[نانى عبد الرحمن]

ازيكم يا بنات انا شعرى ضعيف جدا ومقصف من كتر الصباغات والهاى لايت وخطوبتى قريب وكنت عوزه اعمل صبغه تانى بس خايفه عليه عشان فى تساقط كتيررر وواحده صحبتى قالتلى على حنه جلورى بس انا بردوا خايفه منها عوزه اعرف منكم لو حد استخدامها هى اثارها ايه على الشعر وكيفيه استخدامها الصحيح وهل هى فعلا حنه وله فيها مواد كميائيه حدر شعرى وتعملى مشاكل بعد كده وانا بعمل له علاج ارجوكم اله جربتها تقولى.. وشكرا

[LoveR MooN]

انا صحبتي مامتها جربتها و قالتلي حلوه اوي

[shoshaa elmnkoshaa]

بصى ياقمر هى الصبغات عموما طبعا غلط عالشعر وخصوصا الضعيف مهما يقولولك بقى دى طبيعية
اما بقى بالنسبة لحنة جلورى انا جربتها وانا شعرى خفيف زيك كده هى معملتلوش اى لوى بس بصراحة خلته ناعم جدا اما بالنسبة لو فيها مواد كيميائية فانا بصراحة مش عارفة
اه وهى كمان غالية اوى يعنى كيس مش فيه يجى 50جرام ب5جنيه بس هى بصراحة حلوة اوى فى عملية النعومة بس كمان الحنة العادية مفعولها قريب اوى منها

[shoshaa elmnkoshaa]

بصى ياجميل انا جبتلك كذا طريقة للحنة بالوان كتير شوفى بقى اللى يناسبك


لشعر أحمر

المكونات:

1- عشر ملاعق كبيرة حناء.
2- عصير ليمونة.
3-كوباية كركديه.
4- كوباية مية سخنة.
5- ثلاث ملاعق قشر الرمان المجفف.
6- كوباية من خل التفاح أو الخل العادي.


شعر أشقر




المكونات:

1- عشر ملاعق كبيرة حناء.
2- عصير ليمونتين.
3-ثلاث ملاعق كركم.
4- مقدار مناسب من الماء الساخن.
5- ملعقة كبيرة من خل التفاح أو الخل العادي.



شعر بني محمر

المكونات:

1-عشر ملاعق كبيرة حناء.
2- عصير ليمونة.
3- ثلاث ملاعق من خل التفاح أو الخل العادي.
4- ثلاث ملاعق قشور باذنجان مغلية.
5- مقدار مناسب من الماء الساخن.



لشعر بلون الشيوكولاتة

المكونات:

1- عشر ملاعق كبيرة حناء.
2- عصير ليمونة.
3- ثلاث ملاعق من خل التفاح أو الخل العادي.
4- ثلاث ملاعق من بودرة الكاكاو.
5- مقدار مناسب من الماء الساخن.


لشعر كستنائي

المكونات:

1- عشر ملاعق كبيرة حناء.
2- عصير ليمونة.
3- ثلاث ملاعق من خل التفاح أو الخل العادي.
4-كوب مغلي من البابونج.
5- مقدار مناسب من الماء الساخن.



للشعر النحاسي

المكونات:

1- عشر ملاعق كبيرة حناء.
2- عصير ليمونة.
3-زجاجة سفن أب صغيرة.
4- مقدار مناسب من الماء الساخن.





لشعر بلون دم الغزال

المكونات:

1- 10 ملاعق كبيرة حناء.
2- عصير ليمونة.
3-كوبان من محلول دم الغزال عبارة عن (ملعقة كبيرة من بودرة دم الغزال في كل كوب ماء)
4- مقدار مناسب من الماء الساخن.
5- كوب من خل التفاح (أو الخل العادي).


لو شعرك فاتح وعايزة تغمقيه

المكونات:

1- نصف فنجان حنة حمراء.
2- نصف فنجان حنة سوداء.
3- فنجان من أوراق عشب البابونج مطحونة.
4- مية سخنة.

الطريقة:

اخلطي المكونات دي كلها مع بعضها وسييها نصف ساعة لغاية ما تتخمر وبعد كده حطيها على شعرك من ساعة إلى ثلاث ساعات أو أكتر على حسب درجة التفتيح اللي إنتِ عايزاها.

وعلى فكرة الطريقة اللى فيها دم الغزال دى اللون بتاعها بيطلع حلو اوى

[نانى عبد الرحمن]

انا صحبتي مامتها جربتها و قالتلي حلوه اوي

شكرا يا قمر يا رب تطلع كويسه اشكرك

[shoshaa elmnkoshaa]

ياخراشى نسيت اقولك مبرووووك ياقمر لولولولولولولولولوى من هنا لحد عندك
وعقبالى يااااااااااااااااااااااااااارب

[نانى عبد الرحمن]

بصى ياقمر هى الصبغات عموما طبعا غلط عالشعر وخصوصا الضعيف مهما يقولولك بقى دى طبيعية
اما بقى بالنسبة لحنة جلورى انا جربتها وانا شعرى خفيف زيك كده هى معملتلوش اى لوى بس بصراحة خلته ناعم جدا اما بالنسبة لو فيها مواد كيميائية فانا بصراحة مش عارفة
اه وهى كمان غالية اوى يعنى كيس مش فيه يجى 50جرام ب5جنيه بس هى بصراحة حلوة اوى فى عملية النعومة بس كمان الحنة العادية مفعولها قريب اوى منها

الف شكر يا قمر ومتشكره اوى على مجهودك معيا وانواع الحنات دى كلها كتر خيرك وححاول انى اجربها فعلا شكرا ليكى ولمجهودك وزوقك

[shoshaa elmnkoshaa]

يوووووووووووووووووه نسيت اقولك كمان لو عاوزه لون الحنة يفضل وقت اطول
الميه السخنى اللى هتستخدميها وانتى بتغليها اغلى معاها قشور برتقال وليمون اوك يلا بقى جربى وقوليلنا ايه الاخبار
وعلى فكرة انا لما جربت جلورى محطتش معاها اى اضافة تانية خالص لانى كنت فاكراها هتعمل لونها من غير حاجة بس مسابتش اي لون خالص انا كنت عاملاها بميه دافيه بس.
لكن لما تضيفيلها الاضافات دى اكيد فى فرق

[نانى عبد الرحمن]

ياخراشى نسيت اقولك مبرووووك ياقمر لولولولولولولولولوى من هنا لحد عندك
وعقبالى يااااااااااااااااااااااااااارب

الله يبارك فيكى يا جميله وعقبالك انتى وكل بنات المسلمين يا رب