[ام سراج]

إلى كل الفتوكات إخواتي في المنتدى الرائع ده
أنا عيزاكم كلكم تدخلوا وتساعدوني لأننا واقعين في مشكله كبيره..وبنواجه حرب صعبه...محتاجه ان كلنا نبقى يد واحده

الموضوع بإختصار ان كلنا لما لقينا الحظر بتاع اعضاء النهارده...وقفنا جمبهم وتكاتفنا معاهم
وانا عن نفسي غلطت وبعت رسايل للإداره والمشرفات اطلب منهم ان يلغوا الحظر
بس انا بأقول غلطت وبعت رسايل...
عارفين ليه؟
لأن يا جماعه الحكايه ومافيها..ان العضوات دول اشتركوا في منتدى تاني...بس مش هيه دي المشكله...المشكله انهم بدأوا يعملوا مشاكل ويفتحولنا المواضيع دي المثيره للجدل علشان كلنا نتخانق..ونكره فتكات...وفيه عضوه محترمه من اللي اتحظرت عضويتها دخلت تقول اننا مش محترمين وان المكان مش محترم
عارفين ليه بيعملوا كده؟ لأن معظم الاسماء اللي اتحظرت عضويتهاعندنا في فتكات... مشرفات ومراقبات هناك
وبدأوا حرب غير شريفه على فتكات...
الحمدلله الاداره واخده بالها بس احنا لازم نساعدها
ولعلمكم انا لما بعت رسايل لمديره الموقع والمشرفات هنا في فتكات..ردوا عليا بكل ذوق..وفهموني..بس انا ماكنتش مصدقه لغايه ماعرفت الحقيقه
اي حد يزور الموقع التاني ح يلاقيه نسخه طبق الاصل..وح يلاقي الناس ناقله مواضيع من هنا من غير ماتقول انه منقول
ياريت كلكم تساعدوني.. واننا نبقى يد واحده لغايه ما الحرب دي تخلص...ويحلوا عن سمانا
انا واثقه من ان كلكم اخواتي وانكم مش ح تخذلوني...وتقفوا مع فتكات اللي كلنا بنحبها

اذا اعجبك الموضوع و اردت نشره في المنتديات الاخرى فاستخدمي هذا الرابط:
إخواتي في المنتدى...محتاجاكم ضروري
http://forums.fatakat.com/thread42372

[mayooy]

هو اصلا فى منتدى تانى يكون محترم كده زى فتكات والله ده احسن منتدى انا شوفته ومن ساعه ما اشتركت فيه وانا دايما قاعده قصاده لدرجه ان هنا فى البيت بيقولو عليا مدمنه فتكات وعلى العموم هما بيعملوا كده لانهم بيحقدوا على نجاح المنتدى بارك الله فيكم ودايما يارب فى نجاح وتطور

[ام سراج]

هو اصلا فى منتدى تانى يكون محترم كده زى فتكات والله ده احسن منتدى انا شوفته ومن ساعه ما اشتركت فيه وانا دايما قاعده قصاده لدرجه ان هنا فى البيت بيقولو عليا مدمنه فتكات وعلى العموم هما بيعملوا كده لانهم بيحقدوا على نجاح المنتدى بارك الله فيكم ودايما يارب فى نجاح وتطور

شكراً يا mayooy على مرورك...
وكلامك الحلو..والله وانا زيك مدمنه فتكات برده

[جيهان عبدالله على ربع]

بارك الله فيكي يا ام سراج
وجعلك دوما حبيبتنا في الله
واشكر لكي غيرتك علي المنتدي

[soura]

صباح النور يا فتكوتات
معاك حق ام سراج
بس في الاخر ما يبقى الا الاصل
التقليد هيروح صدقيني
احنا بابداعاتنا وهما بسرقاتهم خلينا نشوف مين يكسب
كل الي ممكن نعملو اننا نجتهد اكتر في تطوير منتدانا الغالي
دمتي بخير

[ام سراج]

شكراً يا soura على دعمك وتشجيعك
ربنا يخلينا كلنا لبعض إخوات دايماً

[أم مريم]

و الله يا جماعه الناس اللى بتتكلموا عنهم دول مش بالوحاشة اللى انتوا متصورينها دى
المشكله كلها ان الموضوع تطور بسرعة و كبر زيادة عن اللزوم
و بالنسبة لان كان فيه مواضيع هناك منقولة من فتكات و مش مكتوب انها منقولة فوالله العظيم انا ليا مواضيع انا كتباها بنفسى و لقيتها فى منتديات تانيه و مش مكتوب انها منقولة و هى منقوله بالنص كوبى من موضوعى
يعنى ممكن يكون ده مش مقصود او سهو

