار خفيف ولما شربت ماية كتير راح اشربى ماية كتر وانشاء الله يروح
وانصحك بماسك الترمس المطحون والزبادى دا خطير

اتمنى انى اكون فدتك يا جميل