[mahmouha]

اولا أحب أوجه الشكر لكل القائمات على الموقع ولكل العضوات
وبعد السلام.,................

هحكيلكم مشكلة بتمر بيها واحدة صاحبتي ويارييييييييييت الاقي عند اي فتوكة الحل لاني بجد نفسي اساعدها


صاحبتي دي عاشت قصة حب لمدة سبع سنين تقريبا وربنا يشهد انها كانت قصة حب نظيفة يعني من بعيد لبعيد زي ما بيقولوا

وطبعا كانت عايشة على امل انه ييجي اليوم اللي يتحقق فيه حلمها بالنهاية السعيدة للحب ده وهوا كمان

المشكلة بقى انه اتقدملها عريس جااهز من كل ناحية اكبر منها ب11سنه........
ورفضت وانتهى الموضوع

بس العريس ده فضل ورا عمها لحد ما أقنعه وخلاه يتوسطله عند اهلها لحد ما وافقوا مع انها لسة في اول سنة من احدى كليات القمة

وفي يوم وهي راجعة من المصيف قالولها انه مستنيها في البيت مع عمها عشان يخلصوا فانهارت وعيطت ,قالولها اهلها انها مجرد زيارة من ضيوف عااااااااادي

بس الموضوع كان غير كده خااااالص ....كان عمها والعريس اشتروا الدبلة والمحبس والخاتم
وافقت مامتها ووافق باباها ولما رفضت قلولها انه عريس مايترفضش
ولما صارحتهم بحبها قالولها ان ده لعب عيال وانهم عمرهم ما هيرضوا بيه
حتى لو اتقدم لانه لسه بيدرس

وللاسف لبست الدبلة واتخطبت لواحد اول مرة تشوفه وتاني يوم الفجر سافر العريس
لاحد البلاد العربية عشان شغله

ودلوقتي صاحبتي منهارة وزميلها في حالة يدمع لها القلب ونفسي اساعدهم بس مش عارفه

يااااااااريييييييييت حد يلاقيلي حل

اذا اعجبك الموضوع و اردت نشره في المنتديات الاخرى فاستخدمي هذا الرابط:
ارجووووكم يا فتوكات ساعدوني
http://forums.fatakat.com/thread42327

[نشوة]

الزواج مش بالعافية
يعنى ببساطة جدا تتصل بية وتقولة انا مبحبكش ولو هو موافق على انها تحب واحد تانى ترمى الدبلة لاهلة وتفهمهم ان ابنهم مش راجل
بس يا ريت تخلى حبيبها يتقدم دلالة لحسن النية منةالاول

[حبيبة.]

بصي يا mahmouha لو قلتلك ان الانسان الي بيحبها يحاول يتقدم ليها لو حتي بدبله يمكن تكون صعبه علشان لسه بيدرس
الحل الوحيد فيها هي يعني هي لو واثقه ان الانسان دا فعلا تستاهل انها تعمل وقفه مع اهلها علشانه وتصمم انها مش عايزه ترتبط بالشخص الي خطبها وسافر دا يبئا تاخد موقف وتصمم

وبالتوفيق يا رب ليها وليكي

[mahmouha]

اهلها محاصرينها وبيضربوها وبيبقوا جنبها وهي بتكلمه

[mahmouha]

والله هو عنده استعداد يتقدملها من الصبح ووالدته موافقة بس اهلها يرضوا بس

[خزامى]

هي ماكنش لازم ترضخ لضغط اهلها وتلبس الدبل...بالطريقة دي هي
ظلمت نفسها وظلمت خطيبها لانه مش عارف ان قلبها متعلق بشاب اخر
يعني تكلمه وتقوله انها اجبرت على الخطوبة ..وفيه شاب اخر ترغب الارتباط
فيه ..لانه كده حرام عليها لانها تعطي امل ويبدأ يحبها وقلبها مع حد غيره
تعجل باخبار خطيبها بالحقيقة وتفسخ الخطوبة ..والشاب التاني يكلم اهله
اذا هم موافقين على الاقل ..يبادر بالتقدم ليها بعد كده .

اخيرا الخير هي متعرفش مكتوب ليها فين ...الله هو العالم .
وبالتوفيق ليها .

[حبيبة.]

خلي والدته تكلم والدتها هي او حد من اهلها قريب منها وتقنعهم ان ابنها هيتقدم لبنتهم ولو بدبله دلوقت كدا يعني انتي اكيد فهماني

[mahmouha]

حاضر هحاول
وشكررررااااااا على اهتمامك يا حبيبة

[temoon.pompa]

بصى اولا ربنا يكون فى عونها ويفرج همها يارب ..... بس بجد هى غلطانه لانها لبست الدبله الجواز فعلا مش بالعافيه محدش يقدر يجبرها عليه وهى مش عايزاه ربنا يوفقها ويفرج همها ويرزقها بالزوج الصالح

[حبيبة.]

علي ايه بس ربنا يفك همها ويحل مشكلتها دي يا رب

[نوشا]

انا مع كل الفتكاوات مكانش لازم تلبس الدبلة
وكانت تصمم على رفضها
بس هى دلوقتى تحاول تهدى الجو شوية لحد ما تقول لخطيبها
وانها اجبرت على الخطوبة
وهو لو انسان محترم هيبعد هو عنها
ولو معملش كده يبقى مش راجل
وتحاول انه ام حبيبها تكلم امها
واعتقد ان الامهات بتلين مش زى الاباء
والله الموفق
وطمنينا عليها

[ام سراج]

يارب يحل مشكلتها يارب
واول حاجه خليها تصلي استخاره وكمان ركعتين لقضاء الحاجه قبل ماتعمل اي تصرف...
ثانياً اهل زميلها يكلموا اهلها رسمي ..مكن الاوضاع تتغير
هيه تقول لخطيبها ع الوضع وده كان لازم يجصل من الاول انما معلش ملحوقه
بس كل ده بعد صلاه الاستخاره
واذا كانت هي مش قادره تكلم خطيبها علشان اهلها بيبقوا جمبها خلاص تكلمه لما تخرج..او تكلف واحده قريبتها او صاحبتها بتثق فيها انها تقوم بالمهمه دي
لكن الاستخاره اولاً

[أم مريم]

انا مع ام سراج لازم الاستخارة اولاً

و بعد كده كل الامور ميسرة باذن الله

[toto s]

وانا كمان من راي ام سراج تصلي استخاره اول وبعدين تعمل براي باقي البنات

[bababi]

لو عايزة رأيي لازم تكمل طريقها و متبص وراها انا قصتي نفس قصتها و لو كان يحبها بجد كان خطبها انا اتحديت اهلي عشانو و ضيعت عريس ميترفضش و بعدين قالي بكل سهولة انو مش هيقدر يتقدملي عشان مكملش دراستو انا ضيعت 5 سنوات من حياتي وعملت عشانو المستحيل . يعني فيها ايه لو تقدملي وهو بيدرس . الراي الصواب ان تطلب منه ان ياتي لخطبتها ان وافق تتحدى عشانو المستحيل وان رفض تكمل طريقها مع الاخر دون النظر الى الوراء