تنبيهات هامة:
اولا) اذا وصلتك اي رسالة خاصة من عضوة تعرض عليك الانضمام لمنتدى اخر فارسلي رسالة خاصة فيها اسم العضوة الى احدى المشرفات لايقاف سرقة العضوات، ايضا اذا وصلتك اي رسالة خاصة من عضوة تعرض عليك بضائع للبيع فارسليها الى احدى المشرفات.
ثانيا) تجاهلي اي موضوع يتكلم عن شحن الجوال ببلاش او وجود ثغرة في موبينيل او فودافون او اتصالات حيث انها تسرق رصيدك!
ثالثا) الرجاء عدم اضافة مواضيع عن الجرائم او الصور المفزعة او صور فيها نساء متبرجات او اغاني او انتقاص من قدر اي شخص.
زعلت اووي من الملحوظه المكتوبه فوق بتاعه حذف العضوات ... زعلت على العضوات وكمان على فتكات ... مش عارفه ايه الصح؟ كل واحد من حقه يشترك زي ما هو عاوز وماحدش يحجر على حد ... من حقك انك ترفضي المعلومه اللى جاتلك على الخاص ومن حقك تقبليها ... محتاره لاني متأكده ان ماحدش من اللي بيبعت على الخاص مس منتدى فتكات بكلمه او دعى الى مقاطعه فتكات او اننا نسيب فتكات لان ماحدش يقدر يعمل كده وكلنا بنحب فتكات هما بس بنوهوا عن منتدي تاني هما شايفينه لطيف ومفيد للي بيبعتولها وهي عندها الحريه الشخصيه تقبل او لا ... السؤال هنا هل من حقنا نزعل منهم ونقاطعهم ونلغيهم ولا دي حريه شخصيه كل واحد يعمل اللي هو عاوزه مادام مابيضرش حد ومابيإذيش حد ... ياريت وسعوا صدركوا وفكروا... وانتوا بتفكروا افتكروا كده كام منتدي انتم مشتركين فيه ... ولو عندكم حد بتحبوه هاتدعوه يشترك في فتكات ولا لأ....
انا اصلاً..كنت اعرف منتديات تاني غير فتكات
بس لما لقيت فتكات -وده كان بالصدفه-كملت في هوه علشان حبيته..وقولت لناس كتيره عليه وخليت اخواتي يشتركوا فيه
وده راي وبقوله من زمان
يا ريت يا جماعه نفكر شويه قبل ما ناخد قرارات ممكن تخسرنا اكتر ما تكسبنا والمشكله ان فتكات دا منتدى رائع فالواحد دايما بيصعب عليه اى غلطه يلاقيها فيه ... ساعات بحس ان زي مايكون فتكات دا مبنى جميل اوي وقصر رائع الجمال ومليان حدائق وزهور وورود ورياحين بس للاسف بعض سكانه هما اللي فيهم المشكله ...عاملينه مدرسه داخليه وشايلين العصايه في ايدهم ... يا ريت نرمي العصايه ونمسك بدالها الورد الجميل اللي بيحاوطنا من كل ناحيه عشان منتدانا يكبر ويعلى كمان وكمان ... احب اقولكم كمان ان مهما حصل ماحدش هايقدر يهد كيان فتكات عشان كلنا بنحبها
كلامكم صح وانا متضامنه معكم انا مثلا كنت مشتركه والله فى منتديات كتيره بسي لما دخلت هنا ارتحت للمنتدى ده واخدنى من كل المنتديات وبرغبتى بدون ماحد يغصب عليا دى حريه شخصيه وزى مااحنا مانحب ننظلم كمان نرفض ظلم اى واحده من العضوات وجزاكم الله خير
شكرا لموضوعك اختي الكريمة ام كيكي .. ارجو انك تقرئي الموضوع "القديم" ده كويس . و بناء عليه ارجو كلامك يكون في حدود نظام المكان مش بالتفكير في كلام ضد نظامه . http://forums.fatakat.com/announcement.php?f=2
ده اعلان موجود في كل صفحات الاقسام . و المفروض ان كل الناس قروه .
