[سندريلا 17]

ازيكوا يا احلي اعضاء
كل سنه وفتكات طيب
وياااااارب في تقدم مستمر
بجد انا مش عارفه ايه اللي حصل
انا كنت مسافره جيت لقيت حرب بين منتدي فتكات ومنتدي تاني
اللي طبعا كلكوا عرفتوه وبتقولوا انه مقلد لفتكات
لكن والله هو بعيدج كل البعد عن منتدي فتكات خااااالص
انا مش عارفه اصلا ايه وجه الخلاف
لما عضوه تنزل موضوع هي كتباه باديها في المنتدين
زي منزلته في فتكات نزلته في *****
و علي فكره انا سندريلا 18 اللي ممنوعه من المشاركه
انا بتمني بجد كل الخير لفتكات
و لحد اخر لحظه كنت بدخل ع المنتدين وعاادي جدا زي اي واحده
كانت مشتركه في كذا منتدي تاني
انا مش فاهمه اصلا اللي حصل ولا مستوعبه ايه اللي بيحصل
و بعدين العضوه الجميله ام سراج اللي بتقول
ان المنتدي التاني بيقول ان الاعضاء هنا مش كويسين
والله العظيم يا جماعه الكلام ده غلط خااااااالص
محدش هناك يقدر يجيب سيره فتكات غير بكل خير
لان احنا اصلا ولاد فتكات انا عن نفسي زيكوا بالضبط مدمنه فتكات
و ده كلام من الكلام اللي اتقال ع فتكات
علشان ام سراج بتقول ان هناك بيتكلموا عليكوا كلام مش كويس وده غلط خاالص

بنوتة متزعليش من فتكات انت عارفة انهم كويسين جداا بس فيه ناس بيشعلو ا الخصام احنا فى الاول الاخر اخوات
وبعدين زى ما انت ملاحظة انى *** واخدة خط تانى خالص
وفى الاول والاخر ده واجبنا الاجتماعى تجاه وطنا
وربنا هيظهر الحق
عارفة انى رحت الاجتماع لقيتهم كلهم عارفين انى بكتب فى ***** زى ما يكون حد ادانى اسفين
بس عديت الموضوع عادى بصراحة كنت مبسوطة بصحبتهم
الكلمة الطيبة هى الى بتفضل

و والله يا جماعه الكلام بيتنقل ليكوا غلط خااااالص
و محدش بيقول اي حاجه علي فتكات
انا مش عارفه اكيد حد بينقل الكلام غلط
وانا اهو كنت معاكوا عايزه حد يقولي اني عمري غلط فيه
او قولت اي رد او تعليق او موضوع مش كويس
عايزه حد يقولي اني مره قصرت في فتكات خالص
مع اني عضوه هناك ومشرفه بس عمري قصرت هنا خاااالص
حط يرد عليا وشكرا ليكوا كلكوا
وبجد بحبكوا في الله
و بتمني ليكوا السعاده والحب والتقدم

[katkootaya]

دة كلام روان ١٢٣
واحنا عارفين وفتكات نفسها يا سندريلا قالت إن احنا مش زعلانين من إن أي حد يشترك في ١٠٠٠٠ منتدى بس بطريقة أخذ الأعضاء من المنتدى بتاعنا عن طريق الرسائل الخاصة دة ماينفعش ولا انتي رأيك ايه ؟؟

[سندريلا 17]

حبيبتي انا معاكي
ان مينفعش اي حد يبعت رسايل خاصه دعايه لمنتدي تاني
و انا عن نفسي كنت ببعت زماااان اوووي
قبل موضوع جيهان 2008
و بطلت لما عرفت ان الموضوع ده غلط
ومن نفسي ومكانش حد عرف انني ببعت
وبعدين حصل نفس الموضوع مع جي جي
و اتمنعت من المشاركه 3 ايام بس كاعقاب
طيب انا مش فاهمه بجد اي اللي بيحصل
لو الاعتراض يا قلبي ع موضوع الرسايل عاملوا كل العضوات
بنفس الطريقه
و فعلا هو كلام روان بس انا مش فاهمه هيفرق في ايه ده كلام مين
ده كلامنا كلنا
انا بقولك عن اللي بيتقال واللي بيتنقل ليكوا والله العظيم غلط
و ياريت تقوليلي ايه تاني وجه الاعتراض

