[موني 10]

يا بنات بصراحة بسمع كلمة سعادة كثير
بس مش حساها
حياتي ماشيه زي ما هي ماشيه ومش حاسه فيها بطعم السعادة
طبعا الحمد لله على كل نعمه بس حاسه ان في حاجه نقصاني مش عارفه ايه

كمان عايزه حد يقولي يعني ايه سعادة اصلا

اذا اعجبك الموضوع و اردت نشره في المنتديات الاخرى فاستخدمي هذا الرابط:
مين يقولي الاقي السعادة فين
http://forums.fatakat.com/thread41260

[زهرة ساحرة]

يااااااه سؤالك خلاني احس بحاجات كتير قوي يا موني ... عارفة ... انا حاسة ان حياتك روتينية جدا ومافيهاش اي تجديد ... دة غير ان الحياة مابينكم مافيهاش اي شئ يشد ودة اللي مخليكي حاسة بعدم السعادة......
السعادة يا موني هي انك تحسي وكان قلبك طاير من الفرحة..
تحسي انك حابة تعيشي الحياة وعايزة الايام ماتجريش من جمالها..
تحبي كل لحظة وتحزني قوي علي ان الوقت بيجري ..
تنسى الدنيا وكل الحياة وانتى فرحانة ..
تحسي ان سبب سعادتك لو غاب عنك لحظة تشتاقي اليه ولما يرجع تقوليلة وحشتني ..
مهما اتكلمت مش هاقدر اوصف معنى الكلمة دي رغم ان حروفها بسيطة ولاكن معناها معبر.. باختصار السعادة هي الطعم الحقيقي للحياة.. من غيرها يصبح الانسان وكانة مش عايش وتمر علية الايام طويييييييلة ومملة وماتصدقي يوم يعدي وتحمدي ربنا ان اليوم عدى وتشيلي هم اليوم الجاي وتقولي ياااااه لسة هاعيش يوم جديد طوييييييل ممل و.... و.... .. !
علاج الاحساس دة انك تجددي في حياتك سواء متجوزة او لا .
لو متجوزة حاولي انتي وهو تجددوا في حياتك ... عيشي يوم مالوش مثيل ..
اعملي اي شئ مجنون انتي وهو ...
اخلقوا لنفسكم ولو يوم مثير في احداثة ... اخرجي من الروتين والملل وعيشوا بكل ما تحمل الكلمة من معنى . عيشووووووا .
اخرجي عن المالوف واتجننوا وخرجوا كل طاقة جواكم ..... .
اما لو مش متجوزة ... نظمي رحلة مع الموظفات في الشغل او انتي واهلك وقرايبك او انتي وصديقاتك وروحوا لاي شاطئ من الشواطئ الجميلة واقضوا فيها امتع الاوقات ... هيّصي واملي الدنيا ضحك من قلبك وبرضة هارجع واقولك اخرجي عن المالوف ولاكن في الحدود المسموح بيها .. اعملي اي شئ جميل انتي وصديقاتك او اي حد معاكي ... غيري يومك وجددي في حياتك .. صدقيني هاتعيشي ايام جميلة مع التجديد ............................................. بتمنى اكون قدرت اوصل ليكي ولو شئ بسيط تقدري تستفادي منة .. واخر كلامي اتمنالك كل السعادة .

[دعاء A]

وانا كمان راى من نفس راى زهرة ساحرة وكمان لازم تعرفى ان السعادة الحقيقة في الجنة ولاياس مع الحياة انت اخرجى نفسك بنفسك وشوفي اية الحاجات الى تقدرى تعمليها وتجددى بيها حياتك ومتفكريش فب ابارح ولا في بكرة خليك بنت يومك بس وقسمي وقتك والله ولي التوفيق

[الايمان777]

انا اعتقد ان مفيش معنى لكلمه سعاده ولا وجود ليها فى الدنيا

مفيش سعاده خارج جنه ربنا فى الاخره

[smsmah]

ياااااااااااااااه السعاده دي كلمه بتبعد عن الواحد كل اما يكبر ف السن
عموما ربنا يوفقك ويكتبلك السعاده
بس فكك
وبلاش تعيشي جوه الحاله

[اموله المنفله]

يابنات السعاده لما تبصى لواحد معاق وانتى الحمدلله بكامل صحتك السعاده لما تبصى وتلاقى اسره عايشه تحت خط الصفر وانتى الحمدلله مستوره السعاده لما تنامى وتحسي انم ماظلمتى حد ولا حد بيدعى عليكى السعاده لما تحسي انك بتادى واجباتك الدينيه وراضيه ربك السعاده لما تعيشي مع اسرتك وتكونوا متافهمين وقلوبكم على بعض واعتقد ان كل واحده على الاقل بتملك ولو حاجه واحده من الحاجات دى وربنا يفرحكم ويسعدكم

[سوسو المروشه]

انا متفقة مع راى الفتكوات

والسعادة هى الرضا على النفس والرضا على افعالك

[ماجي2008]

