[ريبو]

ازيكو الاول
ثانيا انا مكتوب كتابى وهو بيجيلى مرتين ف الاسبوع
وماما قالتلى كدا كتير وكفايا مره واحده
وانا مش عارفا اجيبهالو ازاى
شكلى هيبقى مش حلو خالص
بس المشكله انى شايفا انو عادى لو جه مرتين بس اعمل ايه ف مااماااتى بقى
ممكن تقولولى حاجه اقولهالووووو

اذا اعجبك الموضوع و اردت نشره في المنتديات الاخرى فاستخدمي هذا الرابط:
بليزززززززززز ... عندى بروبلم نونو ومش عارفا اتصرف
http://forums.fatakat.com/thread40949

[مها5215]

بصى ده بيحصل فى كل بيت
هو الصح انه يجى مره واحده
انت ممكن تجبيها عن طريق الحكايه
تقوليله الحقيقه ان مامتك مدايقه من كده وهو مش هيزعل اكيد لانه هيتفهم الموقف

[saadelhelaly]

هو الموقف محرج جدا وخصوصا انه في مقام جوزك
طب ايه المشكلة ما هو جوزك تقريبا هي مامتك خايفة من ايه ؟ و شكلك لنتي كمان موافقة على انه ييجي مرة واحدة
عموما ده يبقا اتفاق من الاول
وكتير يبقو متفقين على مرة و المرة تجر التانية و يبقا مرتين تلاته في الاسبوع حسب تفهم الاسرة حاولى تتكلمي مع مامتك و تقوليلها انك هتبقي محرجة من انك تقولي حاجة زي دي ممكن هما يقولوله بدالك لانه هيفتكرلك ده بعدين ومفيش داعي لمشاكل من اولها

[ام سيف الدين]

مش عارفة ممكن اقولك ايه
طيب ممكن تفهمى ممامتك ان الموضوع ممكن يتدرج
يعنى مثلا
المرة التانية خدية و انزلى و بعد كدة المرة اللى بعدها قوليلوا انا تعبانه و كدة نظميها من عندك انتى و بلاش المواجهة الصعبة دى من اولها
وخاصة دا جوزك دلوقت يعنى ممكن بعد كدة يقولك مامتك بتيجى كتير و حاجات زى كدة

[ريبو]

اصلا انا وهو اتفقنا بعلم ماما انو يجى مرتين بالاسبوع
بس ماما حست ان كدا الحكايا اووووفرررر
بس ميرسي كتير ليكو والله
انا هقول لماما وهاحاول انى اخدو مره ونتمشي
بجد انا مش عاوزا تحصل مشاكل
لان زى ما قلتو هيشيلها من ناحيتى ومن ناحيه ماما

[bebsa]

مش لازم يا ريبو كل مرة عزومه طالما ماما بتتكلم من ناحيه المصاريف وانتى ممكن مرة خارجه اجيب حاجه مرة تعبانه بس بلاش تجيبيهاله بصرااحه ان دى رغبه مامتك لان كدة ممكن ياخد موقف منها

[ريبو]

نو نووووووو انتى فهمتينى غلط ياقمر
ماما مش قصدها مصاريف
ماما قصدها ان رجلو اخدت ع البيت مش اكتر

[موني 10]

بس طالما ماما هي اللي عاوزة كده
خلاص سبيها هي اللي تقوله وتيجي منها هي
بدل ما تحرجي نفسك
وعموما دائما المخطوبين بيبقوا متعودين على الموضوع ده من اهل العروسه
يعني بييجي كثير ... بيقعد كثير لغاية وقت متأخر .... وكده يعني

[ريبو]

ميرسي كتير ياقمر

[بنبونى]

بصى يا ريبو
كل الامهات كده مش عارفه ليه
بس انتى ممكن زى ما البناويت قالولك تخديه وتخرجى اسهلللللل واصلا يابنتى استغلى انك كاتبه الكتاب واخرجى واتفسحى ان شاءالله حتى تروحى تتمشوا على كوبرى قصر النيل ( بس الكوبرى ده بس عشقى الاول والاخير )
يعنى قضيها وخليكى مجنونه فى افكارك واوعى ثم اوعى ثم اوعى تقوليله ان مامتك مدايقه ولا اى حاجه من الكلام ده خاااااااااااالص حيشلها ومش حينساها مهما عملتوا بعد كده
والصراحه بقى الولد كاتب الكتاب علشان ييجى 7 ايام فى الاسبوع اصلا
مبروك يا احلى عروسه لولولولوللىىىىىىىىىىى

[ريبو]

اوكى يا قمرى تسلميلى
يعنى اخلى دماغى مطرقعه
هههههههههههههههههههههه
حاضر هعمل كدا



الله يبارك فيكى ياحبى

[amlak]

حبيبتي عادي لما يجي اتصرفي عادي لما يطلع قوليله حبيبي لاتيجي اليوم الفلاني(الى هوه اليوم التاني الى حيجي فيه)اصلى انا اكون مشغوله او اي حاجه وبعدين قولي هو احسن اصلا لو نخليها فالاسبوع مره عشان احيانا يكون عندي مشاغل ومنها نتشاق لبعضنا اكثر ومانملش بسرعه

[شوشو فانى]

اوعى يا بنتى تقولى ان مامتك زعلانة انه بيجى مرتين فى الاسبوع حايزعل اووووووووووى وحيفضل شيلها لمامتك حتى بعد الزواج انتى خليها مرة فى البيت ومرة اخرجى معاه وعيشى حياتك وربنا يسعدك