كل شيئ قابل للنقاش وشكرا لمشاركتك حتى اذا اختلفنا في وجهات النظر ... يكفيني ذوقك ... وعلى فكره انا اعلم انك تقصدي البند رقم 10 وطبعا ليكي حق ... بس في نفس الوقت يوجد تجاوزات كثيره من المشرفات والمراقبات وتم الابلاغ بيها وللاسف كل شيئ لم يصبح على ما يرام زي البنود مابتقول ولو تحبي اقولك على كثير من التجاوزات على الخاص بتاع حضرتك عن الاخوات المتجاوزات من المشرفات والمراقبات لتتأكدي بنفسك ماعنديش مانع ... اذا كل شيء وارد ولذلك احنا بنتناقش للمصلحه العامه واعتقد ان رأينا يهم المنتدى ... واوعدك انه مجرد نقاش راقي للمصلحه العامه ...
اسمحي لي حضرتك نفضل في اطار الموضوع اللي فتحتيه .
في الحالة دي يبقى غطينا النقطة اللي حضرتك ناقشتيها و ظهر سبب حظر العضوات و انهم سببوا ده لنفسهم .. و صدقيني احنا ما نحبش يكون فيه في وسطنا (كعائلة) حد بيخالف النظام اللي متفقين عليه مهما يكون .
لو عندك ملاحظة تانية (زي اللي ذكرتيها عن المشرفات) فأرجو ان ده يكون في موضوع مستقل بعد ما ينتهي الموضوع ده. و اهلا بيكي في الرسائل الخاصة انا يهمني ما يكونش فيه عضوة زعلانة من حاجة في الموقع في انتظارك .
طبعا ليكي حق ... انا اسفه ماقصدتش اغير الموضوع بس يمكن انا ماوضحتش كويس انا بس برد على ان دي قرارات الاداره وقوانينها من الاول واحنا لازم نلتزم بيها وكنت بضرب مثل ان احيانا برضه في بنود تانيه مابتتنفذش والاداره ساكته ومش بيعمل حاجه او على الاقل احنا مش شايفين رد فعل .. فلذلك وارد ان الاعضاء تتناسى ايضا بعض البنود ... as the management is our role model :-)
أنا بردو زعلت جدا فى الاول من قرار الاداره
وزعلت أكتر ان الاداره كان قرارها فردى يعنى تم من غير مناقشتنا او عمل استفتاء
وكان نفسى اعرف هل البنات دى تم تحذيرهم قبل كده وهما رفضو؟؟
وهل البنات دى داخله فقط عشان الاعلان ولا هما عضوات دائمين فى فتكات؟؟
انا مكنتش اتمنى ان حد يزعل من منتدانا الأكثر من رائع ولا من الاداره
وبغض النظر عن الاسلوب اللى اتكلمت بيه واحده من المحذوف عضويتها
هى أكيد متنرفزه وزعلانه لان الله أعلم بنيتها
هى يمكن فعلا عارفه اننا بنحب منتديات المرأه فقط عشان كده اعلنت عنه
بس اللى مكنتش عارفاه انها بعتت اكتر من 300 رساله
كتيييييييييير أوى كده
انا نفسى جالى رساله بس مش فاكره من مين بالظبط
عموما جزاها الله كل خير ادارتنا وفتكات المديره لانهم شايفين اللى منقدرش نشوفه
حاضر اوعدك ان شاء الله ابعتلك بعض الامثله للتجاوزات دي بكره باذن الله عشان اجمعلك كده حبه حلوين وابعتهملك على الخاص واشكرا جدا لاهتمامك ... جزاك الله عنا كل خير .... تصبحي على خير والى الغد بإذن الله ...
اختي اسكندراني:
كويس ان الامور اتضحت بالنسبة لك . و احنا متفهمين حرصكم على الالفة و الروابط و ده عندنا برضو . لكن وجود نظام في المكان بيحميه طبعا .
العضوات منهم اللي موجودين من الاول و منهم الجداد اللي سجلوا بس عشان يبعتوا اعلانات . مجموع الرسائل زاد على الف رسالة . لذلك السبب في ان الموضوع حصل بحجم كبير هو اننا فوجئنا بالموضوع ده لان العضوات ما بلغوش اول ماجالهم الرسائل .
والله العظيم احنا مش عايزين نزعل حد و حاسين اننا عيلة بنفرح سوا و نزعل سوا بس في نفس الوقت لينا حقوق ما ينفعش يبقى فيه خيانات بالشكل ده.
في انتظارك .
