[سندريلا79]

انا يا جماعه هادخل فى الموضوع علطول
بصراحه انا متواجده الان فى الامارات وارتديت النقاب من حوالى 6 اشهر وانا مرتاحه فى لبسه والحمدلله هنا
لكن ساعات اما بفكر انى بعد شهور قليله هانزل مصر
اكيد هابقى عامله ازمه شويه وخصوصا عند حماتى علشان اخوات زوجى وكده ومش هاكون على راحتى لا فى عمايل اكل ولا حتى اثناء الاكل وهكذا يعنى اذا زرنا اى حد من اقرباء زوجى او اقربائى اللى المفروض البس النقاب قدامهم
انا حاسه انى كل اما اروح مكان هاعمل مشكله ولا ايه
انا بجد محتاره يا جماعه ومش عارفه اعمل ايه
وزوجى قاللى انتى حره براحتك عاوزه تلبسيه او لأ
انا عاوزه رأيكم بجد

ايه الصح البسه واللى يحصل يحصل لإنه بجد ستره ليا ولا بلاش علشان ماسمعش كلمه من حد وخصوصا حمايا لإنه بيقولى انتى المفروض اما تكلمى اى حد او تقعدى مع حد ما تبصيش له ٌلإن عنيكى بتظهر من النقاب وشكلها ملفت للنظر
انا اسفه انى طولت عليكم
بس بجد محتاره جدا

[اشرقت]

انا رايى حبيبتى تثبتى عليه والموضوع ده بس تعود ممكن تسمعى كام كلمة لكن مش مشكلة لانه ستر زى ما قولتى واكيد لكى ثواب كبير
احمدى ربنا كثيرات نفسهم يلبسوه بس اللى زوجها معارض واللى اهلها معارضين
وادعيلى ربنا ييسر لى
وربنا يثبتك لانه اكيد افضل

[ام مهند]

انا من راي ان ده راجع ليك ياسندريلا واي حاجه تانيه المفروض ان اللي حواليك يحترموهاوبخصوص الاكل وغيره ممكن بطريقه حلوه تخلي الستات مع بعض والرجال مع بعض وممكن تتحججي باي شئ وربنا يثبتك ويرزقنا النقاب والثبوت عليه

[ريري]

انا فهمت انك لبستيه ومادام لبستيه تكيفى معه،يعنى مثلا لما تروحى لحماتك او اهل جوزك ممكن تظلى قاعده معاهم لكن ساعة الاكل اغرفى طبقك وروحى اى غرفه تانيه،وممكن تلبسى اسدال صلاه من اللى فيه طرحه وتلبسى عليه النقاب عشان تتحركى براحتك،المهم انك ما تعقديش المواضيع علشان ما يحسوش انك اتغيرت او فصلتى بينهم..يعنى تعاملى مع الموقف بسلاسه
وربنا يثبتك ويعينك...اللهم اميييييييين

[hala_2007]

بصي اولا انتي لبستية عشان ربنا واي حد مش مهم وبعدين هما هيتعودو حبة حبة والاهم انك ترضي ربك مش حد تاني

[توته1]

أنا كمان مع رأي حبيباتي أشرقت ، وأمهند ، وريري ، وهالة
وبعدين يا سندريللا لبس النقاب نعمة عظيمة ، وتذكري حديث رسول الله :"من أرضى الله في سخط الناس رضي الله عليه وأرضى عنه الناس ، ومن أرضى الناس في سخط الله سخط الله عليه وأسخط عليه الناس " وأهم شئ رضا الله وهو بيده أن يرضي عنك من حولك ، وحتى ان لم يرضوا فلك أجر ان شاء الله في التحمل لأنك تحملت لله..........واعتذر عن الإطالة .

[ام شوكت]

الرقيقه سندريلا
اتم الله عليك هذه النعمه ومكنك منها وثبتك على ايمانك
النقاب مش مشكله ابدا عليهم ان يتعودوا عليك منقبه وان كنت على قناعه تامه فلا يهمك لومة لائم ويجب ان تتعاملى معهم بلين وسلاسه وحذروبالكلمه الطيبه
مودتى

[دودينا]

انا من رائى اعملى اللى انتى عايزا بس ربنا قال الوجة والكافين يعنى لو كنتى من غير نقاب برضوا كدة هترضى ربنا وفى الاخر طالما انتى مقتنعة بية خلاص

[اسيره الحزن]

ماشاء الله عليكي يا اختي اتمني ان اكون مكانك فاثبتي ولو احد سمعك كلمه ولا كانك سمعها وانتي بترضي ربنا مش مهم رضا الناس والله ينور دربك بالخير وارجوكي ان تدعيلي بان ابدا بهذه الخطوه)) والله يوفقك

[monee_2020]

