تنبيهات هامة:
اولا) اذا وصلتك اي رسالة خاصة من عضوة تعرض عليك الانضمام لمنتدى اخر فارسلي رسالة خاصة فيها اسم العضوة الى احدى المشرفات لايقاف سرقة العضوات، ايضا اذا وصلتك اي رسالة خاصة من عضوة تعرض عليك بضائع للبيع فارسليها الى احدى المشرفات.
ثانيا) تجاهلي اي موضوع يتكلم عن شحن الجوال ببلاش او وجود ثغرة في موبينيل او فودافون او اتصالات حيث انها تسرق رصيدك!
ثالثا) الرجاء عدم اضافة مواضيع عن الجرائم او الصور المفزعة او صور فيها نساء متبرجات او اغاني او انتقاص من قدر اي شخص.
.
وصلني إيميل عن طباعة مصحف أمريكي ونشره بالكويت مع تزوير وتغيير الآيات القرآنية به بشكل مستفز.. بالطبع كان الايميل يحتوي على هذه اللاآيات التي يسمونها آيات. وعلى فكره اللا آيات دي كانت حاجه تفطس مالضحك
المهم، في آخر الايميل كان مكتوب الرجاء نشرها أمانة في عنقك الى يوم القيامه (الكلمه اللي بتخليك تضطر تنشرها حتى لا تسأل عنها) بصراحه انا منشرتهاش .. لسبب بسيط.. ايه الفايده اني اعيد نشر هذه الكلمات التي يسموها آيات قرآنيه؟
ألا يقع علي ذنب إعادة نشرها؟
لماذا أعاد البعض نشر الصور الدنماركية المسيئة للرسول الكريم محمد صلى الله عليه وسلم؟ مش عيب عليكم يامسلمين ؟
كان يكفي نشر الموضوع نفسه والتخلص من هذه الصور، وهذه اللا آيات، لكن أن تقوم انت يامسلم بإعادة نشرها؟؟؟؟؟
يا جماعه في ناس كتير في المنتدى ناشرين حاجات زي دي، واحده ناشره صوره فيها واحده لابسه عبايه شفافه عليها آيات قرآنيه، واللي ناشره صورة الكعبه (استغفر الله مش عايزه اكمل)
اللي عايز يقول حاجه يقولها لكن تنشروا صور فيها إسائه للإسلام لااااااااااء
انا مستغربه ان المنتدى بيشيل الصور اللي فيها مجرد وجه امرأه ظاهر، ويسمح بنشر هذه الصور، ولا تعليق! .
جزاك الله خيرا وهو فعلا لو تشوفى ازاى انتشرت هذه الصور المسيئة وذلك بتداولها فى المنتديات ويكتب عليها تعليق حسبى الله او ربنا ينتقم منهم او اى تعليق فيكونوا حققوا املهم فى انتشاره بسرعة فاحذرى اختى المسلمة الحريصة على عد م انتشار الفتن ان تنخدعى وراء ذلك لان هذه الاساليب لجأ لها أعداء الدين مؤخرا
اللهم آت نفسي تقواها , وزكّها, أنت خير من زكّاها , أنت وليّها ومولاها ،اللهم إني أعوذ بك من علم لا ينفع, وقلب لا يخشع , ونفس لا تشبع , ودعوة لا يستجاب لها ،اللهم إني أعوذ بك من شر ما عملت , ومن شر ما لم أعمل , وأعوذ بك من شر ما علمت , ومن شر ما لم أعلم اللهم إني أعوذ بك من زوال نعمتك , وتحول عافيتك , وفجاءة نقمتك , وجميع سخطك "
معاكي حق يا undonelife-بالله عليكي ابقي قصري اسمك شويه علشان مايطلعش عيني-بس لو سمعك حد من انصاف المتعلمين ح يقول عليكي عدوه للاسلام
انا عن نفسي لا شفت ال لا آيات دي ولا سمعت عنها..بس تخيلي لو كل واحد نشرها..بكره تتقلب الحقايق..والاجيال الجديده تتلخبط..وانا لا استبعد ان اللي بيبتدي بتمرير مثل هذه الرسايل ..يكون هوه صاحبها وبدأ الموضوع بنشر الرسايل على النت واضافه الجمله الغريبه-امانه في عنقك-علشان يضمن اكبر انتشار..واحنا هبل ولا على بالنا
ربنا يبارك لك على الموضوع الهادف ده وياريت ننشره
بالمناسبه قريت في موقع اسمه دعوه ان موضوع امانه ده مش الزام على حد..لاننا لم نكلف الا بما امرنا الله به..والرسول عليه الصلاه والسلام
حبيبتي ام سراج
ضحكتيني عشان حكاية الاسم دي، ده مشتق من مقوله انجليزيه شهيره:
Life doesn't have undone botton
يعني الحياه ليس بها زر الالغاء ، اللي عملته في الدنيا مستحيل ترجع تلغيه
انا عن نفسي لا شفت ال لا آيات دي ولا سمعت عنها..بس تخيلي لو كل واحد نشرها..بكره تتقلب الحقايق
حبيبتي مستحيل تقلب لحقايق لأن الله هو الذي يحفظ القرآن وفي آيه قرآنيه تؤكد على أن القرآن لا مبدل لكلماته. لكن ممكن الجهلاء يختلط عليهم الامر ويفتكروا ان اللا آيات دي من القرآن فعلا.
بالمناسبه قريت في موقع اسمه دعوه ان موضوع امانه ده مش الزام على حد..لاننا لم نكلف الا بما امرنا الله به..والرسول عليه الصلاه والسلام
الله أعلم بس المفروض اللي يكلف بأمانه يكون بقبوله أن يأخذ هذه الامانه على عاتقه، يعني لو حد مثلا طلب منك ابلاغ رساله على سبيل الامانه ممكن ترفضي.
وشكرا لكم جميعا
حبيبتي..undonelife
معاكي حق..في ان القرآن محفوظ بأمر الله الى يوم الدين..وده انا عارفه انا فعلاً كان قصدي اختلاط الامور على الجهلاء..وانصاف المتعلمين..حتى حالياً..في احاديث مدسوسه على النبي محمد صلى الله عليه وسلم بدون تثبت منها
انا بتكلم كده..لأني في بدايه شغلي..اتعينت في قريه جبليه..وكان تعداد سكانها..24الف نسمه..منهم اسره واحده مسيحيه وباقي سكان القريه مسلمين..وماكنتش عايزه اروح وكنت زعلانه..فقالولي ده مكان جميل وناس متديينين جداً
ورحت وفوجئت ان عندهم حاجات ماانزل الله بها من سلطان والناس واخداها مسلمات..وكنت في نظرهم انسانه غريبه وانا بحاول اتناقش معاهم في بعض المفاهيم دي
عرفتي ليه انا خايفه؟
معاكي حق يا أم سراج في مسلمين بيدخلوا على الدين حاجات ما أنزل الله بها من سلطان زي مثلا التشفع بالصالحين زي الناس اللي بيروحوا (أضرحة ومقامات الصالحين) ويدعوهم مع ربنا او يدعوا ربنا بيهم (سايق عليك السيده) ...الخ وده حرام جدا طبعا والله أعلم
وكمان في اللي بيعملوا الاربعين للميت، دي ملهاش اساس ديني
وحاجات كتيير
وشكرا ليكم جميعا على التفاعل مع الموضوع جزاكم الله خيرا
اللـه
