شات للمغتربات

toty5858 · #1 23-7-2008

السلام عليكم ..

أخواتي المغتربات <<<<<< مثلي شات للمغتربات

الكل يتفضل والله هلا وغلا البيت بيتكم حبيباتي.. شات للمغتربات

كيفكم وكيف أخباركم قهوة ولا شاي .....انت آمروا وبس.. شات للمغتربات

جاهزين للدردشة وتقليب المواجع شات للمغتربات

لا أمزح معكم والله .. لكن أحببت في هذا الموضوع أن نجعله اجتماع للأخوات

المغتربات والمقيمات خارج أوطانهن بحكم الدراسة أو الزواج أو أو..

وأكيد أن الغربة لها إيجابيات وسلبيات وسؤالي::

ماذا أضافت لكِ الغربة والبعد عن الوطن والأهل..؟؟ شات للمغتربات

وبنفس الوقت..ماذا سلبت منكِ .......؟؟ شات للمغتربات

لو فرضنا أن الغربة شخص ما ..فماذا ستسميه ..؟؟ شات للمغتربات

لو خيِرتي بين الاغتراب والبقاء في وطنك بالرغم من الظروف المحيطة والتي استدعت للاغتراب

فماذا ستختارين اليوم ؟؟<<<<< يعني لو عدتي إلى الوراء (( معجبة بموضوعي العودة للوراء شات للمغتربات

))

هل يتولد لديكِ شعور بأن الآخرين في بلدك يغبطونك أو يحسدونك على ما أنتِ عليه .؟.. شات للمغتربات

هل تأثرت شخصيتك بعد الاغتراب ..؟ شات للمغتربات

أتمنى أن تكون أسئلتي كافية ووافية وأتمنى من لديها أسئلة هامة ومفيدة فلتزودنا بها..

كما آمل أن يعجبكم الموضوع وبتفاعلكم ومشاركاتكم تعبق صفحاته بفوح الورد والياسمين.. شات للمغتربات

وحياكم الله في ......................

اذا اعجبك الموضوع و اردت نشره في المنتديات الاخرى فاستخدمي هذا الرابط:
شات للمغتربات
http://forums.fatakat.com/thread41194

toty5858 · #2 23-7-2008

ايه ياجماعة خلاص مفيش مغتربات كلكم في بلدكم

رشا محمود · #3 24-7-2008

بيبتي توتي
عجبتني فكرتك أوي ، وأتمنى أن الكل يشارك فيها . وعشان موضوع الغربة دي بينخر في دماغي زي السوس هاشارك معاك وافتح قلبي.
أولا يمكن من موضوعي (ضريبة الغربة) عرفتو اني اتربيت في الامارات من سن 4 سنين وعشت في مصر فترة خمس سنين وقت الكلية ، ورغم ده مش قادرة اصهر في مجتمع الامارات واقول اني اماراتية رغم حبي للبلد وذكرياتي فيها. ولها علينا جميعا خير كثير.
ماذا أضافت لكِ الغربة والبعد عن الوطن والأهل..؟
في الغربة قدرنا نشتغل بمرتب كويس ونعيش ماديا كويس. انا أقدر أشتري لاولادي كل حاجة نفسهم فيها تقريبا ويتعلموا كويس. يعني نعيش حياة كريمة بكل سهولة. في الغربة اختلطنا بجنسيات تانية عربية واجنبية اتعلمنا منهم حاجات كويسة ، يعني ثراء الثقافات هنا له ايضا ايجابيات تديك خبرة في الحياة. في الغربة تقدري تلاقي وظيفة كويسة وتتطوري في شغلك وتشغلي منصب مرموق ( حسب الشهادة والخبرة)
وبنفس الوقت..ماذا سلبت منكِ .......؟؟
سلبت مني أجمل لحظات حياتي اللي ممكن اعيشها ، شبابي اللي كنت اتمنى اعيشه زي كل بنات مصر ، كان نفسي اعيش قصة حب وهمية مراهقة مع ابن خالي او ابن عمي او ابن الجيران ، وابص عليه من الشباك ، واسمع اغاني ام كلثوم وعبد الوهاب. كان نفسي زانا عروسة افرش شقتي وكل الجيران يباركولي لكن للاسف انا اتجوزت في الغربة ومن غير شقة في مصر كمان ! وجت الشقة بعد سبع سنين جواز ومحتاجة كمان خمس سنين علشان التشطيب والفرش ، يعني احسن اخلي جهازي لبنتي ، ما انا خلاص عجزت في الغربة .. هههههه بكرة اكملك باقي الاسئلة الجميلة أنا مضطرة امشي دلوقتي ،، الي لقاء

