[Noonah]

السلام عليكم يا فتكاوات
أقبل الشهر الكريم نسأل الله أن يبلغنا الشهر و يجعلنا فيه من عتقائه من النار و أن يوفقنا للصيام و القيام و تلاوة القرآن

طبعًا الشهر ده شهر عبادة و ربنا يكرمنا فيه و مش ننشغل فيه بالطبخ و الحلى بس كده كده أكيد هنطبخ و أكيد هيكون فيه عزومات (يعنى لابد منه) فكان نفسى نتشارك مع بعض و نشوف ممكن نختصر الوقت إزاى عشان نفضى نفسنا على قد ما نقدر للعبادة ومانسناش طبعًا إن استحضار النية فى شغل البيت يجعله فى حد ذاته عبادة تقبله الله منا و جعله فى ميزان حسناتنا

أنا قرأت موضوع الأخت أم عمر و بجد نصائحها مفيدة جدًا جزاها الله خيرًا
بس أنا كنت بأفكر نركز أكتر على الطرق المفيدة فى تجهيز الطعام
يعنى الطعام مسبق التجهيز، نعمل مثلا كمية ونشيلها فى الفريز و إيه الحاجات اللى ينفع تتخزن و إيه مش هينفع و نستفيد من خبرات العضوات هنا ما شاء الله عليهم
كفاية رغى بأى و نبتدى

اذا اعجبك الموضوع و اردت نشره في المنتديات الاخرى فاستخدمي هذا الرابط:
رمضان على الأبواب - أفكار لأختصار وقت الطبخ
http://forums.fatakat.com/thread42205

[Noonah]

أبتدى الأول و أنا خبرتى محدودة جدًا بس هأقول اللى عندى
يمكن مش أفكار جديدة بس أدينى بأحاول..

1. مشروب قمر الدين: ممكن ندوب اللفة كلها أو أكتر من لفة مرة واحدة فى مية بتغلى و نتركها تبرد و نضعها فى التلاجة بتكون سهلة أوى فى الذوبان بعد كده، تاخدى قدر الحاجة كل يوم ، يعنى كام معلقة بتوفر الوقت
2. البلح: برضه ممكن نفصص منه كمية و نحطها فى كيس و ناخد قدر الحاجة
3. الخبز: أول ما يجى نقطعه أرباع ونشيله فى الفريزر
4. تسبيكة المكرونة: ممكن نعمل كمية و نشيلها فى علب صغيرة على قد الطبخة
5. السمبوسة و القطايف: الحلو أو المالح منها برضه نحشى كمية و نشيلها فى الفريزر و تقلى وهى مجمدة
6. التوم: نفرمه ونشيله فى برطمان فى الفريزر
7. الكفتة: نتبلها و نشيلها فى أكياس على قد الأكلة (بس نجمدها مرة واحدة) يعنى أول ما نشتريها نتبل و نشيل فى الفريزر عشان مش ينفع اللحمة تفك و نرجعها تانى الفريزر عشان البكتيريا

دا اللى أقصده و أتمنى من أصحاب الخبرات هنا يساعدونا، أكيد كل واحدة خصوصًا الأخوات العاملات هتكون عندها من الأفكار ديه اللى نختصر بيها الوقت

[salwasoula]

مشكورة علي الافكار السريعة و جزاكم الله خيرا

[ام ميداء]

افكار جميلة

جزاك الله خيرا

[Noonah]

لحفظ الخضروات الورقية لأطول فترة


السلام عليكم ورحمه الله وبركاته



إليكم احبتي طريقتي المجربه والمضمونه ان شاء الله

بحفظ الخضراوات الورقيه لمده تتراوح مابين شهر و3 اسابيع

وهي طريقه تريحك من عناء التسوق كل اسبوع لجلب الخضراوات الورقيه

وبالذات للناس الذين يفضلونها في أطباقهم اليوميه

وكذلك تستغنين عن طريقه التجميد لانها طريقه تفقد الخضراوات نوعا من فائدتها الغذائيه