[katkootaya]

شوفي يا سندريلا إلي حصل عندنا مش شوية شتايم وتهديد واستفزاز وكلام بصراحة غريب جداً
والبنات إلي إتوقفت إتوقفت عشان بعتو أكتر من ١٠٠ رسالة دعوة لمنتدى تاني
دة إلي أنا أعرفه وربنا يشهد على كدة
يعني بذمتك يصح بنات تجي من المنتدى التاني يشتمو ويهزأو فينا !!!!!
هي ده الأخلاق والذوق ؟؟؟؟

[سندريلا 17]

حبيبه قلبي
انا اكييييد معترضه مووووووت
علي الشتيمه لاني مقبالهاش علي نفسي خاااالص
و طبعا فتكات هي انا حححتي بعد ما اطردت من عندكوا
بس ربنا يعلم و طبعا انا اسفه جدا علي موضوع الشتيمه وع اللي حصل
بس انا بصراحه مش عارفه ايه اللي حصل لاني
مكانتش موجوده و محضرتش الموضوع ده
و اللي عرفته من مواضيع هنا و ان فيه مواضيع كتير نزلت من اعضاء واتشتموا
و شتموا فيها و للمره التانيه انا مش مع الموضوع ده خاااااالص
و فتكات ده هو بيتنا الاول
و موضوع يا قمر ان 100 رسائل
والله اعرف عضوه بعتت اكتر من 100 رساله واتحذف عضويتها 3 ايام بس
ليه نوع العقاب بيختلف من الاول
و سوال كمان يا قمر
ايه السرقه لما عضوه تكون جايبه موضوع و هي اللي منزلاه في فتكات
و برضه نزلته في **** ايه السرقه في كده
حبيبتي انتي حره ده موضوعك و ليكي الحريه تنزليه في اي مكان
و معلش صدعتك بس انا والله نفسي افهم ايه اللي بيحصل
و ارجو الرد

[ام رحاب]

منتدى فتكات احلى واجمل منتدى يكفى كميه الحب والاخلاص اللى فيه
وربنا يبارك فيه ويكبر كمان وكمان 00000000000

[remosh]

و الله إنتو مكبرين الموضوع حبتين

المنتدى إلي بتتكلمو عنو شوفتو و مش مشتركة فيه و مش حشترك

هو فعلا نسخة من فتكات لكن لفتكات سر يصعب نسخه و تقليده ، إحنا ليه حنحقد عليهم ماخليهم يعملو مليون منتدى مقلد ، وبعدين ؟ يعني هوما حيوصلو للاقبال و الزحمة إلي بتعيشها فتكات ، لا اظن

أظن أن فتكات محتاجة لحاجة أهم من الكلام الحماسي ده ، وهي المقترحات و الأفكار لتطوير المنتدى أكثر و أكثر ، وبكده بيكون النصر و التميز

و شكرا[/quote]

[heba saad]

جزاكى الله خير يا ام سراج على التوضيح انا عرفت السبب من الحذف بس في كتير من العضوات مكنوش يعرفو
وفعلا مافيش مانع من ان اى وحدة تشترك في اى منتدى المشكلة هى سرقة المواضيع اللى العضوات الفاضلات بتتعب فيها وهما يخدوها على الجاهز بصراحة
يعنى الادارة ليها حق يعنى ناس تتعب وناس تنقل وتطلع على اكتاف فتكات
دة حتا عيب
فتكااااااااااااااااااااااااااااااااات او اوى
بروح بدم نفديكى يا فتكات
دة اللى يرش فتكات بالمية ارشو بمية الطرشي
هههههههههههههههههههههه

[rawan432]

والله انت عسسسسسسسسسسسسسسسسسسسسسسسل يا هبة
ضحكينتى وخرجتينى من جو النكد

[ام سراج]