اموله المنفله · #4 24-7-2008

السلام عليكم ورحمة الله وبركاته

اموله المنفله · #5 24-7-2008

بسي حبيت اسلم واحيكى على الفكره وربنا يقدرك ديما وتلمى شمل المغتربات وتخففى عنهم

toty5858 · #6 24-7-2008

السلام عليكم

كيفكم يا مغتربات وايه احوالكم

حبيبتي رشا اولا مشكورة علي كلامك الجميل بجد كنت حسه ان مفيش حد هيدخل ويشارك ويحس با الي انا حسه بيه

وانا قريت مشكلتك في ( ضريبه الغربه ) ورديت عليكي

بجد البلد هنا جميله والعيشه فيها احسن من مصر مع العلم ان الحياه هنا بتغلي زي مصر بس الفرق انا هنا عيشة نظيفة وزي ماقلتي اولادنا بنجيب ليهم كل حاجة هما عايزنها هنا والحمد الله انك معاكي باباكي ومامتك
ماذا أضافت لكِ الغربة والبعد عن الوطن والأهل..؟؟

اضافت حاجات كتيرعيشه مريحة كفايه انك بتنامي مشيله هم حاجة وبنتي لما بتعوز حاجة بجبهلها عالطول واتعرفت علي مستويات مختلفة ولغات وجنسيات مختلفة وده بيديك خبرة في الحياة

وبنفس الوقت..ماذا سلبت منكِ .......؟؟
بعيد عن اهلي واصدقائي الي انا بحبهم وبجد كل الي عرفتهم هنا قالو ليه ان الغربه بتضيع العمر وتخليه يجري بسرعة رهيبة ومتحسيش بيه

لو فرضنا أن الغربة شخص ما ..فماذا ستسميه ..؟؟

( متردد )لان في الغربه بتبقي مترددة بين هنا وهناك

هارجعلكم تاني

toty5858 · #7 24-7-2008

المشاركة الأصلية كتبت بواسطة وحيده بدون امي

بسي حبيت اسلم واحيكى على الفكره وربنا يقدرك ديما وتلمى شمل المغتربات وتخففى عنهم

ياهلا بيكي حبيبتي ويارب فعلا الم شمل كل المغتربين وكلنا نفك عن همنا

لاني حسيت لما سافرت معني كلمة غربه وبعدين انا ربه منزل يعني جوزي بيخرج يروح الشغل ويبتدي الملل والاحساس بالوحده وده شيء يخلي الواحد يحس بالاكتئاب

toty5858 · #8 24-7-2008

يله فين كوم يا مغتربات نحكي هممنا لبعض

Marwa Esmael · #9 25-7-2008

السلام عليكم ورحمه الله وبركاته
اولا احب احيكي جدا علي الموضوع
واحب طبعا اشارك وارد علي أسألتك
ماذا أضافت لكِ الغربة والبعد عن الوطن والأهل..؟؟ شات للمغتربات

حياه افضل ماديا ليا ولزوجي وبنتي- بعد عن المشاكل- خصوصيه اكتر

وبنفس الوقت..ماذا سلبت منكِ .......؟؟ شات للمغتربات

شغلي انا مدرس مساعد في الجامعه وطبعا سبت شغلي ودرستي-اهلي واصحابي

لو فرضنا أن الغربة شخص ما ..فماذا ستسميه ..؟؟ شات للمغتربات

ملاذ ولكن

لو خيِرتي بين الاغتراب والبقاء في وطنك بالرغم من الظروف المحيطة والتي استدعت للاغتراب

فماذا ستختارين اليوم ؟؟<<<<< يعني لو عدتي إلى الوراء (( معجبة بموضوعي العودة للوراء شات للمغتربات

))

انا زيك اول ماجيت كنت عاوزه ارجع لكن لما قعدت هنا غيرت رأيي لكن هنزل مصر قريب علشان اكمل الدراسات العليا هيبقي صعب عليا جدا اسيب جوزي تاني وانزل مصر لكن هعمل ايه شغلي ولازم احافظ عليه اكيد هنرجع بلدنا في يوم من الايام ومش عايزين نضيع اللي قعدنا سنين نعمله

هل يتولد لديكِ شعور بأن الآخرين في بلدك يغبطونك أو يحسدونك على ما أنتِ عليه .؟.. شات للمغتربات

اكييييييييييييييييييد وفي كمان طمع وحسد وحقد
هل تأثرت شخصيتك بعد الاغتراب ..؟ شات للمغتربات