هذا بالاضافه ان رائحتها تنتشر في الفريزر مما جعلني ابحث واجرب طرق اخرى

والحمد لله نجحت معي هذه الطريقه وبجدااااااره


يالله معاااي انشوف الطريقه خطووه بخطووه







اولا : عندك خيشه رز فاضيه ما تبينها (لا تحذفينها )اجمعيها لحفظ خضراواتك

ونحن هنا نحتاج الى واحده (صوره رقم 1)

ثانيا : ضعيها في غساله الملابس (مع اضافه صابون الغسيل + كلوروكس)

(صوره رقم 2 )

ثالثا:بعد ما تنظفينها من الصابون والكلوركس ثم الماء والتاكد من نظافتها

قصيها الى قطعتين (صوره رقم 3 )

رابعا: بلليها بالماء مع العصر الخفيف (صوره رقم 4 )

خامسا: نحتاج الى علبه بلاستك كما في (صوره رقم 5 )

سادسا : افرشي طرف الخيشه في قاع العلبه (صوره رقم 6 و7 )

سابعا : نأخذ الحزمه (بربطتها) يعني وهي مربوطه ونضعها تحت الماء (صوره رقم 8 )


ثامنا: نرتبها في العلبه البلاستيك ( ملاحظه تغسل وتوضع على طول في العلبه بدون تجفيفها)

(صوره رقم 9 )

تاسعا: نلفها جيدا كما في (صوره رقم 10 )

عاشرا: نحكم اغلاق العلبه جيدا (صوره رقم 11 )

احدى عشر : نضعها في الثلاجه لحين استخدامنا لها


ملاحظه ( الخضروات التى جربتها ونجحت معي هذه الطريقه

هي ك***ه خضراء + اشبنت + بقدونس + رويد + جرجير )



مــلاحــظـــة: الي تبي تلطش وتنقل كيفها تاخذ راحتها،الصور ماكتبت عليها اسمي والي تبي تنسبه لنفسها بعد كيفها عادي وسعوا صدوركم بس ماراح اقعد اهاوش واطارد وانتي ليش اخذتي موضوعي وانتي ليش ماقلتي اسمي وكتبتي منقول ومن هالحكي الي ماله داعي ...

<< شعارها بالحياه الدنيا زائلة
بس ااهم شي لاااا تنساني من الدعاء
وانا ما حطيته الا للاستفاده فحلووو لما اتشوفين اطبااقج بكل منتدى ولج الاجر
وبالذات لخواتنا المبتدئات في المطبخ

منقوووول

[Noonah]

سؤال للخبيرات هنا
هو أنا ممكن أخزن الصلصة البيضا (البشاميل)؟ و مش تبوظ يعنى؟!
وكمان أحسن طريقة لتخزين البانيهات إيه؟
وكمان طربقة القلى بعد كده و هى مجمدة؟؟
جزاكم الله خيرًا

[um_tareq]

شكرا يا قمر على موضوعك حلو كتير

كمان السمبوسك يمكن تعمليه بالجبنة أو الخضار أو اللحمة تعملي كمية منه و تحطيه بالفريزر

و بس عليكي تقليه

شكرا

بس وين الصور صحيح ما في ولا صورة....؟؟؟

[nehad]

المنبار برده ممكن في الفريزر
ياريت افكار كمان

[ريري]

مشكوره كتير على موضوعك يا قمره..
وبالنسبه للبانيه..
ممكن تتبليه وتضعيه بأكياس وتحطيه بالفريزر
وممكن تحطيه بالبيض والبقسماط ،وبعدين ترصيه فى طبق فايبر او بلاستيك
بس لازم تحطى ورقه نايلون بين كل رصه والاخرى
وبعدين لما تحبى تحمريه تطلعيه من الفريزر على الزيت على طول
بس تهدى النار شويه

مستنيين افكار جديده.....!!!!