السلام عليكم الله يثبتك يا جميل وانا لابساه من وانا فى الصف الثانى الاعدادى من 12 سنه وعندى 25سنه ربنا يثبتنا واياكى بس صدقينى هو فرض والعلماء اللى قالوا بعدم فرضيته قالوا اذا امنت الفتنه وانتى شايفه الزمن اللى احنا فيه حد يأمن الفتنه ومفيش اى مشكله عندى خالص لازم انتى تعودى كل الناس على كده واى حد يكلمك مثلا يقولك انتى لابساه ليه هو ده فرض قولى له حديث امنا عائشه قالت يرحم الله نساء الانصار لما نزلت ايه الحجاب شققن مروطهن فاعتجرن بها) يعنى غطين بها وجوههن والايه (يا ايها النبى قل لازواجك وبناتك ونساء المؤمنين يدنين عليهن من جلابيبهن ذلك ادنى ان يعرفن فلا يؤذين)واحده واحده حيتعودوا انتى عنوان للى لابسينه ممكن ربنا يهدى حد ويعمل زيك معلشى باطول معاكى بحبك فى الله

[m_maha]

انا رأى مختلف شوية لانى لبسه قبل الزواج وسألت كتير وأخترت الافضل اذا كان اخوات زوجك ملتزمين او محترمين طبعا انتى فهمنى لو كده ممكن تخلعه وانت فى بيت حماكى لان اخوات زوجك يعتبره ليكى محرم مؤقت مادام زوجك عايش والبسه طبعا فى الخارج وانا لما عملت كده حماى فرح قوى لانه بيحب المه

[سندريلا79]

بجد ميرسى لكم كلكم على ردكم الغالى عليا
وماتتصوروش بجد اد ايه كنت فرحانه اوى وحاسه بسعاده غريبه وانا بقرأ كلامكم الجميل
وانشاءلله افضل لابساه علطول مهما حصل
وربنا يخليكم يا رب ويهدينا جميعا لما يحبه الله ويرضاه

[هميس]

حبيبتي سندريلا بادعيلك من كل قلبي ربنا يثبتك ويقويكي واحب اطمنك في بلدنا انتشر جدا لبس النقاب واصبح الناس متقبلاه بشكل افضل من زمان ولما تيجي بالسلامة مش هتحسي بتغير كبير انشاء الله ويارب نبقي زيك ادعيلنا

[واحدة من الناس]

انا رأيى يا سندريلا انه بغض النظر عن فرضية النقاب او عدم فرضيته بما انك اقدمت على هذه الخطوة تقربا لله سبحانه وتعالى فتمسكى بيه...والناس اللى حواليك هيتقبلوه شويه بشويه...نسأل الله لك التثبيت

[eltourky]

ياحبيبتي انت الحمدلله تشجعتي ولبستيه ودي خطوه صعبه0هيكون الثواب اكبر لو تحملت اي اذي من كلام او اكتر0صدقيني انت لو خلعتيه هتحسي انك خلعتي كل ملابسك يعني مش هتكوني مرتاحه0ع فكره انا كمان لابسه النقاب وبواجه نفس مشاكلك ومدام انا حاسه انه صح بستحمل كل اللي يضايقني

[دلوعة زوجها]

عزيزتي ..
المثل بيقول بمدينة العميان حط ايدك على عينيك
يعني مثلا .. أنا مافيني إلبس المايوه و إطلع بالشارع مشوار أنا و زوجي مع إنه مفيني كون موجودة على شط السباحة إلا بالمايوه بين الناس اللي عمتسبح

معنى كلامي انتي أكتر وحدة بتعرف جو مجتمعك اللي عايشة فيه ومعه ونسبة تقبله للموضوع
والاسلام دين يسر بالتالي الله مارح يحاسبك اذا ما حطيتي النقاب وخصوصي متل ما فهمت انه عيونك فاتنات وملفتات للنظر.. فإنتي بهيك حالة عمتظهري مفاتنك أكتر

ولا حدا يزعل من رأيي يا جماعة .. اختلاف الرأي لا يفسد للود قضية

[monee_2020]

السلام عليكم اولا اللى عايزه تلبس النقاب يبقى الهدف الاساسى عندها انها تخفى كل مفاتنها عن الرجال الغير محارم ليها
ثانيا ان النقاب له شروط ذكرها اب باز وابن عثيمين الشيخين الجليلين ومنها ان لا يكزن الحجاب زينه فى نفسه
ثالثا كل من ارتدت النقاب حتى ولو لم تكن جميله وبانت منها عينها اصبحت ملفته للنظر ان المراه اذا ارادت ان تستر نفسها فيجب عليهاان تغطى ايضا عينيها لا الشيخ ابن عثيمين قد قال بان من تلبس النقاب وبانت منها عينها فانه ليس النقاب الصحيح
ما ضر المراه لو استترت ماذا سيصيبها
يقول الكفار (كاس وغانيه يفعلان فى امة محمد مالا يفعله الف مدفع)هدانا الله واياكم

[مروشكا]

الله يثبتك ويقويكي على طاعته أكيد حتسمعي شوية كلام بس لامهم إنك تستمري على موقفك وما تتراجعي

[msaied2000]

واللة ياحبيبتى اذا كنتى لبسااة عن اقتناع لن يهمك اى حد ولن تفكرى باى احد ولاكيف ترضينة سوف تفكرى برضاء اللة فقط وان رضبتى ربك سوف يساعدك غلى رضاء من حولك ان شاء اللة

[أسمـــاء]

والاهم انك ترضي ربك مش حد تاني
وأنا كمان رأيي كده
ربنا يوفقك ويثبتك أختي