[قطايف]

السلام عليكم
بنوتاااااااااااااااااتي الحلوين
أنا باشوف في التليفزيون وفي المنتديات الماكييرة بتحدد العين من برة من فوق وتحت بحاجة سوداء ثقيلة هي مش كحل قلم ولا الآي لاينر العادي اللي نعرفه
ومش آي شادو
هوة حاجة سوداء بتكون في علبة وبترسمه بفرشاة(تقريبا بترطب الفرشاة بالمية وترسم بيه)
ممكن تقولولي اسمه ايه ؟؟و قولوا لي نوع كويس وسعره مناسب عشان عايزاه ضروري
لأن مانفعش معايا الآي لاينر القلم (اشتريت سيبال واورفليم ) وبالنسبة للآي لاينر السائل فشلت معاه فشل ذريع أرجوكم جاوبوني ربنا يكرمكم ويجعله في ميزان حسناتكم
وياريت كل واحدة تقول لي عن نوع مجرباه ولو في بديل يرسم العين كدة قولولي عليه منتظراكم وألف شكر

[توته1]

مش عارفه يا قطايف
بس أنا بستخدم قلم الكحل العادي بعد تسخينه.

[ريري]

المشكله يا قطايف ان الايشادو الاسود اللى بتقولى عليه ممكن يكون صعب عليكى الرسم بيه ..لانه عايز فنان
وانا عن نفسى باستخدم القلم بتاع اوريفليم ..بغطى بيه المساحه اللى انا عايزاها (حتى لو كان جفن العين كله )و بعدين باحط لون الايشادو اللى انا عايزاه فوقه واسيحهم مع بعض بايدى واحط عليهم الدرجه اللامعه من لون الايشادو وبعدين باحدد عينى (فوق الرموش العليا)بخط اسود
وبالنسبه للجفن السفلى بارسم خط رفيع بالقلم الاسود وامسحه بايدى بالراحه واحط فوقه لون الايشادو اللى استخدمته فوق
جربى ..واذا فى اى استفسار انا معاكى...!

[قطايف]

شكرا توتة شكرا ريري
ربنا مايحرمنيش منكم أبدا

[مرام]

ممكن يكون اي لاينر وبتتحكمى بالكمية فيه
فهو انظف شى وحلو

[qaryn]

السلام عليكم
ربما هذه اول مشاركة لى
بس احب اقولك قطايف
هناك الديب لاينر رائع جداااااااااااا
هو شبيه شوية بالاى لانير بس احلللللللللللى كتير فى الشكل النهائى ولا يسيح

[فتكات]

و ايه هوة الديب لاينر و بيتباع فين يا كارين ؟

[ام لوجين]

السلام عليكم..
الديب لاينر بيكون زي الايلاينر بس علبته بتكون قصيرة و فرشاته كمان بحيث تعرفي تتحكمي فيه احسن من الايلاينر اللي بيكون طويل و دايما بيطلع برة لما احط منه
و هو بيتباع في اي محل فيه مكياجات بس انتي اسالي و ان شاء الله اكيد هتلاقيه و يا رب ده اللي يكون قصدك عليه..

[semsema40]

بصراحة ياام لوجى انا هجرب الديب لاينر دة لانى اول مرة اسمع عنة منك
لانى فعلا بحتار مع الاي لينر لما بيخرج منى ومبعرفش اظبطة صح فعلا دة عشان بيكون طويل جزاكى الله خير

[د/لولي]

السلام عليكم
بصي هو انا مش بحط ميك اب اصلا
بصي علي وصفك وعلي حسب معلوماتي دا اي لاينر بلاسنيك جربيه
وبعدين انتي اكيد اموره من غير ميك اب مالوش لزمه يا سكر

[coca]

انا بعمل زى ريرى بالضبط و دى الطريقة الى انا بعرفها و بستخدم اوريفليم علشان بحس انة جامد و حلو اما السائل صعب علية استخدامة اوى

[د/لولي]

الديب لاينر دا هو نفسه الاي لاينر البلاستيك وبيبقي بالفيتامين
هو التظبيط دا كله في البيت يا جماعه ولا ايه

[فتكات]

ايوة طبعا يا لولي .. اسمحيلي ارفع التكليف .. و كل حد بيدخل المنتدى ده لازم يكون قرا الملاحظة اللي في اوله و اللهم قد بلغنا اللهم فاشهد !

[نيروز 78]

بصي يا ستي المستحضر الي بتسألي عليه ده أي شادو نسبة الصبغة في عالية و بيستخدمو المحترفين زيي كدة ولو عايزة ماركة نظيفة "Makeup forever"وهتلاقي في محلات "وجوه" أو "faces" وخاصة في الفرع بتاع فرست مول الي قدام جنينة الحيوانات.
وأي خدمة

[hala_2007]

حبيبتي المستحضر اللي بتسالي عنة دة اي لينر قلم وهو بيبقي شكلة زي القلم الفلومستر كدة وهو فعلا ممتاز لانة بيخليكي تتحكمي في رسمة العين او لما بتحطية كحل

[فرحه]

بصى يا حبيبتى هى زى ما قالتلك لولو اى لينر بيبقى شكل القلم الفلومستر بس فى حاجه تانية اسمها رميل بيبقى اجمل

[قطرة مطر]

حبيبتى دة نوع من الايشادو بيكون على شكل كريم وفعلا لازم ترطبى الفرشاة بالماية الاول
ولو عاوزة نوع كويس maxfactor نوع كويس جدا وكمان الاسود بيلمع وفى درجات الى الرمادى

ارجو انى اكون افدتك

[rori]

السلام عليكم ورحمة الله وبركاته
حبيبتي الي انت تقصديه وبتسالي عنه هو زي ما قالت الاخت نيروز وانا عموما بستخدمه من زمان لانه يعطي العين سواد فاحم وشكل طبيعي بدون لمعة الآي لاينر
هو بالفعل يستخدم معه ماء وفرشاه زي الالوان المائية وفي منه الوان (أسود وبني وكحلي) وانا عموما بستخدم ماركة ميك أب فور إيفر.

[ريهام خيرت]

ده قلم كحل أيلاينر لسة مشترياه من يومين ب 12,5 بس تحفة

[tota-101]

ياقطايف الايشادو اللي بتسألي عليه ده كحل مائي وهتلاقي منه الاسود وكل الالوان ولوتعرفي محلات مكياجي هتلاقي عندهم كل اللي انت عيزاه وبالنسبه للفرق بين الايلينر والديب لاينر ان الايلينر فرشته خفيفه والديب لاينر فرشته تشبه راس القلم في سمكها ودي احسن للي مش بتعرف تتحكم في رسم العين بالايلينر