[شجرة صنوبر]

السلام عليكم اخواتي العزيزات اليوم اشتريت شاي رويال للرجيم ياريت اللي امجربه الشاي هدا او تعرف حد استعمله او تعرف عليه اي معلومات اتفيدنيواللي تدخل تدعيلي بالتوفيق في الرجيم وفي الدنيا والاخره

[شجرة صنوبر]

يعني ولا رد

[ريري]

والله يا حبيتى اختى كانت بتستعمله بس مش للرجيم ،وانا عارفه انه بيخلص الجسم من الماء الزائد يعنى لما تشربيه لازم تعوضى ده بشرب الماء لعدم الاصابه بالامساك
اذا عرفت حاجه تانيه هاقول على طول.....

[hala_2007]

بصي حبيبتي انا علطول بستعملة بس هو مبيخسس هو ملين وانا بستعملة لان علطول عندي امساك وربنا يوفقك

[أم الطيب]

انا فعلا عارفة انه ملين رائع بس هيخليك تدخلي الحمام كتييييييييييييييييير

[qaryn]

السلام عليكم
انا طالبة مصرية بكلية الصيدلة
فى الحقيقة موضوع شاى الرجيم
هذا خطر لانة يحتوى على عشبة السنامكى senna leafوهذة تعتبر مسهل قوى جدا.......كما قالت ريرى انه فقط يسبب اسهال شديد ويوهم بنقص الوزن عن طريق التخلص من الماء .........ارجوكم يجب الحظر الحظر الشديد عند شراء الأعشاب التى يدعى انها للتخسيس ...................
لاننخدع بأنها اعشاب (اى لاضرر فيها )........وشكرا

[عيون القلب]

فعلا هو ملين قوى للامساك لا اكتر ولا اقل

ولا بيخسس ولا حاجة

[باربى girl]

والله بابا كان يستخدمة وجاب معاة نتيجة على المدى البعيد وكان صعب فى بدايتة حيث يعمل اسهال وتعنية مؤلمة ويجب المحافظة على الاطعمة التى تتناولينها

[مدام ديدى]

[dall3 ya dall3]

انا جربته بصى احسن حاجه فى الشاى دة انك لو اكلتى وجبه تقيله وشربتيه بتدخلى الحمام بعد متشربيه على طول وتفضيى اللى انتى واكلاه وسورى على التوضيح بس مضطرة
بس انتى لازم تقعدى على الاقل اسبوعين تشربيه مرة فى اليوم لغايه ميجيب نتيجه معاكى وجسمك يتعود عليه بعد كدة هيساعدك اوى فى الريجيم بجد عن تجربه وتسلمى ياقمر

[أم مانو]

انا ما اعرفش حاجة عنه بس دخلت استفيد وشكرا على التوضيحات

[الندى24]

هو فعلا زى ما كلهم قالوا بس نصيحة لا تستخدميه يوميا لانه خطر على المدى البعيد

[yaso79]

السلام عليكم
انا عمتى جربت الشاى دة و تعبت اوى بعدها
بس لو عايزة تخسى فعلا دكتورة التغذية بتاعتى قالت ان اهم حاجة الشاى الاخضر
3 مرات فى اليوم او على حسب ما تحبى
انا الاول ماكنتتش بحبة بس دلوقتى بقيت اشربة بعد كل وجبة و قبل ما انام

[عبير الحياة]

هو الشاى الاخضر غير شاى الرجيم افيدونى وشكرا