[سموح وبس]

اسمعي غيري الدكتورة واذا طلع صح الكلام ابقي صارحيه وخليه يروح معاكي عندالدكتورة عشان يتاكد انك ماكنتي مع واحد قبل كذا وان عندك مشكلة واذا شاريكي حيتزوجك واذا ماهو شاريكي ماتزعلي ربي حيعوضك احسن منه

[الزهره الحزينه]

حبيبتي اعملي استخاره بعدين راجعي الطبيبه لازم يكون في سبب لاني انا مره قرات بمجله طبيه انو في اسباب لفض غشاء البكاره ومنها ركوب الدراجه بصوره كبيره او الخيل انت راجعي ذاكرتك واكيد بعد الاستخاره راح توصلي لحل والله معك ويوفقك

[نوشا]

انا بصراحة احتارت ليكى كتير
بس ما حبيت اخرج من غير
ما اقولك اى شىء عسى انه ينفعك
اولا لازم تصلى استخارة وتدعى الخالق
بانه يوفقك باللى فيه الخير ليكى
وشوفى ربنا هيدلك على ايه
اما عن رايى
انا شايفة انه لازم تبداى حياتك وتبنيها على الصراحة
وتقولى لخطيبك وياخدك للدكتورة اللى يعوزها
ويتاكد بنفسه
ولو هو واثق فيكى وبيحبك هيصدقك
اما لو تركك وشك فيك
يبقى متزعليش عليه
وان شاء الله ربنا يقدرلك الخير
وياريت تطمنينا عليكى عملتى ايه

[نانو الحبوبه]

مش عرفه ارد بس لازم الرد ده فين مامتك الاول المروض تقوللها ممكن تكون هى عرفه انك وانت صغيره حصلك حادث لو كلام الدكتوره صح ممكن سؤال وتجوبينى عليه بصراحه ممكن انت كنت رايحه للدكتوره ليه وهى قالت وشافت ليه فكرى كويس اوى فى الكلام ده لو وثقه فى نفسك قولى لمامتك احسن حل وهى تحلها معاكى ورحى عند دكتوره تانيه قبل ما تقولى لحد بس جوبينى بليز

[crazy_tota]

تصدقي انك رعبتيني فعلا وشككتيني في نفسي حكاية الغشاء دي واي حاجة اصلا عن الزواج والحاجات اللي بتحصل فية انا كنت فيها ابيض خالص ومعرفش اي حاجة عنها
بس فعلا انا اللي قلقانة دلوقت لاني كنت بركب عجلة لحد فترة قريبة جدا جدا ومكنتش اصلا افهم حاجة لا عن غشاء البكارة ولا عن الزواج نفسة
انا حقيقي مش عارفة اقولك اية بس انك فقدتية ومن زمان افتكر انك تسالي اهل العلم ع عملية الرتق دي وهل تجوز في حالتك
وانا بقي خفضل قلقانة علي نفسي كدة بسبب ركوب العجلة دة
وربنا يستر

[ام هيوي]

انا سمعت السؤال دا قبل كدا كان موجه للدكتوره هبه قطب وكان ردها ان كلام الدكتوره ليها كلام فاضي وان لايمكن يحصل كدا ابدا وخلي بالك خلي بالك اوعي تخلي اي دكتوره تكشف عليكي وشيلي الموضوع دا من دماغك خالص وكلام من اختك انتي لسه بنت وعندك الغشاء وانتي ما فقديهوش ولا حاجه لان مش من السهل انك تفقدي عذريتك بدون سبب اسمعي كلامي وما تفتحيش الموضوع دا مع اي حد خالص ولا مع خطيبك وكملي جوازتك علي خير طالما انك واثقه من نفسك

[ام هيوي]

نسيت اقولك ان خوف البنت ليله دخلتها وتوترها لاي سبب بيخلي الغشاء يهرب مع انه موجود فلازم تكون اعصابك هاديه جدا ديوم فرحك ان شاء الله

[mahmouha]

انصحك بصلاة الاستخارة وان شاء الله ربنا يحل مشكلتك

[amira82]

انا رأيى تسألى ايه هى الحالات اللى بيحصل فيها ان الغشاء ما يكونش موجود
من غير عذر الجماع
وشوفى ايه السبب الاقرب وبعد كده اعملى استخاره فى انك تقولى ولا لأ لخطيبك
وان شاء الله ربنا يوريك خير فى الاستخاره
وخلى صلتك بربنا تكون قويه وطمنينا عليكى
ربنا يفرج كربك

[جالاكسى2006]

