[wella]

سؤال معذبني نفسي حد يرد عليا
هي الاخوة راحت فين ؟؟؟
ايه اللي خلاها تضيع من بين ايدينا في زحمه الدنيا
زي حاجات كتير حلوه ضاعت
ايه اللي بيخلي الاخوات بيقطعوا في بعض ؟؟؟
ايه اللي يخلي اخ يقتل ويكره ويخون ويفتري ويظلم اخوه ؟؟؟
عشان ايه ده كله ؟؟؟
ورث
واحده ست او راجل
كلمه
فلوس
عيل صغير
وغيره كتير
ياتري فيه حاجه تستاهل لحظه لعبنا فيها سوا واكلنا ونمنا سوا حزنا وفرحنا سوا
عمر بحاله عشناه تحت سقف بيت واحد مع ام واحده واب واحد ؟؟؟
كل ده راح فين ؟؟؟
كل ده بيداس عليه واحنا ماشين في السكه رايحيين علي فين ولا عارفين بس بندوس وخلاص مش مهم بندوس علي ايه ولا علي مين
المهم نوصل لاخر السكه اللي احنا منعرفهاش
مستغربين ؟؟؟؟
لا متستغربوش والله العظيم هو ده اللي بيحصل
دي حقيقه مش خيال
متتخيلوش الوجع والحسره والمرار اللي انا حاسه بيه وانا بكتب الكلام ده
لاني بجد مبقتش عارفه احنا هنشوف ايه اسوء من كده
ليه الناس مبقتش قلوبها علي بعض ؟؟
ليه بقينا ماشيين بمبدأ خراب يادنيا عمار يا دماغي ؟؟
واسهل كلمه تتقال مليش دعوة وانا مالي
ليه اصحاب بقالهم مع بعض سنين وفي الاخر يكتشفوا انهم مكنوش اصحاب ؟؟
دلوقتي لو عندك صاحب واحد كويس يبقي انتي كده حصلتلك معجزه
ولو الاخوات شافوا بعض مره في العيد يبقوا اجدع ناس بتصل رحمها
حد يقدر يقولي احنا ليه مش بنتجمع كلنا علي سفره واحده غير في رمضان والكل لازم يبقي حاضر مهما كانت الظروف ؟؟؟
مش يمكن عشان كده بنتمني رمضان ميخلصش ؟؟؟
يمكن عشان ده اكتر وقت بنتجمع فيه مع بعض ؟؟؟
احنا بقينا كده ليه ؟؟
ليه سبنا نفسنا للدنيا تغيرنا لدرجه اننا لما بنشوف نفسنا في المرايه مبنعرفهاش ؟؟؟
مين اللي عمل فينا كده ؟؟
احنا اللي جنينا علي نفسنا ولا مين اللي جني علينا ؟؟؟
وياتري هنفضل كده لحد امتي ؟؟
امتي هنعامل بعض زي ما ربنا قال مش زي ما الناس بتعاملنا ؟؟
امتي الاخوات هيبقوا اخوات ؟؟

اذا اعجبك الموضوع و اردت نشره في المنتديات الاخرى فاستخدمي هذا الرابط:
ليه الاخوات مبقوش اخوات ؟؟؟
http://forums.fatakat.com/thread41700

[نانا 33]

معكى حق فى كل كلمة بس صديقنى مش الكل كده وراح اثبت لكى فى قصة

اخ طول عمره مبسوط و عيش ملك هو واولاده و مراته مصاريف بغير حساب

ولبس جديد كل اسبوع وبيته فيه كل مايخطر على بال البشر واخوه على قد حاله

لو اشترى لبس العيد الصغير او الكبير للاولاده فضل وعدل من ربنا اوقات

ميلقش العشاء يقولو الحمد لله ربنا يرزقنا بكره ويشاء العليم الحكيم

يفرجها على الاخ الصغير من اوسع الابواب وبكون فى احسن وضع من الاخ الملك

يقوم الاخ الملك يحقد و يغير من اخوه اللى مكنش بيلقى العشاء اوقات كتير

ايه رأيكم فى هذا الاخ طبعا الاخ الملك

[wella]

طيب ايه رايك في حكاية احلي
حكاية هي اللي خلتني اكتب الكلام ده بدموع عينيا
وهي تخص انسانه من اعز واغلي الناس علي قلبي
صحبتي وعشرة عمري
ام صحبتي دي كان ليها حياتها وعايشه عادي خالص لحد ما في يوم جدتها تعبت وكان لازم حد من ولادها يقيم معاها عشان صحتها تعبت اوي من بين ولادها السته رجاله وستات اللي عملو نفسهم ولا واخدين بالهم قررت ام صحبتي تيجي تعيش مع امها عشان ترعاها وجوزها معترضش من اصله الطيب
الام عشان تريح وتكافأ بنتها اديتها شقه في البيت اللي عايشه فيه وفضلت تراعيها خمستاشر سنه لحد ما توفاها الله كل ده وباقي ولادها ولا علي بالهم حاجه كلهم رموا الحمل علي اختهم وولادها من غير مساعده من حد
ودلوقتي افتكروا ان ليهم حق في بيت ابوهم ومش البيت وبس كمان الشقه اللي اختهم عايشه فيها ولازم تطلع عشان يهدوا البيت ويبيعوا الارض ويكسبوا الالفات
وعشان هما عارفين انه حقها قانونا وميقدروش يعملوا حاجه ليها بيهددوها عشان تطلع منه بالعافيه
الست تتعب ويجيلها نزيف وتصرخ وتبكي وتقول انا لو سبت بيتي اموت وبرضه قلوبهم اقسي من الحجر كل ده عشان الفلوس اللي مفيش حد فيهم محروم منها
بس ازاي ايه المانع من الزياده حتي لو داسوا علي اختهم اللي سابت كل حاجه عشان تراعي امها المريضه
حاسه بالعجز وانا شايفه صحبتي واقرب الناس ليا بتتعذب وبتتبهدل وانا مش عارفه اعملها حاجه
حرام عليكم افتكروا الظلم ظلمات يوم القيامه
فيه رب شاهد ومطلع علي عملنا يمهل ولا يهمل