بس انا من رأيى ان الموضوع ممكن يتحل بهدوء و احنا كلنا هنا اخوات
و انا عن نفسى متتصوروش معزتى لفتكات و لأعضاء فتكات اللى هما رمز للأخلاق و الادب و بالذات بعد ما قابلت منهن فى المقابلة البورسعيديه
فمفيش داعى نخلى حد يتدخل اياً كان و يبوظ العلاقات الجميلة اللى بينا دى

و انا متأكده ان الادارة متدايقة عشان الاعضاء دول اكتر منهم شخصياً

وكمان انا ملاحظة ان دى مش اول مشكله تحصل
انا مش فاهمة فيه ايه الظاهر اتحسدنا
كل شويه مشكلة و كل شويه حظر و كل شويه حد يزعل و حد يسيب المنتدى
احنا مكناش كده هى فعلاً حرب غير شريفة يا أم سراج بس مش من الاعضاء دول و لا من اللى قبلهم دى من اللى بيحبوا يولعوها و يقيدوها نار

فمفيش داعى نتكام بأسلوب غير لائق عن بعض و نقول يحلوا عن سمانا و الكلام ده

انتى نفسك بتقولى ان الادارة ردت على رسائلك بكل ادب و ذوق فلازم احنا كمان نكون كلنا ادب و ذوق ونتكلم مع بعض و عن بعض

ده مش دفاع عن حد بس ده اللى انا لاحظته فى المنتدى فى الفترة الاخيرة
ان فيه ناس مش عارفه بيدخلولنا ازاى و يحطوا بنزين على النار فى اى مشكله بتحصل
ده بدل ما يحلوها
بس يكون فى علمهم احنا بنحب فتكات و بنحب بعض فى فتكات و اللى متدايق هو حر يعملوا اللى يعملوه برضه بنحب فتكات
بس الشاطرة بقى اللى متسمعش الكلام الحقود ده و تستمر فى عملها كجزء من فتكات عشان متديش فرصة لحد يتكلم عن المنتدى و لا أعضاء المنتدى

[eman of allah]

صباح الخير يا فتكاوات
بصراحه انا شفت المنتدي التاني وكنت منزعجه جدا من التشابه الغريب في الموضوعات وبدات اشك مين بينقل من مين لغايه مفهمت الموضوع ولازم منتهاونش في الموضوع ده لانه فيه اساءة كبيره لمنتدي فتكات اللي كلنا بنحبه جداااااااااااااااااااا

[ام سراج]

شكراً ام مريم على تعليقك..
وفعلاً اداره المنتدى اتكلمت مع الناس بذوق وكان لازم الناس تتكلم بذوق بس اللي حصل انهم زي مابتقولي بيتكلموا بشكل غير لائق
والحمدلله اننا كلنا عارفين اهدافهم وانهم عايزين يولعوا الامور وبس
ربنا يخلينا لبعض ان شاء الله على طول

[ام سراج]

صباح الخير يا فتكاوات
بصراحه انا شفت المنتدي التاني وكنت منزعجه جدا من التشابه الغريب في الموضوعات وبدات اشك مين بينقل من مين لغايه مفهمت الموضوع ولازم منتهاونش في الموضوع ده لانه فيه اساءة كبيره لمنتدي فتكات اللي كلنا بنحبه جداااااااااااااااااااا

ازيك يا ايمان
وشكراً على تعليقك
واحب اقولك ان المنتدى هنا مش مانع اي حد يروح اي منتدى تاني بجانب انه يفضل عضو هنا...المنتدى بس يمنع استغلال العضويه بغرض عمل الدعايه لمكان اخر بغض النظر هوه ايه

[حنانو]

والله جماعة كل واحد حر في نفسه ولكن بدون سرقة مواضيع بالنسبة لي جوزي كل مابيدخل للبيت بيقولي فتكات ثاني وهذا من كثرة اعجابي بيها لن والله لمابتحاكا معاكو بحس بالراحة.

[ورده الحب الصافى]

أم سراج
أنا هشوف لك وسطه تتعينى فى وزاره الداخليه باتعت المنتدى
وماتقلقيش
الوزير
مش بصباص
هههههههه
دى
جيهان عبدالله على ربع
بس نصيحه ماتدخوليش عليها الصبح وهى بتقرأ الجرايد وبتشرف النيسكافيه
مش هتنفذ لك أى طلب
ههههههه
هايله يا أم سراج

[fairy princess]

[القطه]

