المشاركة الأصلية كتبت بواسطة هند مصطفى حسين
|
|
السلام عليكم انا هند مصطفى خسين اريد طريقه اخرى للديك الرومي وانا عندي ديك رومي وزنه 8 كيلو وتكون الطريقه في الفرن
|
اختى الفاضله تحيه طيبه وبعد
الديك الرومى فى الفرن
المقادير
ديك رومى يغسل جيدا ويترك ليصفى ويجفف من الداخل بورق المطبخ
3 بصلات شرائح - فلفل اسود -ملح- جوزة الطيب مطحونه -عصير 4 ليمونات
مستكه - حبهان - ورق لاورو-شرائح جزر وبطاطس
الطريقه
يخلط كل من البصل والتوابل وعصير الليمون ويدعكوا جيدا معا ويتبل جسم الديك كله داخل وخارج وبين الجلد واللحم من عند الصدر والفخذ بهذة التتبيله ثم يقلب على صدرة ويترك فى التلاجه من بالليل الى تانى يوم
فى صينيه الفرن نضع الجزر والبطاطس الشرائح وقليل من البصل والملح والفلفل ومستكه وحبهان وورق لاورو
ننشل الديك من التتبيله ونخرج ما فى قلبه منها ونضع داخله فص مستكه و 2 حبهان وورقه لاورو
نضع الديك فى الصينيه ونضيف له 1/2 كوب ماء
نغطى الصينيه بالكامل بورق الفويل ونغلقها باحكام ونضعها على البوتاجاز من فوق لمدة عشر دقائق ثم ندخلها الفرن المشعل مسبقا على درجه 220 مئويه
كل نصف ساعه تفتحى عليه وتشربيه من السوائل اتلتى تنزل منه حتى لا يجف وحتى يتشرب بالنكهه
لكا كيلو من وزن الديك 1/2 ساعه سوا فى الفرن
ولانك مغلفاه بالفويل والحرارة محكمه فيه فانت تحتاجين حوالى 3 ساعات
لنضج ديك بحجم 8 كيلو
بعدها اكشفى وجهه واتركيه يكمل سوا وهو مكشوف حتى ياخذ لون من الفرن وبعدين كملى التحمير تحت الشوايه من كل الجوانب
ملحوظه هامه جدا
بعد النضج يترك الديك ليفتر ثم يقدم ويقطع ولا يقطع ابدا وهو ساخن
يقدم معه ارز بالخلطه والجزر والبطاطس اللى معه و
جربيه ها يعجبك جدا
2
