[ام ركان]

بعد الشكر والامتنان لتفاعلكم معايا نبدا اليومية التالتة
يوم من الايام بعد ما اتصاحبنا علي عائلات في القرية وكانو ظراااااف جدا وعندهم بنات شابات صاحبتهم وزوجى صاحب الشباب قالولنا اية رأيكم نطلع طلعة
يعنى اية طلعة فهمت من كلمهم انها زى رحلات السفارى عندنا فالغردقة وشرم الشيخ كنت هموووووت مالفرح واتفقنا علي بكرة ومانمتش طول الليل بحضر للطلعة
ولبست اسبور جينز وتي شيرت وكوتشي تحت العباية طبعا وزوجى نفس الكلام وعملت فيها زينة وهو هركليز وطلعنا معاهم ونمشي فصحراااااااا ومعرفش اللى بيسوق دا عارف السكة ازاى وهى كلها زى بعضها
المهم جم علي حتة كدا وقالولنا انزلو وعملو قعدة رجالى وواحدة حريمى ودبحو شوو وانا كل شوية اروح ابص عليهم من تحت لتحت هطق قاعدة زى كيس الجوافة مش بعمل حاجة اقول للبنات تعالو نلعب كرة مكسوفين طيب استغماية يضحكو ويسكتو المهم انتهت باننا نلعب افلام وفوازير واحنا قاعدين
وجه الاكل واااااااااااو كبسة ولحمة مشوىوكنت اتعلمت بقي انى مسألش عن اسم الاكل اللي بيدهولى لانى مش بعرفة من بعضة مرة يقولولى دا مندى دا بريانى دا مش عارفة اية قلت فنفسي مش هسأل تانى انا اساسا مش عرفاهم وفالاخر كلها لحمة خروف
وبعد شوية بعتولنا وصلات لحمة رقيقة كدا غير الكبسة انا قلت فنفسي مش هسأل ما كلها واحد مع اختلاف الطريقة وبدأت اكل منها بس لاحظت ان طعمها مختلف تماما قلت وماله يمكن الطريقة اكلت تانى يا ربي مختلفة قلت اسأل وخلاص وخصوصا انى لقيتنى انا الوحيدة فى البنات اللى باكل منها سالتهم قالولى دا ضب قلت اه يعنى دا طريقة للحمة تانية وقعدت افتكر ان زوجى قالي عندهم لحمة اسمها مضبى اه تبقي هى دى
واكلت وقمنا وخلص اليوم واحنا قاعدين فسيارة الناس اللىجينا معاهم سمعت الرجل اللى سايق بيقول لزوجى<ظهروا الضبان دلوقت واحنا دوخنا لحد ما اصطادنا3 بص يمينك>زوجي بص من الشباك ببص انا كمان لقيت حاجة شبة الديناصور بس صغيرة وشكلها مقرررررررف ميلت علي زوجى وقلتله انتم اصطادتو الوحش دا قالى بهمس اه اصطادناه وطبخو بس انا ما اكلتش منه قرفت
قلتله طبخوه؟
قالى اه حتى بعتو لكم طبق ،الطبق التانى الصغير غير بتاع الكبسه دا مش بعتناه لكم

يالهوىىىىىىى دا اللى انا خلصته لوحدى
انا طبعا عملت حاجات مقرفة جدا وانتهى الامر في اقرب مستشفيات المنطقة

في انتظار ردودكم علي موقفى المقرف دا

اذا اعجبك الموضوع و اردت نشره في المنتديات الاخرى فاستخدمي هذا الرابط:
يومياتى في بلاد الغربة3 اخييييييييييييه
http://forums.fatakat.com/thread41982

[مروة الدميري]

والله العظيم انتى زى العسل
انتى فكرتينى بنفسى لما كنت صغيرة وجيت مع والدى ووالدتى هنا السعوديه واول يوم فى المدرسه قعدت جمبى واحدة وقالت لى ايس اسمس وانا طبعا مش فاهمه حاجة وقعدت تفهم فيه وفى الاخر اكتشفت انها كانت عايزة تعرف اسمى

[rodi4882]

ههههههههههههههههههههههه ههههههههههههههههههههه
انت فظيييييعة
موتيني من الضحك

[toty5858]

بجد دمك خفيف هههههههههههههههههههههه

[ام ركان]

تسلموووووو كلكم زوق يا رافعين معنوياتى
وبجد جميلة اوى حكاية ايس اسمس دى

[اموله المنفله]

ههههههههههههههههههههههه بالهنا والشفا والعافيه على قلبك ياام ركان

[Om Hassan]

هههههههههههههههه
تعيشى وتاخدى غيرها
بس بجد دمك عسسسل

[ayooota]

هههههههههههههههه موقف فضييييع.

[اسكندرانى]

هههههههههههههه
بجد بجد عسل ماشاء الله عليكى
أدى أخرة الكسوف
ياترى لسه فى مواقف ولا خلصتى
اوعى يكون مفيش تانى
هزعل والله
هستنى الرابع بفارغ الصبر

[الزهره الحزينه]

ههههههههههههههههههههه مش بقلك دمك خفيف تعيشي وتاخدي غيرها

[ام سراج]

حتى الضب يا ام ركان ماعتقتيهوش...ماشاء الله معده فولاذيه...

[سمسمه26]

ههههههههههههههههههههههههههههههههههههههههههه
عايزينك بقى تعمليلنا موسوعه شامله

[ام دومى]

اللى احلى من الموقف خفة دمك وطريقة سردك شيقة اوى بس معلش تعيشى و تاخدى غيرها ....

[ام دومى]

على فكرة كلنا منتظرين اليوميات 4 متتأخريش علينا يا ام ركان ربنا مايحرمناش من حكاياتك السكر دى

[نيللي]

انتي عسل يا ام ركان
انتي المفروض تجمعي يومياتك دي وتعمليها كتاب

[monee_2020]

لا لا يا ام راكان انا المره دى مووووووووووووووووت من الضحك الله يهديكى
ايه يا بنتى
عامله زى اختى لسه جايه قريب وباقولها على البر وطلعت البر
قالت لى بالله لو دفعوا لى فلوس ما ارضى اروحها
اروح اقعد فى الصحرا

[اطياف]

هههههههههههههههههههههههههههههههههههههههه
عن جد حلوة ضحكت من كل قلبي
خدي بالك المرة الجاية