اوعى تقولى لخطيبك حاجه وعرفى والدتك وبعدين انا طول عمرى بركب دراجه ومفيش حاجه حصلت والكلام ده كله كلام فارغ لان ربنا رحمته اوسع من كل شئ مش معقول البنت تكون شريفه ومحافظع على نفسها وعشان خبطه ولا حاجه بسيطه تتظلم لا طبعا
وبعدين انا اختى عندها التهابات وهيه لسه بنت ولما بتكشغ عند الدكتوره اصلا مابتكشفش عليا نت تحت خالص والدكتوره دى زوجة عمى انا مش عارفه هيه كشفت عليكى ليه نسا... مجرد بس انك تقلى حالتك للدكتوره بتطلب تحليل بول وبتكتبلك علاج بسيط عباره عن مرهم خارجى ومضاد حيوى وانا نفسى قبل ماتجوز كشفت عشان الالتهابات والدكتوره كشفت عليا بالاشعه التليفزيونيه بس (السونار) وماكشفتش المنطقه الحساسه دى خالص
بصى انتى روحه لدكتوره تانيه وعرفيها الكلام اللى الدكتوره دى قالته واوعى تقولى لخطيبك حاجه والله لو حلفتيله على ايه مش هايصدقك وادعى دايما( اللهم استرنى فوق الارض وتحت الارض ويوم العرض)
وضرورى تطمنينا عليكى

[ماجي2008]

ربنا معاكي

[toty5858]

السلام عليكم

حابيت ارد عليكي اولا مافيش سبب ان البنت تفقد عذريتها بدون سبب

والدكتورة فعلا ما تكشفش نساء الا في حاله لو عرفت انك مش بنت لانها بتسألك الاول

وثانين صلي صلاة الاستخارة وربنا هو الي ها يهديكي للطريق الصحيح

بعد كده لازم تصرحي خطيبك لو كنتي فعلا مظلومة ولو بيحبك هيتزوجك

ويسامح ويغفر لان ده حصل لوحده صحبتي بس الحمد الله كان خطيبها بيحبها ومتخلاش عنها لانه عارفها كويس وعارف اخلاقها ونسي الموضوع ده خالص
وهي بتدعيله ديما لانه سترها في الدنيا

وبعدين في الاو لو الاخر كل شيء قصمة ونصيب وربنا يعلم ما في القلوب ربنا بيغفر يبقي ابن ادم مش ها يغفر

وربنا معاكي

[Marwa Esmael]

اولا- تعترفي لخطيبك بأيه وانت لم تذنبي اصلا

ثانيا- اريد ان استوضح هل ولدتي بدون غشاء اصلا فهذا وارد في حالات شديدة الندره ام انك ولدت به وفقدتيه

وحكاية فقده من ركوب العجل والنط كلام فاضي برأي دكتور متخصص لازم ايلاج شىء داخل المهبل ليقطع

والعذريه يمكن التأكد منها بشىء اخر غير غشاء البكاره يمكن ان يعرفها طبيب النساء وعن طريقها يحدد الطب الشرعي العذريه وهي وجود شيء يسمي بعلم التشريح fossa او فاتحه غائره في نهاية الفرج هذه الفتحه تتسطح بكثرة الممارسه الجنسيه فهي دليل اخر علي العذريه لاثبات برأتك لدا متخصص

واريد ان استفسر اين امك من هذا الوضع

ايضا غشاء البكاره غائر لداخل الفرج ما حاجة الطبيبه للنظر الي الداخل اذا كانت التهاباتك سطحيه واحسبها كذالك لانك عذراء

اما عن الترقيع فالافضل اخذ الفتوى من اهلها اذهبي لدار الافتاء واسألي اهل العلم

ارجو ان اكون افادتك واعانك الله

[IMAN SALAH]

انا راي انك تاخدي خطيبك وتروحي لدكتورة ثقه وتخليها هي اللي تتكلم معاه وتفهمه انك ممكن تكوني مولدة كده وان ده ماحصلش نتيجة الجماع وهو بعد كده يقرر بقي هايعمل معاكي ايه ....لكن لو انتي قولتيله من نفسك مش ممكن هايصدقك

[بنبونى]