وحده وعزله احيانا لحظات بكاء كثيره

الغنمه · #10 25-7-2008

اضافت لي الشوق للاهل والحنين للوطن

رشا محمود · #11 26-7-2008

ازيكو يا مغتربات .. نكمل بقية اجاباتي
وبنفس الوقت..ماذا سلبت منكِ .......؟؟
وكمان الغربة سلبت مني احساسي بالامان ، احنا على طول خايفين من اي قرار يطلع يلخبط امورنا ، او انهاء خدمات - لا قدر الله - او او او .. حاجات كتيرة متوقف عليها وجودنا هنا ومش بايدينا. انتو اكيد فاهميني!
سلبت مني احساس الفرحة باي شيء ، بنفرح لوحدنا من غير مشاركة حد ، وبنزعل لوحدنا من غير مساندة حد .
سلبت من اولادنا احساسهم بمعنى قيمة المادة وازاي نحترمها ونحافظ عليها، انا اولادي صغار لكن لو كبروا شوية في المجتمع ده هيحصل معاهم كده. من كتر سهولة العيشة اصبح الابناء لا يقدرون تعب الاهل ، واصبح كل شيء سهل ومتاح ، وده خطير جدا على حياتهم ومستقبلهم ، انا باحاول أمنع بعض الاشياء عن اولادي ، وأقلل من المشتريات وأستخدم أسلوب التأجيل لبعض الحاجات علشان يحسوا بقيمة تعبنا، ولكن انا زعلانة انهم يكونوا اتكاليين ومستهترين زي معظم الشباب اللي حواليهم .
وفي نقطة مزعلاني أوي من الغربة ، ان المصريين - بالذات- معظمهم وحشين مع بعض !! اوعوا تزعلوا بس دي حقيقة انا مش عارفة سببها. لو فيه مكان عمل دخله واحد سوداني - مثلا- بعد شهر تلاقي الشركة كلها سودانيين، لكن المصري بيحاول يخلع اخوه لاي سبب ، والله مش عارفة ليه ؟ طبعا مش الكل ، بس كتير ، لدرجة ان المدير بتاعنا بيرفض تعيين 2 مصريين في نفس الوظيفة منعا للمشاكل ( شوفتوا بقيت سيرتنا على كل لسان!!) ربنا يحنن قلوبنا على بعض ونتماسك ونكون سند لبعض آمين يارب.
وكمان سلبت مني فرصة ذهبية لن تتكرر معي باستكمال الدراسات العليا والعمل في مركز البحوث التابع لكلية الهندسة.
لو فرضنا أن الغربة شخص ما ..فماذا ستسميه ..؟؟
هاسميها " حراااااااامـــــي" لانها بتسرق عمرنا من غير مانحس.
بالنسبة العودة للوراء ..
والله مش عارفة ، يمكن لو فضلت في مصر ماكنتش قابلت جوزي، لانه من المنصورة ، انا قابلته هنا ، اقولك كنت هاجوزه وامشي على طول ههههههه
هل يتولد لديكِ شعور بأن الآخرين في بلدك يغبطونك أو يحسدونك على ما أنتِ عليه .
اكيد طبعا ، وبيبقى نفسي كل اللي بيحسدني اعمله تأشيرة ويجي هنا ، ويشوف بير البترول اللي جنب بيتنا ويشوف كمان تل الدهب اللي فوق سطوحنا.
هل تأثرت شخصيتك بعد الاغتراب ..؟
مش هاقدر اجاوب على السؤال ده لان شخصيتي تبلورت في الغربة ، لكن اللي اقدر اقوله ان المجتمع ده - زمااااااان مش دلوقتي - كان له تأثير كبير على تديني والتزامي والحمد لله لان الناس كانت لسه على السجية والفطرة ولم يكن المجتمع تشرب من الجنسيات الغريبة ( الروسية والصينية وووو والعادات الغريبة من الهندوس والمجوس والبوذيين والقرف ده كله)
سؤال من عندي انا : هل تفضل البقاء في الغربة أم العودة لبلدك بعد تحسين مستواك المعيشي؟
أعتقد والله أعلم ، انه السلبيات كتيرة ومهمة ومش سهل انه نتغاضى عنها طول عمرنا. ممكن نطنش شوية لحد ما نعمل لنا بداية كويسة لحياتنا ( شقة ومبلغ لبداية مشروع)، وننزل بلدنا نبدأ فيها من تاني علشان أولادنا ما يتعبوش ولا يتغربوا زينا.وبارك الله فيما رزق. انا مش عارفة القرار ده صح ولا غلط ، بس ده اللي انا حاسة بيه وربنا يقدرنا ونعمله - ان شاء الله - وعلى فكرة كل ما تقدم بينا العمر هنا بيبقى قرار العودة أصعب- وأسألوني انا !!