السلام عليكم يابنات .. وحشتونى اوى
اعرفكم بنفسى الاول .. انا ام عمر و زياد .. انا متزوجة وعندى طفلين عمر سنتين و9 شهور وزياد 9 شهور ..طبعا فى بداية جوازى كنت مبسوطة وسعيدة على اساس انى اصلا فى بيت اهلى كنت متدلعة ومش بعمل حاجة فا لما اتجوزت لاقيت نفسى انا وجوزى وبس وشغل البيت مش صعب اوى وكنت بصراحة شغالة فى البيت لهلوبة () غسيل مواعين - اكل - شرب - غسيل - تتنشير - تطبيق اللغسيل - كنس - تسييق ............ الخ ()
لكن الحمدلله حملت بعد 10 ايام من الجواز ,,, شوفوا المعجزة هههههههههه الحمدلله
طبعا اول حمل بيبقى صعب وعلى طول خمول ونوم وقلة اكل والحمدلله على كل شئ نقص فى الكالسيوم وانيميا وطبعا البيت اهملته نهائيا لظروف حملى ومرضى ده غير انى ولدت قيصرى وبسبب ولادتى زادت عندى نسبة الانيميا لكن المشكلة الاكبر انه بعد مرور سنة من ولادتى الاولى للأسف وغصب عنى طلعت حامل تانى فى الشهر التانى ...... تخيلوا عندى انيميا وبرضع وحامل وانا مش عارفة طبعا لما عرفت كانت صدمة جامدة عليا .. لكككن الحمدلله ربنا صبرنى وفطمت عمر ابنى بطريقة سريعة ومفاجأة بسبب حملى وطبعا ماقلكوش على ايام الفطام كلككم اكيد مجربين وعارفين .. المهم فى الحمل التانى جالى انيميا على انيميتى هههههههههههه وكالسيوم على كالسيومى هههههههه والموضوع باظ خالص ......... انا عارفة انكم مالكوش ذنب فى الحكاية البايخة بتاعتى دى بس قلت ندردش مع بعض شوية واسمممحولى اكملكم
ولدت وجبت حبيب قلبى زيودة (( زياد )) بقى عندى عمر وزياد ده غير انى بدرس فى كلية تربية طبعا مش بحضر بروح على الامتحانات بس لكن الحمممد لله سقطت السنة دى 
طبعا شغل البيت نظرا لجسمى الهزيل بقى شاق جدا عليا وخصوصا انى برضع وكمان عمر مجننى واحد يعيط والتانى يخرب الدنيا وواحد عايز ياكل والتانى عايز ينام ولما ينام يجى الكبير يصوت ويصحيه والبيت هايص ومش عارفة اعمل ايه اهملت دراستى عشان اهتم ببيتى وطبعا الرعاية مش كاملة .. وجوزى مش عايز يضغط عليا عشان شايف ان طالع عينى مع الولاد
الخلاصـــــة
عايزة شغالة صغيرة فى السن مقيمة .. لكن المشكلة ان المبلغ اللى معايا مش بلاقى حد بيه لانه مبلغ قليل اوى ..اتمنى من اى اخت انها تلاقيلى شغالة مرتبها يكون قليل وتكون امينة ومقيمة
على فكرة شغل البيت مش كتير والله لان انا اصلا شقتى صغيرة جدا بس عايزة حد يساعدنى يطبخ ويروق ويغسل بس وطبعا فى غسالة اتوماتيك ومككنسة كهربااا .. وانا حراعى ولادى .... يعنى حاجات بسيطة جدا والله ومش متعبة
طبعا المرتب بتاعها حيبقى صافى لانها حتاكل وتشرب وتتنام عندى ده غير الخروجات والملابس اللى حشتريهالها .. وحعاملها معاملة كريمة والله
زوجى راجل متدين وملتزم وبعدين انا طول النهار فى البيت ومسكا لهم الساطور ههههههههههههه
ياترى ممكن الاقى حد بالمواصفات دى .. لان شركات التوظيف قالولى الشغالة والمكتب بياخد شهر زى الشغالة .. طيب وهو المرتب فى كام0 ممكن حد من الفلاحين او من الصعيد لو يعرف بنت يقولى عليها
ربنا يخليكم ليا وانا عارفة انكم مش حتقصروا رقبتى 
اذا اعجبك الموضوع و اردت نشره في المنتديات الاخرى فاستخدمي هذا الرابط:
يا اهل اسكندرية - عايزة شغالة !!
http://forums.fatakat.com/thread42397
)وربنا يعينك بجد لأنى حاسة بيك..ويعيننى ..ويعين كل أم