[اموله المنفله]

والله معاكم حق الفلوس عمت الناس عن صلة الرحم وفرقت الاخوات والدنيا قل خيرها وده من علامات يوم القيامه مع ان اول سوال فى القبر هو صلة الرحم ومع ذلك لاا عظه ولا اعتبار الزمن اصبح زمن الماده والناس تحترمك على قد ممتلكاتك مش على اخلاقك احنا فى زمن العجايب الاخ يقتل اخوه علشان ارض الاخت تخرب بيت اختها وتاخد منها جوزها والابن يضرب ابوه لو منع عنه الفلوس احنا فى زمن صعب ربنا يستر من الايام اللى جايه والله يعينك ياولاء ويسترها مع صحبتك

[nefertety]

مش عارفه اقولك ايه ولا ايه بجد
الحياه بقت غريبه اوي 00والناس ظالمه اوي وقاسيه اوي
بس في الاخر ربنا موجود وشايف كل حاجه 00
وزي ما قلتي الظلم يوم القيامه ظلمات 00
ربنا معاها ويفرج كربها 00امييين 0

[crazy_tota]

ياااااااااااااااة يا ولاء اية الحزن دة كلة انتي فعلا عندك حق الدنيا نست الانسان حق اخوة علية وحق امة وابوة
ربنا يرحمنا من الفتن دي كلها
وعاوزة اقولك انك وحشتيني اوي بجد وبسال عليكي كتير وفحت لما شفت موضوعك طمنيني ديما عليكي

[مصراويه]

للأسف دى قصه مكرره وإن أختلفت الفاصيل
لكن صدقينى ربنا مش حيبارلك لهم فى أى حاجه
وحيكرم أم صاحبتك آخر كرم إن ماكنش فى الدنيا يبقى فى الأخره
وربنا معاها يصبرها ويقويها.

[wella]

تصدقوا ان انا من كتر ما بقيت اشوف اد ايه الناس بتتغير وبتدوس برجليها علي كل عزيز وغالي عشان مصلحتهم بقيت اخاف ييجي عليا يوم واتغير انا كمان واعمل كده في اخواتي
بالله عليكم ادعوا لصحبتي ولامها ربنا يفرج كربهم ويكفيهم شر خلقه
انا بحس اني مدبوحه وانا شيفاها كده ادامي ومش قادره اعملها حاجه
بس انا بدعيلها ليل ونهار في كل صلاة وربنا يستجيب ليا ويبدل حزنهم فرح

[صبرين]

حبيبتي ولاء بالفعل المادة طغت طغيان كبير على الانسان في وقتنا الحاضر و كما قالت اختنا المصروية هذه القصة اصبحت متكررة كثير بالفعل شيء يحزن القلب
بس اريد ان اعطي رايي الخاص في مثل هذه المشاكل التي يصل ان ينسى الابن او البنت فيها والديه او ينسى الاخ اخوه او اخته ........
انا ارى الشماعة الوحيدة التي نعلق عليها هذه المشاكل هي حب المادة و تحكم الدنيا فينا فان هذا غير صحيح لنبحث اولا على مصدر هذا الطغيان و الظلم هو تربية الابن و البنت انا اقول التربية هي الاساس و الوالدين هم المسؤولينا على تفشي هذه الظاهرة لانه لو من الاول سعى كل اب و أم لغرس الدين في قلوب ابنائهم و انشائهم على القيم الصحيحة لما تجرأ او فكر اي اخ او اخت في ظلم اخيه
و لنكن واقعيين و متفائلين لازال هناك من يخشى الله و كم من اخوة لازالوا يد واحد و يضعون ابائهم فوق رؤوسهم

النشئة الصحيحة لا يمكن ان ينتج عليها اي شر او ظلم او استبداد

و في الاخير اقول لكم لازال الخير في الدنيا

ولاء ربنا يفرج على صديقتك و يخفف عنها همها لانه يمهل و لا يهمل

[zola002]

عزيزتي ولا بعتلك مشكلتي في رسالة خاصة منذ ستة ايام و لم تجيبيني هل في حرج لاني أسررت إليك بمشكلتي؟؟؟؟ لا تواخذيني