[رودينا اسلام محمد احمد]

كل الاطفال مبتحبش تاكل الخضار عامة بكل اشكالة و بتقبل على اكل الكيك و البسكويت والحلويات وانا النهاردة حقولكم على وصفة كيك شهية جدا و فيها قيمة غذائية عالية علشان فيها جزر
المقادير:
4او5 جزرات كبار
3بيضات
1كيس فانيليا
كوب الاربع سكر
نصف كوب زيت
نصف كوب لبن
2ملعقة كبيرة كاكاو خام واذا كان محلى يبقى 4 معالق
ملعقة صغيرة قرفة
2كوب دقيق
كيس بيكنج بودر
شوكلاتة خام مبشورة بكمية كبيرة

الطريقة:
ينظف الجزر و يبشر
فى الخلاط ضعى البيض والفانليا و السكر و يضرب جيدا( واذا ضربتية بمضرب البيض لحد ما يوصل لمرحلة الشريط و يبيض لونة ويغلط قوامة يكون احسن بس انا بقولك على الاسهل)
ثم يضاف الزيت ويضرب مرة اخرى
ثم يضاف اللبن و الكاكاو والقرفة ويضرب مرة اخرى
فى وعاء عميق يوضع الجزر المبشور والخليط السابق و يضاف لهم الدقيق حبه بحبه و البيكنج بودر لحد ما توصلى السمك المناسب بحيث لا تكون تقيلة قوى ولا خفيفة و ممكن متستخدميش الدقيق كلة
توضع فى صنية مبطنة بقليل من الزيت
و توضع فى فرن متوسط الحرارة فى الرف الاوسط لمدة 25 دقيقة لحين النضج
بعد ما تخرج من الفرن اتركيها تبرد قليلابحيث تصبح دافئة و ضعى على الوجة الشيكولاتة الخام المبشورة
ولما الكيك يبرد تماما يوضع فى الثلاجة لمدة 4 ساعات (علشان الشيكولاتة الخام اللى ساحت تجمد و تمسك فى الكيك)
وبالف هنا و شفا
منتظرة تعليقاتكم

اذا اعجبك الموضوع و اردت نشره في المنتديات الاخرى فاستخدمي هذا الرابط:
كيكة الجزر بس بطريقة مختلفة خاااااالص
http://forums.fatakat.com/thread40923

[yostina]

شكرا رودينا على الوصفة لكن عندى سؤال
الجزر بيتقل الكيكة ويخليها (مكبوسة) نحل المشكلة دى ازاى ؟

[رودينا اسلام محمد احمد]

لو ضربتى البيض و السكر كويس مش حيبقى فى مشكلة و الكيكة حتنفش و مش حتبقى مكبوسة جربى الطريقة زى مانا كتباها بالظبط وحتطلع حلوة
جربيها و قوليلى رايك

[رودينا اسلام محمد احمد]

كمان يا yostina لو البيكنج بودر انتاجة حديث حيعمل مفعول كويس قوى بالاضافة البيض والسكر لما يتضربوا

[توتى]

[مدام ديدى]

[شرين عمر]

[رودينا اسلام محمد احمد]

لكل من رد عليا