[staaaaar]

اريد رايكم خطيب صديقتى جاء اليها فجاة قائلا انا مش قادر انسى حبيبتى الاولى وانها طلقت ومحتجالى مع انه هوه اللى سابها فى الاول
وهوه خاطب صديقتى عن حب لانهم زملاء عمل ولعدم الاطاله تراجع بس يا ترى عن حب لصديقتى ولا عن خوف من مواجهة الاهل
المهم اعتذر عن اللى قاله بس علاقته بيها اصبحت سيئه نسيت اقول انه لما قال لها كده قالتله من حبها له اتجوزنى وبعدين اتجوزها وبمرور الايام اكتشفت انه خايف من تحمل مسئوليه الجواز وساعه يكون كويس معاها و100 ساعه لا
ويتقل عليها اصله عرف بقى انه خلاص ملكها وانه اهم حاجه عندها
المهم هيه قررت انها تتبع اسلوب جديد فى المعامله بعد ما فاقت من الازمه والقلم اللى خدته قررت تكون مختلفه لانه اتعودعلى كل ردود افعالها وتصرفاتها وحفظها قررت تلفت انتباهه كل لحظه وتخليه يفكر يا ترى هتعمل ايه
وهيه محتاجه ارائكم وافكاركم ازاى تشغله عن اى شى وازاى تلفت انتباهه وتبان انها واحده تانيه اصل انا نسيت اقولكم انه شايف نفسه رشدى اباظه وهيه بسيطه فى كل شى لكن هوه عايش حياته
عشان كده هيه محتاجه خطه محكمه للتغيير وجذب الانتباه ممكن تساعوها ونفكر سوا يا صديقاتى

اذا اعجبك الموضوع و اردت نشره في المنتديات الاخرى فاستخدمي هذا الرابط:
صديقتى فى ازمة
http://forums.fatakat.com/thread41751

[ريري]

لو كانت فاقت فعلا ..كانت ما تفكرش انها تشغله..!
قولى لها ..الزواج قسمه ونصيب ،ولما تفوق هاتحمد ربنا انه ما اتجوزهاش
خليها تركز فى حياتها وتقرب من ربنا علشان يرزقها الزوج الصالح اللى يقر عينها ويحبها بجد

ربنا يعينها ويصرفه عنها..ويرزقها خيرا منه ..امييييين

[salwasoula]

انا مع راي ريري

[شموسة]

على فكره ياستار انا مع ريرى ميه فى الميه

[emanzaki69]

انا من رأى ريرى لكن واضح يا جماعه انها مش عايزه تفسخ الخطوبه و عايزه حل يخليه يتعلم ازاى يحترم مشاعرها

[ام جنة]

هى لازم تحط اساس لحياتها من دلوقتى وتعوده على اسلوب معاملته لها وده طبعا كان لازم يكون من الاول وانا رائ انها تسيبه لانه هيتعبها قوى ومش بعيد يتجوز عليا فعلا

[staaaaar]

شكرا ليكم يا جماعة

[هدى3000]

اسمحى لى واقرى موضوعى تخيلو زوج يتكبر على زوجتة \

وخليها تقراة وهية تعرف اية الوضع لو اتجوزت واحد زى دة

[habeeba]

البنات قالو اللي كنت عاوزه اقوله
خليها تكبر دماغها منه لأن أفظع شيء الراجل اللي مبيحبش يتحمل المسؤوليه..لأن الزواج مسؤةليه كبيره جدا..
خليها تسيبه نهائيا وتركز في تقربها الى الله أولا ثم في شغلها ثانيا..

