[manolla]

صباح الخير على كل الفتكوات ياجماعة انا عندي مشكلة وعايزالها حل .مامتي اليومين دول عصبية بدرجة غير طبيعية وطول النهار معيشانا في قلق وزعيق وتوتر لدرجة اني في يومين الأجازة رح قعدت عند تيتا عشان اهدى اعصابي واول مادخلت البت بردة زعيق وعصبية انا واخواتي وبابا اعصابنا تعبت حتى تيتا زعلانة منها وغضبانة على المطبخ ولما بتعمل حاجة في الاكل لينا تعد تزلنا بيها وتفضل تعبانة عشان عملت أى حاجة بسيطة هى ماما أه من الاول عصبية ونرفوزة لكن اليومين دول الموضوع زايد قوي ومشعرفينللة سبب .حد ينصحني اتعامل معامل معاها أزاي خاصة اننابسايسها عشان متقلبش على خطيبي وتعاملة وحش وهل اسألها انتي مالك ولا أتجنبها

اذا اعجبك الموضوع و اردت نشره في المنتديات الاخرى فاستخدمي هذا الرابط:
ماما عصبية
http://forums.fatakat.com/thread42408

[rania mohamed]

بصى يا حبيبتى مشكلتك فى كل مكان وفى معظم البيوت بس اقولك على حاجة من وجهة نظرى .... والدتك عنصر هام فى عائلتك الصغيرة وعشان هى من النوع العصبى حاولى انك تعامليها معاملة خاصة بس متبينيش دة حاولى تتكلمى معاها اكتر شوفى هى بتتعصب من ايه ...زعلانة من ايه .....ومهما تقولك متزعليش منها ومتسبيش البيت .حاولى تخرجيها تتكلمى معاها....
وحاجة كمان لو انتى بنتها الوحيدة ممكن تكون مضايقة انك حتسبيها وتتجوزى وحتسيبى حضنها .........حاولى انك تدورى بهدوء على اللى بيعصبها وحاولى تعالجيه وان شاء الله تلاقى الحل

[نديتا]

أولا لحل المشكلة عليك أن تعرفي السبب لأنك قلت أن الحالة دي جديدة عليها بمعنى أن في سبب طاريء

[الزهره الحزينه]

حاولي تتقربي منها حبيبتي خليها تفتحلك قلبها ولازم تلتمسيلها العذر مش جايز في حاجعه مضايقاها او مريضه لا سمح الله ما تنسي انها كمان عايشه في روتين يعني طبخ وتنظيف وكل هلامور انتي خففي عنها وحسسيها انك شاعره فبها وصدقيني راح تنقلب كل عصبيتها الى هدوء والله يوفقك

[fairy princess]

معلش استحمليها وحاولى تقربى منها وساعديها ...يمكن هى حاسة ان ماحدش مهتم بيها لشخصها...طول اليوم طلبات وبس
وصدقينى لما هاتتجوزى وتبعدى عنها...هاتتمنى تزوريها وتساعديها وتحكى معاها حتى ولو ساعة
انا لما اتجوزت وسكنت بعيد عنها شوية..بزورها يوم واحد فى الاسبوع وببقى نفسى اعملها كل حاجة ونفسى ارغى واحكى معاها...لكن الدنيا مشاغل
اغتنمى الفرصة دلوقتى وقربى منها لان هى الوحيدة اللى بتحبك بصدق حتى لو كانت عصبية معاكى