[لولا_2008]

معقول يا جماعة الواحد ممكن يتعرف على واحدة عن طريق التليفون
ومن صوتها يحكم عليها ويتجوزها أنا بصراحة ضد هذاالموضوع وكان نفسى أعرف رأيكم بصراحة 0

اذا اعجبك الموضوع و اردت نشره في المنتديات الاخرى فاستخدمي هذا الرابط:
الجواز عن طريق التليفون
http://forums.fatakat.com/thread42289

[ام سراج]

طبعاً..معاكي حق..ورأيي من رأيك تماماً...
التليفون ده وسيله للراجل يضحك بيها ع البنت..ويتسلى بيها وبعد ما يزهق...يبقى باي..وبعدين هوه فيه حد اتجوز عن طريق التليفون؟...عن نفسي انا مشفتش حاجه زي كده

[لولا_2008]

أنا شوفت حالات بدأت من خلال النت وزات التواصل عن طريق التليفون وحتى وصل لمرحلة الجواز ولكن لانستطيع ان ناخذ زلك قاعدة عامة وأن لاأتفق مع ذلك

[ريمون]

بصراحة انا مش مع الموضوع دة كلو لعب فى لعب

[امةالرحمن]

انا كمان معاكوا وكلامكم مظبوط

[نادو]

لا طبعا يالولا دى طريقة غلط جداااااااااااا يانهار اسود تليفون

[الايمان777]

دى وسيله بيتسلى بيها الشاب ويضحك بيها على البنت
وكمان البنت اللى مش كويسه اللى تجاريه لانها بتكون عارفه انه بيضحك عليها

[أموونة]

اهلا بيكي يا لولا وشكرا علي موضوعك انا عن نفسي لما كنت في الثانوى كان في واحدة صاحبتي بتحب واحد عن طريق التليفون وحاولت اقنعها ان ده وهم وان ده ما ينفعشي وانه بيلعب بيها بس للاسف اللي في دماغها في دماغها لحد ما والدها سمعها بتكلمه في التليفون و حط نهايه للموضوع ده ربنا يهديها أصل الحب عمره مايجي بالشكل ده الحب ده شيء جميل عامل بالظبط ذى النبته الصغيرة بين الزوجين اللي بتتروي بالتفاهم والاحترام المتبادل وبتكبر بالعناية والاهتمام بمشاعر الاخر ربنا يرزقنا الحب الحلال يارب

[لولا_2008]

شكرا على مروركم

[toto s]

ضد الحكايه كلها

[لولا_2008]

هقول لكم حكاية حقيقية كان هناك شخص فقد منه تليفونه المحمول وعن طريق شركة الخطوط عرف اخر رقم اتصل به الشخص الذى سرقه وكان رقم بنت بدأت الحكاية عن طريق التليفون ومرة فى مرة زادت العلاقة بنهم وطلب مقابلتها علشان يشوفها ويتكلم معاها وعلشان تمهد الطريق لباباه وانتم بقى عرفين الباقى

[handodaaaa]

لاطبعا غلط جدااااااا اكيد الطريقة دي دة ولا النت كمان لان بالطريقة دي بتدي فرصة كبيرة للخداع واكذب وحاجات تانية كتير
اللهم احفظنا جميعا

[toty_meky]

طبعا دة اكبر عبط فى حد يتجوز من مكالمتة تليفون

فكرتنيى بفيلم بحبك وانا كمان لما كان ابن خالة مصطفى قمر بيكلم واحدة ومحبو بعض وطلعت فى الاخر ام مش عارف مين وشكلها يقرف هههههههههههههههههههههههههههههه ومستغلياة علشان كريم نور يغنى فى فرح ابنها ههههههههههههههههههههههههههههههههههههههههه

لما كان بيغنى ويقول بيقول ام ايمن نقطتنى وحلمييييييييييييييية ههههههههههههههههههههههههههههههههههه

[دوبه]

انا حاليا فى المشكله ديه ومش عارف اعمل ايه وهو من محافظه بعيده عننا جدا حوالى 11 ساعه سفر ومع ذلك عايز يجى يخطبنى

[الحنين13]

منورين الصفحة يافتوكات خاصة اللى فاتحين دوبة وام سراج انا ماشفتش حد اتجوز عن طريق التيلفون

[ماجي2008]

السلام عليكم ورحمة الله وبركاته

عارفه فى بنات اصواتهم اية فى التليفون وحدة صحبتى كانت حكت لى موقف حصل مع اخوها من زمان بعد ما اتخرج من الكلية كانت لسه الموبايلات مش منتشرة زى دلوقتى اتعرف على واحدة عن طريق التليفون العادي وحددوا معياد للمقابلة وشافها ويارايته ماشافها عمل نفسه انه مرحش المعياد وهرب اقصدي نفد بجلده ههههههههههههههههههههههههههههههههه