هو اقولك عدم احساسك بالسعادة اسبابها اية
ممكن من المسئوليات الكتيرة
ضغوط الحياة والحياة الاقتصادية اللى احنا عيشينها على الغني والفقير
عدم اخلاص الصديق
جمع المال وبس
الحب ماعادتش موجود زي زمان
زمن المصالح وبس
هى دية اسباب كافية لعدم احساس الفرد بالسعادة انا شخصيا زيك كده مش حاسة بطعم للدنيا عملت اية ابتدت احسى انا حاجة نقصني ومحتاري ومش عارفه اية المهم مش هطول عليكي مسكت كتاب الله وقرأت بتدبر يعنى شوية عن الاول وبعد كده يوم اجازتى من الشغل بروح المسجد وبحضر دورس حفظ وتفسير وصدقينى حاست بالسعادة جربي وان شاء الله هتلرتاحي وتحسي بالفرق
ربنا يسعدك ويرزقك بزوج صالح يهديكي الى الطريق الى الجنة

[nefertety]

وحيده بدون امي رايها عجبني كتير
وكمان السعاده في ان واحد يكون محتاج اي مساعده وبمساعدتك ليه
تدخلي البهجه والابتسامه في قلبه وتحسيها في عنيه يااه منتهي المتعه 000

[3cat]

عندكى حق فعلا السعادة انكى تساعدى حد محتاج مساعدة

[سمسمه26]

راى وحيدة بدون امى حلو اوى

[موني 10]

ياااااااااه يا زهره كلامك حلو قوي حسسني فعلا ان السعاده ممكن تكون موجوده
انا مش متجوزه
للأسف في الشغل احنا مجرد زمايل نتقابل في الشغل وخلاص ولما العلاقه بتزيد عن كده نتحصل مشاكل ... صدقيني انا مجربه
أما بقى صحباتي من ايام المدرسه .. فالحمد لله كلهم بيحبوا قاعدة البيت
وفين وفين لما يخرجوا معايا داخل القاهرة
ويا سلام لو قلتلهم نروح اي شاطئ بيعتبروني محنونه
وانا بحاول فعلا اقنع اختي وجوزها نروح مصيف بس ادعيلي ربنا يهديهم
وشكرا ليكي يا قمر على مشاركتك الجميلة

[موني 10]

متشكره ليكوووا جداجدا جدا على ردودكم الجميلة

عارفين هحاول اعمل حاجتين :
1. زي ما قلت هحاول اقنع اختي نروح مصيف ولو 3 ايام وهو يبقى تغيير من الشغل
2. هحاول اشوف حد من صحباتي ونروح زياره لدار ايتام
عارفين يمكن عندي مشكله برده اني دايما بحاول ادور على حد من صحباتي يخرج معايا أو يروح معايا اي مكان . مش عارفه دي حاجه كوبسه ولا لأ . بس لما محدش بيجي معايا بقعد في البيت زيهم
ربنا يسهل ..... ادعولي انتوا بس

[أاأهات ودموع]

كتير عجبنى راى وحيده بدون امى

[toto s]

سؤالك صعب كتير الاجابه عليه
انا بصراحه مبسوطه بحياتي طبعا الا ما يكون في شويه اشيا مو حلوه وبتخلي الحياه وحشه
بس الحمدلله بشكل عام انا مبسوطه

[monee_2020]

عايزه تعرفى السعاده دورى عليها انت بنفسك
حتلاقيها زى ما قالت لك وحيده بدون امى وحتلاقيها فى طاعة الله
لان الحسنه لها نور فى القلب وضياء فى الوجه
والسيئه لها ظلمه فى الوجه وظلمه فى القلب
وفقنا الله واياكى اللى اتباع مرضاته
انها السعاده الحقيقيه

[flowermoon14]

كل كلامكن اخواتي صحيح مائة بالمائة لكن رائي ان السعادة الحقيقة مع الله
ان نعبد الله ونتقرب الية ونوكل الية كل امورنا ونرضى بما قسم لنا واذا كان هناك شي غير ما نتمنى فعسى ان يكتبة الله لنا في الدنيا او في الجنة

[fati miss algeria]

السعادة الحقيقية تحسيها لما تكوني صافية مع اللي خلقك
لما تحسي ان ربنا راضي عليك
والله صدقوني لما تتحقق هذه السعادة...كل شيئ يصير روعة

سعادتك مع الله تجيبلك السعادة في كل جوانب حياتك

[ضى القناديل]

الى مونى 10
انا زى حالك بالظبط وبأيدك فى رأيك جدااااااااااااااا
وفعلا عندى بردة فى الشغل لما العلاقة تتعدى الزمالة بردة بتقلب مشاكل مفيش زى صداقة زمان اللى منهم اتجوز وسافر واغلب صحاباتى كدة
وعلى فكرة انا بقى اختى وجوزها سافروا خلاص وسابونى

[قائدة الاسطول]

الدنيا فيها الحلو وفيها المر ... اعتقد الروتين بتاعك ممل لازم يتجدد وانسى كل الفات وافتحى صفحة جديدة وعيشى الدنيا صح يامونى واى حاجة تضايقك قولى لااللة الا انت سبحانك انى كنت من الظالمين وربنا يهدى بالك .