تخيلى خلتينى اشك فى نفسى
انا طول عمرى بركب عجل من وانا طفله لحد دلوقتى وخطيبى عارفنى من اايام ما كنت طفله وبلعب بالعجله وهو دكتور وبابايا دكتور وعمتى دكتوره نسا وتوليد وعمر ما حد قالى لا بلاش ولا غلط ولا اى حاجه من كده
انا مش عارفه ازاى اصلا الدكتوره تكشف عليكى الكشف ده
اولا مامتك فين ولازم تقوليلها
لو مش مامتك حد من الكبار عندك
ولازم تروحى لدكتوره تانيه يابنتى وتتاكدى فى ناس بتقول اى كلام وخلاص
وراى متقوليش لخطيبك حاجه غير لما تتاكدى من الكلام ده الاول وفعلا الاحسن تاخديه لدكتوره وهيا اللى تشرحله

ربنا يسير ليكى الامور ويهديكى للخير

[ريهام محمد]

اوعي تعرفي خطيبك تحت اي ظروف مهما حصل الالما تعرفي حتعملي اة الان ممكن الموضوع يطلع مش حقيقي وفي غلط يبقا عملتي لنفسك شوشرة بس وممكن في اي امور جديدة تحصل بااختصار مفيش راجل بيحفظ اي سر ولا في راجل لية اي امان مهما كان احسن واحد في الدنيا الاالشرف فهماني ارجوكي ولا تحكي الي اي صحبة مهما كانت بتحبك مامتك بس بسبسبس بس بس بس متفقين دة اهم نقطة في الموضوع كلة

[monee_2020]

شوف يا جميل ربنا ييسرها ويسترها معاكى بجد لازم تغيرى الدكتوره ولازم واحده تكون كويسه تتطمنى معاها
واياكى ومصارحة خطيبك بشيء الا لما تتاكدى انتى الاول

وبعدين اياكى والخلوه بيه او تخليه يختلى بيكى اولا حتى لو كنتى كاتبه كتابك حرام اصلا لانه الجواز من اساسياته الاشهار وهو محصلشى

روحى لدكتوره تانيه وبالله طمنينا عليكى

[undonelife]

اولا الدكتوره ازاي عرفت انه من زمان؟؟
ده اختصاص الطب الشرعي

تانيا ممكن تروحي للطب الشرعي وتطلبي شهاده انك فقدتي عذريتك من صغرك بسبب حادث

ثالثا لازم تعرفي ان في بنات بيتولدو اصلا من غير غشاء، وحكاية ان الدم لازم ينزل دي غلط وستين غلط، والمفروض اي راجل (بيفهم) بيعرف اللي معاه دي عملت علاقه ولا هو اول واحد، وده من ضيق الفتحه، وبيحس ان في حاجات بتجتازه وان الموضوع مش سهل (مش ماشي بسلاسه عادي)

[ام سراج]

معلش يا جماعه
انا مضطره ارد واقول ان البنات اللي بتتولد من غير غشاء دي حالات نادره على مستوى العالم..مش بس كده..ده عدم وجود الغشاء معناه ان لازم يكون فيه عيوب خلقيه أخرى في الجهاز التناسلي....ومستحيل بنت تتولد من غير غشاء ومن غير اي عيب خلقي في الجهاز التناسلي مصاحب لإختفاء الغشاء ..مجموع حالات عدم وجود الغشاء =0.03%
ودي نسبه ضعيفه وتكاد تكون معدومه تقريباً
ثانياً لا ركوب العجل ولا النط ولا الكلام ده كله ليه تأثير ..ده كلام مرسل مالوش سند علمي..وانا عملت موضوع اعتماداً على المصادر والمراجع العلميه الكبرى المعترف بيها طبياً..وهو موجود هنا ..http://forums.fatakat.com/thread44055
تقدروا تشوفوه لزياده المعلومات

[meramied]

بصي اختي العزيزة
اذا كان فعلا غشاء البكارة مش موجود زي ما قالت ليكي الكتورة ومن زمااان
وكان عدم وجوده شيئ طبيعي بعيد عن اي معصية تغضب ربنا خليها تديكي تقرير بذلك للحفاظ علي حقك
حصل قبل كده وواحدة كانت راكبة عجلة ووقعت واتفتح غشاء البكارة الدكتور اداها شهادة بان غشاء البكارة اتفتح بسبب العجلة وختمهالها للحفاظ علي حقها في انها بنت عفيفة فخالي الدكتورة تعطيكي شهادة بعفتك واذا عايزة تصرحيه في الحالة دي يبقي احسن ومعاكي دليل من دكتورة فيه السبب
انما لو مش هتعرفي تجيبي دليل لعفتك اوعي تصارحيه لانه هيشك فيكي قبل الجواز ويسيبك واذا تمت الجوازة هتشوفي الويل حتى لو ابتسمتي وانتي ماشية
وربنا مبيضيعش حق حد وبينصر المظلوم
وربنا يعفنا جميعا ويعفينا