[بنت زى العسل]

السلام عليكم

بعنى ايه سرقه ممكن اعرف

يعنى حظر البنات هيحل مشكله

والبنات دول بس هما اللى ضربو الاعضاء على ايديهم وقالو ليهم روحو منتدى تانى

واعتقد ان البنات من حقهم ان يشتركو فى اى منتدى مش مخصص ليهم منتدى واحد فقط

انا وحده من الناس مشتركه فى اكثر من منتدى

وعلى فكره انا جاتلى مسج وانا فى منتدى احلى عيون
من بنوته شيك فتكات
قالتلى على المنتدى دا اول ما ادخل القى المشكله دى

دخلت عند تفيده لقتها مشرفه هناك سألتها انتى ليه قولتى على المنتدى فتكات بس قالتلى لان المنتدى دا انا بحبو اوى ونفسى يكبر
قولت ليها بس انتى مشرفه هنا
قالتلى عارفا وايه المشكله برضو بحب المنتدى دا
وياشذى بيتى الاول هو فتكات

وانا بحبه وبحب اعضائو

سألتها ليه غلطى فيهم قالت دة اخر حاجه كنت افكر انها تحصل

فى المنتدى اللى بحبه انا دخلت اقول عشان البنات لقيت هجوم غير عادى واتكرشت

غلط واعتذرت

هو دا الحوار اللى دار بينى وبين بنوته

والله هى انسانه جميله بس انتم فهمتوها غلط

وانا حبيت اوضح ليكم الصوره بس مش اكتر

وانتم فى ايام مفترجه
ربنا يهدى الاحوال

اذا اعجبك الموضوع و اردت نشره في المنتديات الاخرى فاستخدمي هذا الرابط:
اعضاء فتكات يعنى ايه سرقه ...........ممكن دخول ثوانى امر يهمكم
http://forums.fatakat.com/thread42399

[بنت زى العسل]

ممكن نتكلم بكل صراحه ونرد ردود ايجابيه

[yoyo]

الموضوع ده اتقفل يا بنوتة زي العسل

[ام سراج]

no Comment
!!!!!!!!!!!!!!!!!!!!

[جيهان عبدالله على ربع]

اولا يا بنت يا زي العسل احب افهمك ان في قوانين لكل منتدي ومهمة الادارة المحافظة علي هذه القوانين ومن اهم بنود قوانين المنتديات والتي لا يخلوا منها منتدي هو بند عدم ارسال رسائل تحتوي علي اعلان عن منتديات اخري حتي ولو بنوته شيك عملت كدة علشان منتدانا هي كدة خالفت القوانين واحنا ما طلبناش منها كدة وفي تفيدة نفسه المديرة عملت موضوع اسمه يا ريت ممنوع الاعلان عن منتديات اخري هنا صح ولا لا احنا ليه دايما بنحب نقاوح في الغلط
في الاول وفي الاخر القوانين لازم تحترم والكلام عمال علي بطال مالوش فايدة
انا عايزة اسالك سؤال انتي اول ما اتعلمتي تدخلي نت كنتي عارفة المواقع دي ولا عملتي بحث
اكيد تعبتي وعملتي بحث واتفرجتي علي منتديات فيها اللي عجبك وفيها اللي ما عجبكيش واشتركتي في اللي عجبك لا حد بعتلك علي الخاص ولا حد خد ايدك وداكي المنتديات واي مكان بندخله بنحترم قوانين الناس اللي قائمين عليه وكل اللي بيغلط بيتحاسب ايه بقي المشكلة في اننا حاسبنا ناس غلطوا لا ومش غلطوا وبس دول بكل بجاحة تمادوا في الغلط ودخلوا يشتموا

[Fatakat]

اهلا بيكي يا بنت زي العسل . الموضوع بسيط:
1. السرقة يعني ان حد يتصل باعضاء منتدى بصورة مكثفة (يعني رسالة واحدة و يقعد يبعت منها نسخ للعضوات) للدعاية لمكان تاني . و ده مرفوض في أي مكان لأنه سرقة و مش احترام للمكان كمان . تخيلي عندك محل دهب و كل ما يجي لك زبون تعرفي انه بعد ما جالك دخل محل لسه فاتح جديد في شارع تاني .. كل الزباين بيروحوا نفس المحل بعد ما بيجولك .. فجأة تكتشفي ان واحد في المحل شغال معاكي هو اللي بيقول للزباين على المحل التاني! تزعلي واللا لا؟ خيانة واللا لا؟ واحد بيسرق مجهودك و تعبك و زباينك واللا لا؟ ده مالوش دعوة بالارزاق و ان الواحد يروح مكان ماهو عايز ده موضوع مختلف تماما .
2. بنوتة شيك ما حدش كلمها خالص (لانها ما عملتش حاجة مخالفة للقوانين) . كل اللي حصل انها دخلت امبارح و قالت انا منسحبة من فتكات بكرامتي . بس!

[قوه الامل]

لا تعليق
اني معك في كل كلمه

[drnahla]

,,,,,و
وحشتينا قوى يا مديرتنا الجميلة
بحب اشوف مشاركاتك
بس انا كل اللى عملته والله نقلت مواضيعى للمنتدى التانى بس لزيادة الافادة
هل زلك يعتبر سرقة وحرام؟
نقلت مواضيعى انا بس
لانى تعبت فيها وانا اللى بحثت عليها
وفى نفس الوقت ادخل المنتديين
للاطلاع ع المواضيع الجديدة
والاستفادة من الاتنين

وان شاء الله كل المشاكل تتحل
ويخلو فتكات من النزعات والمشاكل
زى اول ما دخلته
لانه منتدى جمييييييل جدا وبحبه

[راجية الجنه]

no Comment
!!!!!!!!!!!!!!!!!!!!
لالالالالالا تعلييييييييييييييق( بالعربى )

[Fatakat]

,,,,,و
وحشتينا قوى يا مديرتنا الجميلة
بحب اشوف مشاركاتك
بس انا كل اللى عملته والله نقلت مواضيعى للمنتدى التانى بس لزيادة الافادة
هل زلك يعتبر سرقة وحرام؟
نقلت مواضيعى انا بس
لانى تعبت فيها وانا اللى بحثت عليها
وفى نفس الوقت ادخل المنتديين
للاطلاع ع المواضيع الجديدة
والاستفادة من الاتنين

وان شاء الله كل المشاكل تتحل
ويخلو فتكات من النزعات والمشاكل
زى اول ما دخلته
لانه منتدى جمييييييل جدا وبحبه

اهلا بيكي اختي الكريمة د.نهلة ..
دي مشاركاتك و مواضيعك مافيش اي مشكلة في انك تكتبيها في كل مكان طبعا و حتى اشتراكك في اي اماكن دي ماحدش يقدر يتكلم عليها لان ده حقك . كتير قوي من عضواتنا مشتركين في منتديات تانية و دي مافيهاش حاجة . زي ما انتي شايفه المشكلة سببها خيانة الامانة .
ان شاء الله القلق ده ينتهي و ربنا يجازي اللي كانوا السبب و احنا بنقول حسبنا الله و نعم الوكيل .

[rawan432]

ربنا يهدى الجميع
الموضوع ده ضايقنى بصراحة قوى ياريت تقفلوه
لان رد فتكات على د نهلة خلاصة القول
انا بجد ما بحبش الخناقات والمشاكل

[Fatakat]

صح ..
اوكي انا بعد اذنكم ح اقفله و ارجو ما نفتحش السيرة دي تاني بما ان كل الامور بقت واضحة الحمد لله