[حبيبه2007]

,بالنسبه للبشامل ممكن تعمليه وتشليه فى علبه فى الفريزر ولما تعوزيه تطلعيه يفك وتزوديه شوية لبن

[مرمريكا]

افكاركو كلها هايلة وعملية جداااااااااااااااا

انا حوز بس شوية حجات بعملها


انا بعصر الطماطم وبشيلها فى الفريزر عشان تبقى الطماطم معصورة جاهزة

وكمان بعمل تسبيكة الخضار واشيلها فى الفريزر


واى وقت تطلعيهم وطبعا تحطى التسبيكة المجمدة دى عالنار على طول
وبعدين الخضار

ولا فى اسهل ولا اسرع من كدة


حتريحك قوى وخصوصا لو كنتى بتشتغلى

[ام كيكي]

طيب يا مرمريكا طعمها مش بيغير ؟؟ يعني بتكون زي الفرش ولا بتفرق؟

[زوزو الهلالي]

انا مدمنة فريزر لغاية الباذنجان المقلي بقسمه واشيله وكفتة الرز اقليها واقسمها واشيلها واللوبيا اسلقها واقسمها واشيلها والممبار زي ماقالت نهاد والفطير المشلتت لو جبت كتير اشيل الزيادة ويطلع يفك ويدخل الفرن يبقى طازج والسمك المقلي الزيادة اشيله واطلعه اكون مجهزة التسبيكة بتاعته وادخله الفرن بيطلع طازج ولما افتكر حاجة تانية حأبقى اقولكم لما جوزي بيقول اسوأ اختراع هو اختراع الفريزر
ههههههههههه

[مرمريكا]

ههههههههههههههههههههههههههه
اه يازوزو كل الحجات دى بعملها

ام كيكى بتبقى زى الفريش ولا كانها كانت فى الفريزر والله

[Om Hassan]

افكار جميلة جدا
وبعمل معظمها

كمان الخضار زى البسلة والبامية والفاكهة زى الفراولة والنجة بشيلها فى الفريزر وبتكون سهلة فى الاستعمال

اللهم بلغنا رمضان

[لولو ام رورو]

ربنا يكرمكم ع النصايح الحلوة دى

[Noonah]

ما شاء الله على الشطارة
أيوه كده، لو فيه أى أخت عندها فكرة كويسة يا ريت تشاركينا فيها
بالنسبة للصورة، أنا ناقلة الموضع من منتدى تانى و غالبًا عندهم مشكلة فى الصور، مش باينة حتى هناك
بس إن شاء الله الشرح وافى
جزاكم الله خيرًا على النصائح الجميلة ديه
شكرًا ريرى وأم حبيبة على البانيه و البشاميل و كل العضوات
اللهم بلغنا رمضان

[Noonah]

حلوة فكرة الطماطم يا مرمريكا
خصوصًا إنى مش بأحب أغسل الخلاط مش عارفة ليه
الموضوع ده عندكم ولا أنا بس؟!

[Noonah]

بعض الأفكار:
1 - ورق الكرنب وورق العنب:نسلق ورق الكرنب عادى فى ماء وملح وكمون وتقطعيه مربعات جاهزة للحشو وترصصيهم فوق بعض فى كيس نايلون او طبق فيبر
(فيه ناس بتشيل ورق العنب من غير سلق بس اللى جربته أنا كان مسلوق و طلع حلو)
2- إحنا مش متعودين نضع المحشى جاهز فى الفريزر لان الارز بيبوش والمحشى وهو طازة بيبقى احلى علشان كدة احنا بنجهز الخلطة كلها ماعادا الارز ( شبت وبقدونس وبصل وزيت والصلصة والتوابل )ونضعها فى كيس نايلون لحد مانيجى نعمل المحشى بنضع عليها الارز ونحشى المحشى ونسويه - منقووول

ورونا الشطارة بأى كمان و كمان

[Noonah]

أه صحيح كمان
طبق الشوربة أسااااااااسى فى رمضان
أنا لما بتبقى عندى شوربة بأشيلها فى أكياس شفافة فى الفريزر
وبالنسبة للسان العصفور أو المكرونة، ممكن نحمرهم و نشفهم على ورق و بعدين نحطه فى برطمان ويبقى سهل فى الإستعمال