[مايو]

ازيكم كلكم فى موضوع مهم عايزاه اكلمكم فيه وياريت اسمع رددكم فيه
دار الايتام
ياجماعه من منكم راح زار دار ايتام قبل كدا بجد فكره حلو للى عايز يقضى وقت جميل وعلى فكره ياجماعه هما محتاجين بجد الاهتمام لانهم حاسين انهم منعزلين عن العالم وان الناس كلهم بتبصلهم بنظره استغراب مع انهم اطفال زى العسل بجد ويتحبوا من اول نظره وبجد محتاجين الحنان اووووووووووووووووووووووووووووووووووووووووووووووووو وووووووووى لان اللى هناك بيعملوهم معامله مهنيه يعنى بيعملوهم على انهم شغل فا ياريت تجربوا وبجد هاتبقوا مبصوتين اوى وهاتبصتوهم هما كمان وانا مجربه الموضوع دا بقالى تلات سنين اهو وكفايه انك تحسى انك بتعملى حاجه مفيده لحد مستهلها وهو تضيع وقت معلش طولت عليكم واللى عايز يعرف حاجه عن الموضوع دا انا موجوده وياريت اسمع ردودكم

اذا اعجبك الموضوع و اردت نشره في المنتديات الاخرى فاستخدمي هذا الرابط:
اللى فاضيه وزهقانه وعايزه تملى وقتها وتكسب ثواب تدخل
http://forums.fatakat.com/thread40989

[اموله المنفله]

الله يجزيكى خير على الفكره

[نوشا]

الحمدلله انا اصلا بعمل كده
بروح دار بس هى اولاد بس
وعندى ابنين فيها ماشاء الله عليهم عسل
الصغير اياد ومش بقوله غير يودة
والكبير محمد حبيب قلبى
ربنا يخليهوملى وميحرمنيش منهم
وفعلا ف الاول بتروحى عشان الثواب
وانك تعملى حاجة لغيرك
بس بعد كده بتحسى انك انتى اللى عايززة تروحى
لانك مش قادرة تستغنى عنهم
وجزاكى الله كل خير ياقمر على الموضوع العسل ده

[مايو]

شكرا على ردك يا وحيده بدون امى

[مايو]

شكرا ليكى يانوشا ويخليلك يوده ومحمد انا بقى الدار اللى بروحه كلها بنانيت زى العسل وكلهم قريبين منى بس بنتى هناك اسمها مريم وبموت فيها وفعلا معاكى حق بعد كدا بتحسى انك انت اللى محتاجلهم وبيخرجوكى من اى مود وحش بتكونى فيه ويارب يكون كل فتكات بتعمل كدا او نفسها فى كدا

[fairy princess]

بارك الله فيكم...انا من زمان كان نفسى اروح دار ايتام لكن ماحدش بيشجعنى
لكن اكيد هاخد ولادى يوم ونروح

[Om Hassan]

جزاكى الله كل خير

[موني 10]

جزاكم الله خيرا
انا كنت بعمل كده من فترة لكن مكنش حد من صحباتي بيحب يجيي معايا فكسلوني
كمان الدار حبيت مره أخذ طفلة افسحها وارجعها قالولي مينفعش
فبطلت اروح
لكن إن شاء الله اروح قريب ثاني خصوصا وإنس حاسه بزهق فظيع

[ام سراج]

برافو عليكي يا مايو..تستاهلي مكافأه كبيره ع الموضوع ده..وانا هاديكي امتياز
ايام الكليه والشغل كنت باروح دور ايتام بس كنا بنروح مجموعه كبيره وكنا بنبقى جامعين تبرعات..وسألنا اداره الدار هما محتاجين ايه..ونشتريه ونوديه لهم لما نروح
وكمان جوز واحده زميلتنا..جاب لنا عنواين ملاجئ ودور ايتام في اكتر من محافظه..وكنا بنزورها كل مانقدر

[ام سراج]

جزاكم الله خيرا

انا كنت بعمل كده من فترة لكن مكنش حد من صحباتي بيحب يجيي معايا فكسلوني
كمان الدار حبيت مره أخذ طفلة افسحها وارجعها قالولي مينفعش
فبطلت اروح

لكن إن شاء الله اروح قريب ثاني خصوصا وإنس حاسه بزهق فظيع

بالنسبه يا موني لأنك تاخدي طفل في خروجه..ده ممكن يحصل لما تتسجلي ام بديله له..وبعد مايثقوا فيكي..ويطمنوا ان الطفل ح يكون في ايد امينه
ربنا يقدركم جميعاً على العمل ده ويبارك لكم في ثوابه

[nona.ezzo]

فكره رائعه
جزاك الله خيرا

[راجية الجنه]

جزاكى الله خيرا على الفكره

انا كنت رحت قبل كده دار ايتام بس مرة واحده بس و كانت تبع المدرسه بجد نفسى اوى اروح تانى

[أم إنجى]

انا ام لطفلتين زى العسل عشان كده احساسى بلاطفال الايتام قوى وبتاثر جدا لما بشوفهم وربنا يقدرنى واساعدهم لانهم فعلا يستحقو منا الاهتمام والرعاية وربنا يحفظهم هم واولادنا يارب العالمين

[مايو]

شكرا على ردودكم كلكم بس ياريت الكل يجرب واللى نفسه يروح مستنى ايه يلا بسرعه الموضوع حلو سهل واللى راحوا وبطلوا ياريت يرجعوا تانى حتة لو مره فى الشهر صدقونى بتفرق معاهم جامد وبتحسسوهم انهم مش نكره وعلى فكره ياجماعه فى حاجه مهمه عايزه اقولكم عليها انتوا لما بتروحوا كدا بتبنوا مجتمع وبتمنعوا الفساد لان الاطفال دى فى منهم بسبب الاهمال بيحس بالقسوه على المجتمع وبيكون كاره الناس ومابيطلعش انسان سوى بالعكس بيحاول يدمر فى كل حاجه حلوه اتحرم منها وانا شوفت دا بعينى من اطفال صغيره اوى وبيتغيروا جامد لما بيحسوا بالاهتمام وبانهم زى اى انسان عادى وياريت ماتحسسوهمش انكم رايحين تتفرجوا على حاجه غريبه فى ناس بشوفها بيعملهوهم كانهم رايحين يتفرجوا على حديقه الحيوانات عايزه مشاركه اكتر من كدا ولا الموضوع مش عجبكم ومستنيه الامتياز ياام سراج

[مايو]

خمس ايام من غير ولا مشاركه ينفع كدا

[مشتاقة لجنه ربى]

جزاكى الله خير

[em salam]

بارك الله فيكي
ومشكوره عالفكره الهايله دي

[shitos_lovely]

انا كان في دار ايتام جنبنا
كنت بروح مع اخواتي
وكانول متبنين طفله وطفل
وكنت يعني بروح اقعد معاهك شويه
بس حاليا
مش بروح مطلقا
عشان اختي اتجوزت
واختي التانيه بتشتغل
فخلاص يعني
بس والله
انا نفسي اروح تاني

[الايمان777]

جزاكى الله كل خير

[بسنــت]

جزاكى الله خير