ام سراج الجميله انا لسه داخله
وشفت موضوع الحظر ده غريب فعلا
بس انا ماكونتش موجوده امبارح وبقالى كام يوم مشغوله انتى عارفه
انا حكيتلك بس فمااعرفش حاجه عن المواضيع دى
واى رساله بتجينى مش برد عليها
ولا بشترك فى اى منتدى حد بعتلى الرابط بتاعه على الرسائل الخاصه
وخصوصا انهم بكونوا عضوات جداد علينا واغلبهم والله
بيكون مكتوب جنب اسمهم ان اشتراكهم غير مفعل لسه ومع ذلك بيبعتوالنا
ازاى انا ما اعرفش

عايزين حل صح وعايزين نتكاتف صح

الحل من وجهه نظرى مالوش دعوه بالاداره خااااااااااااالص
مع احترامى ليها طبعا بس العبره هنا ان الحذف ده مش حل جذرى للموضوع
بمعنى اخر ان البنات اللى داخلين عايزين يعملوا دعايه فقط
لما تتحذف عضويتهم مش هيزعلوا بالعكس
هيعملوا تسجيل جديد باسم جديد
والاداره هتبقى بس كل همها تحذف تحذف تحذف
ده مش حل الحل من جوانا ومن عندنا احنا ولازم نفهم فى الاول
ان الناس دول بيدخلوا يكلمونا احنا مش الاداره لان اكيد البعض بيتفاعل معاهم
يبقى الحل عندنا احنا بمعنى ادق
اننا نتكاتف فعلا باننا لا نتفاعل معهم ولا حتى نرد على رساليلهم
وطبعا ولا نزور منتداياتهم اكيد وكمان نبلغ الاداره
انا مش ببلغ انا مش بتفاعل زى ما ذكرت سابقا ولا برد على الرسايل حتى
هما هيزهقوا ويبطلوا لوحدهم لما مايلقوش فايده ولا نجاح
فى اتباع هذا الاسلوب وانه مش جايب نتيجه معاهم هيزهقوا مننا ويبطلوا يبعتوا
من وجهه نظرى ان ده الصح
والله اعلم ده رائ ووجهه نظرى
وربنا يصلحلنا الحال و وميرسى يا احلى ام سراج عالموضوع الحلو ده
ربنا يجازيك عنا خير يا سكره

[ام هاجر 2]

ربنا يحمى المنتدى من اعداء النجاح
بالروح بالدم نفديكى يا فتكات

[نديتا]

و الله إنتو مكبرين الموضوع حبتين

المنتدى إلي بتتكلمو عنو شوفتو و مش مشتركة فيه و مش حشترك

هو فعلا نسخة من فتكات لكن لفتكات سر يصعب نسخه و تقليده ، إحنا ليه حنحقد عليهم ماخليهم يعملو مليون منتدى مقلد ، وبعدين ؟ يعني هوما حيوصلو للاقبال و الزحمة إلي بتعيشها فتكات ، لا اظن

أظن أن فتكات محتاجة لحاجة أهم من الكلام الحماسي ده ، وهي المقترحات و الأفكار لتطوير المنتدى أكثر و أكثر ، وبكده بيكون النصر و التميز

و شكرا

[نهال عثمان]

فتكات كل عام وانتي بخير
صديقاتي وإخواتي كل عام وانتو بخير
فتكات وبس فتكات وبس فتكات وبس

[مايو]

ازيكم
انا برضه اتبعتلى رساله بالموقع التانى وانه افضل بس طبعا فتكات هى الاصل وهى الاكبر والافضل
وبعدين ادخلت الموقع التانى من باب الفضول ولقيته كربون لفتكات على مصغر يعنى بصراحه ياجماعه الناس دى متعبتش عشان تعمل منتدى دى كل اللى عملته نقلت شويه مواضيع وخلاص
واحنا هانفضل على طول فتكات
وشكرا ليكى يام سراج على الموضوع دا

[ام ايفان]

بارك الله بكل الفتكوات الرائعات ..
فتكات هو البستان اللي جمع كل الورود الحلوة ..
وجمع عضوات زي العسل من مختلف البلدان..
يارب دايما نتكاتف ونتعاون من اجل اعلاء هذا الصرح الهائل..

[EMO]

عارفين كل ده بيحصل ليه ؟ لأن فتكات مش منتدى عادى ده منتدى جمعنا على الأخوه والمحبه فى الله فكان المقابل له النجاح الهايل اللى حققه فى فتره قصيره
وطبعا هذا الهجوم بسبب ذلك النجاح و المفروض ان لا نتاثر بمثل هذه الذوبعات
فمنتدانا هو بيت العيله البيت الكبير اللى بيجمعنا كلنا وكفايه ان احنا بنحس فيه بصدق المشاعر فى التعامل بين العضوات وطبعا فتكات وبس دا فتكات الجامد اوى