[ايمان فريد]

بصراحه مفيش كلام بعد اللى اخواتك قالواااا

[مدام ساره]

فعلا انا رايي من رايي ريري بجد هيه فعلا لو فاقت يبقي المفروض تنساه واحد بالمواصفات ديه يبقي لا يصلح يكون زوج اللهم اهديها ونور بصيرتها امين

[الجامعية]

انا شايفة انه مايستهلهاش وهى تستاهل الاحسن منه وان شاء الله ربنا هيكرمك

[toty5858]

بصي يا قمر هي لازم تبعد عنه لانها وهو للسه علي البر قرر البعد عنها عشان حب قديم شوفي بقي بعد الجواز ايه الي حايحصل ولو كان فيه اولاد هي هاترضي يتزوج عليها وبعدن هي لو قررت انها تعمل خطه من دلوقتي اكيد هاتفضل طول عمرها تمشي بخطط تبقي بقي ديه حياه

وربنا يرزقك بابن الحلال الي احسن منه يتقي الله فيكي ويحبك لشخصك

[لمسة أمل]

أنصح صديقتك تنسي الشاب ده خالص لانه انسان مش جادي ولا يعرف مدي ارتباطته بانسانة ولا يستحق أن يكون لها زوج لانه من الأساس انسان ساب انسانة قبلها وكان أكيد منها السبب ولما أتيحت ليه الفرصة للرجوع اليها رجع ولكن في خلال الفترة اللي ترك فيها خطيبته الأولي حاول يتناسى حبه الأول بصديقتك وأن أنصح صديقتك ألا تقبل علي نفسها هذا الوضع لانها مش هتكون سعيدة معها
والله أعلم... حياتها هتكون معاه الزاي ويمكن ده اختبار ليها من عند ربنا علشان يمتحنها بمدي قوة صبرها ورضاها بالقسمة والمكتوب...

[دعاء A]

انا مع ريرى في كلامها والصنف دة مش بتاع جواز دة بيحب يلعب بالبنات واذا عنده وفاء لخطبتة الاولى المفروض ما يسبهاش لكنة بيحب يعيش الحياة على الجاهز يعني مش بتاع مسؤلية خليها تكبر راسها وتعيش حياتها وربنا يعوضها خيرا منه

[staaaaar]

اشكركم على اراءكم
جزاكم الله خيرا

[أحلى الذكريات]

بسم الله الرحمن الرحيم
قال تعالى (عسى أن تحبواشيئا وهو شر لكم وعسى أن تكرهوا شيئا وهو خير لكم)
اذا تاملت صديقتك هذه الكلمات جيدا لعلمت انه شر لها وهي احبته والله أعلم
ولكن فلتعلم أنها اذاتمسكت به سوف تندم حين لا ينفع الندم
(فلترفع يديها الى بارئها وتدعوه فهو خير منا جميعا وهووحده يعلم مافيه خير لها )
أبعد الله عنها كل مكروه..........آمين

[ورد المنى]

كل اللى اقوله صح ومش عارفه ازود عليه حاجه

[واقع الأيام]

ستار
بصي مش هقوللك غير كفاية حتة انه شايف نفسه وان هي بسيطة في كل حاجة
لأن ده حصل معايا ومش عايزة اقوللك هتندم ندم عمرها انها كملت معاه

وعارفة ؟
كان ممكن اقوللك خليها هي كمان زيه وتشوف نفسها واكيد عندها مقومات ومميزات تخليها تشوف نفسها عليه وعلى عشرة زيه
بس عشان انا زيها وحاولت اعمل كده معرفتش
مبحبش اتكبر على حد ولا ابين نفسي حاجة
حاولت اعمل كده معاه معرفتش
وهو هيفسر ده ضعف منها
وجبروته عليها هيزيد صدقيني


دي بس حاجة من الحاجات
انما حكاية انه مفيش مسئولية
وخايف
وسايب واحدة قبليها
وعمال بيلعب بيها
من غير زعل .. ده مش راجل اصلا
تديله بقى هي الصدمة الكبرى وتفسخ الخطوبة
وتوريله انها لا ميتة عليه ولا يحزنون
وان ربنا هيعوضها خيرا منه ان شاء الله

لكن بالمنظر ده وبارتباطها بيه ده .. والله حياتها هتبقى جحيم