[ام سيف و سما و سجى]

السلام عليكم فتوكات
انهارده انا حبيت اقول تجربتي الشخصيه للفتوكات اللي متاخرين في الحمل لعل الله يجعلني سبب لانارة بصيرتهم
انا مش هرغي كتير هختصر علشان موجعش دماغكم هدخل في الموضوع علي طول
انا كنت متاخره في الحمل في اول جوازي ورحت لدكاتره كتير وانتو طبعا عارفين لفة الدكاتره وكل واحد يقلي سبب لحد ما اتاكدت اني مش هخلف خلاص وفي دكتور قالهالي صريحه قالي الحمل عندك صعب البويضه صغيره جدا بعدها قررت اني ابطل اي علاج واسيبها علي الله
لحد ما في يوم كنت بشوف في المنتديات لقيت اخت فاضله كاتبه في منتدي تجربتها مع الحمل فنفذت اللي كانت بتعمله وهو كالاتي ( قرأت سورة مريم وال عمران ) كل يوم والدعاء بعدهم وقرأتهم بقلب خاشع انا بصراحه مكنتش بقرأهم كل يوم انا كنت بقرأهم كل صلاة وكل وقت اكون فاضيه فيه ومكنتش ببطل دعاء وبالذات الدعائين دول ( اللهم لا تذرني فردا وانت خير الوارثين ) ( اللهم عجل ولا توجل ) واقل من شهر علي هذا النظام حتي حملت باذن رب العالمين والحمد لله ابني الان عنده 3 شهور عقبال الجميع ويرزقهم الذرية الصالحه

وانا من تجربتي احب انصح كل الستات مفيش حاجه اسمها علاج للحمل ولا وصفات ولا طرق
في حاجه اسمها الدعاء لله الذي اذا اراد شيء يقول له كن فيكون فسبحان الذي بيده ملكوت كل شيء
الدعاء لله اسهل الوسائل للحمل ولا تيأسي فان بعد العسر يسر وان الله لمستجيب انشاء الله لكن في الميعاد اللي هو محدده واللي يكون فيه الصالح والخير
ربنا يرزقكم جميعا بالذرية الصالحة . اللهم عجل ولا توجل لكل من تريد الحمل يارب العالمين ( قولو امين )

[غزال11]

جزاكي الله خير بجد المواضيع دي بتدي للواحد امل ادعيلي ربنا يرزقني الخلفه يارب

[مامة دودي]

بارك الله فيكي اختي الفاضلة .. والف مبروك عليكي .. انا عاوزة اقول حاجة .. الدكاترة دول ناس مش عايزين ننكر فضلهم في علاج كثير من الحالات وده طبعاً بفضل ربنا .. ربنا هو الشافي انما بيسخرلنا الناس دول عشان يشفونا .. بس كمان عاوزة اقول حاجة .. احنا بنروح للدكاترة وبنجري من دكتور لدكتور ومن بلد لبلد عشان نعالج اي حاجة وناسيين الذهاب لرب العباد اللي خالقنا وخالق الدكاترة وخالق كل شئ واللي الذهاب ليه مش حيكلفنا اي حاجة مادية ولا محتاجين نقطع مسافات او نسافر عشان نروحلو لأنو موجود في كل مكان .. هي بس رفعة ايدين .. رفعة ايدين لرب العالمين توصلنا ليه ونطلب منو كل اللي احنا عاوزينو ومانيأسش من رحمتو .. يعني لو كان دكتور قال ان العلاج محتاج سنة ماكناش ملينا من العلاج وفضلنا نروح الدكتور لحد مانكمل السنة فليه نيأس من رحمة رب العباد ونستعجل تلبيتو لدعائنا.. ربنا يبارك فيكي اختي الفاضلة صاحبة الموضوع وربنا يرزق كل محروم يارب العالمين

[omnia.m]

مبروووك عليكى النونو يا جميل وفعلا مفيش احسن من الدعاء ربنا يرزقنى انا وكل واحدة عايزة يارب

[ام دانة2]

وعليكم السلام ورحمة الله وبركاته

مبارك عليكى وعقبال كل اللى نفسه فى البيبى وربنا يباركلك فيه يارب

[رانيه]

لا الله الا الله ربنا يبارك للك ويحفظللك البيبي ويرزقك الذريه الصالحه
اشكرك

[ميما 2009]

يااااااااااااااااااااااااااااااة الف الف الف مبروك علي النونو وعقبال ما تخاويه ياااااااااااااااااااااااااارب
ودعواتك ليا ولكل محرومه من الخلفه
رب لا تذرني فردا وانت خير الوارثين
اللهم عجل ولا تؤجل يااااااااااااااااااااااااااااااااااارب امييييييييييييييييييييييييييين

[نغنوش قلبى]

ماشاء الله
الف الف مبرررررررررررروك ربنا يبارك ليكى فيه يارب
فعلا مفيش احسن من الدعاااااااااء والاستغفااار والثقة بالله
تسلمى يا جميل على نصيحتك لاخواتك ويارب يرزقنا جميعا بالذرية الصالحة بدون زيادة أو نقصان
** ربى لاتذرنى فردا وانت خير الوارثين**

[لووليتا]

ربنا يخليك ابنك يااارب
وربنا يكرمك ويزاكى خير على النصيحه الغاليه
فعلا الدعاء هو الحل

[زوكا3ستار]