ورده الحب الصافي..شكراً يا رحوبهيا عسل..وانا كفايه عليا اني اكون عضوه هنا وسط اخواتي اللي هم انتم كلكم
fairy princess شكراً جزيلاً
قطتى..معاكي حق اننا مانسبش كل حاجه ع الاداره ولازم يبقى لينا موقف..وده اللي كنت بحاول اعمله لما كتبت الموضوع ده..علشان اوضح اللي ماكناش فاهمينه..علشان كلنا نفهم
ام هاجر2...الف شكر ويارب المواضيع اللي بعتها لك تكون عجبتك
نديتا..الموضوع ده للتوضيح..علشان نفهم اللي بيحصل وبالتالي نتفادى المشاكل ونركز في اننا نحسن المنتدى
نهال..بارك الله فيكي وشكراً
مايو..معلش مقصره معاكي شويه..بس الظروف بأه.. وشكراً ليكي
ام ايفان..الف شكر ليكي
emo طبعاً معاكي حق
سندريلا..إحنا مش فارق معانا المنتدى التاني بيقلدنا ولا لأ..وده طبيعي دايماً الاصل بتتعمل عليه نسخ كتير..وكمان مش المشكله مش ان العضوه تاخد مواضيعها وتديها اي مكان هيه عايزاه ..المشكله ان مواضيع اعضاء تاني هي اللي تتاخد..ومديره فتكات قالت اكتر من مره..ان الاعضاء اللي تم حظرهم..كان بسبب انهم بعتوا اكتر من 100 رساله دعايه مش بسبب اي شئ تاني..وده ضد قانون المنتدى اللي كلنا عارفينه..
وبعدين انا ماقلتش ان المنتدى تاني بيقول ان الاعضاء هنا مش كويسين...انا قلت ان فيه اعضاء من اللي تم حظرهم..دخلوا هنا عملوا مواضيع فيها كلام مسئ للعضوات هنا..وبالتحديد..becasoemy بس الاداره حذفت الموضوع لأنه خارج عن الاداب واللياقه..ومكنش يصح انه يتساب مفتوح والناس تتأذى من الكلام اللي كان فيه
ارجوكي اقراي موضوعي كويس قبل ماتقولي عني كلام ماحصلش...!!!
اما بنوته شيك..فموضوعها لسه موجود...ومايصحش ابداً..انها تقول لنا كلام زي بتاع امبارح..ده عيب جداً
ام رحاب..شكراً ليكي على دعمك
remosh شكراً..على دعمك هنا..ودعمك للاهلي..انا اهلاويه برده
rwan شكراً يا حبيبتي
hebasaad ...كلامك صح يا هبه..والله كل اللي قصدته من الموضوع ده ان باقي العضوات يفهموا زي ماانا فهمت..علشان كلنا نهدى ونتجنب المشاكل
شكراً لكم جميعاً..يا اخواتي

[ام سراج]

رساله..للإداره...
الموضوع ده كان هدفه التوضيح لباقي العضوات ايه اللي بيحصل
ارجو من حضراتكم..انكم تقفلوه..لأن متهيألي كلنا فاهمين دلوقت الحمدلله حقيقه الوضع ايه...وبارك الله فيكم

[مها5215]

يا جماعه
انا عندى حل حلو اوى علشان الموضوع ده ميتكررش
انا على منتدى
بس الفكره فى انه مانع مراسله الاعضاء لبعضها
علشان منتحطش فى نفس المشكله
مراسله مشرفات فقط
علشان طلبات التحسين
مش اكتر
انا شايفه ان الاداره
تاخذ حذرها وتعمل كده
ده مش عيب
انتوا ايه رايكوا

[جيهان عبدالله على ربع]

بقي مش عايزة تيجي وزارة الداخلية يا ام سراج
طيب تصدقي بقي انا هاحطك تحت المراقبة
ولو قولتي حتي صباح الخير هاعتقلك واوديكي معتقل المنتدي
وتلبسي الزي الرسمي للمعتقل طاقية ونظارة وشبشب بس
وابقي وريني بقي هتعملي ايه

[شرين عمر]

فتكات دة حبيب الكل واللة العيال زهقوا من كتر القعدة على فتكات الموضوع دة لازم نكون كلنا ايدوحدة ونعمل جبهة لموجهة اى كلام عن هذا المنتدى المحترم الاكثرمن رائع اللي مليان ناس زي العسل

[هبة ام عاصم]

يعلم ربنا ان دة اكتر موقع محترم شوفتة وانا شخصيا ما بضورش كتير واقعد الف على النت انا بفتح على فتكات على طول اسال اللة العظيم رب العرش الكريم ان يدعم كل القائمين على المنتدى ويوفقهم لما يحب ويرضى