[قمر 15]

السلام عليكم
أنا dodynido الى اسمه اتعمله حظر اظن عيب قوى لما تعلنوا كده الاسماء فى مقدمه المنتدى زى مايكون مجرمين ومطلوبين فى قسم الشرطة
أنا أول مرة أشترك اشتركت فى منتداكم وبس وفعلا حبيته ولما جتلى رسالة على الخاص باسم منتدى تانى شوفته وعجبنى برضه واشتركت فيه وانا عارفه انكم متمنعوش وفعلا بعت رسايل على الخاص بس مش مئات زى ماانتم كاتبين انا بعت رسالتين وبس والى بعتلهم كانوا اصحابى فى المنتدى هنا وليهم مواضيع متميزة وحلوة وكان المقصود أن الكل يستفاد ويفيد وانا عن نفسى عمرى ماسرقت موضوع وكتبته هناك كل المواضيع كانت بتاعتى الخاصة بيا والعضوات هناك محترمين ومش بيسرقوا مواضيع زى ماقلتوا وجت عضوة من عندكم وكتبت موضوع عن سرقتنا ليكم وده مش صحيح
وبالنسبة لموضوع سرقة الاعضاء احنا مبنضربش حد على ايده واحنا فى المنتدى التانى كان فى عضوة واعلنت عن منتدى تانى جديد وكتبته فى موضوع لكل الاعضاء واحنا ردينا عليها بكل ذوق وقولنا ممنوع حد يكتب عن منتدى تانى ومعملناش حظر ليها زى ماعملتوا وهى عضوة معانا لسه دلوقتى
المقصود من كلامى ان المفروض تتعاملوا احسن من كده كنتم بعتوا لينا وقولتوا ان ده ميحصلش وانتم رافضين وده كان هيكون اسلوب احسن من اسلوب الحظر ده علشان احنا مش بكتريا وحشة وهتنتشر عندكم وانتم عملتولها حظر
وبجد انا ندمانه انى اشتركت فى منتدى زى ده مبيحترمش اعضاؤه

اذا اعجبك الموضوع و اردت نشره في المنتديات الاخرى فاستخدمي هذا الرابط:
ليه كده حرام عليكم
http://forums.fatakat.com/thread42466

[Fatakat]

1. كونك مش شايفة قد ايه الغلط اللي ارتكبتيه كان كبير ده لا يعني ان احنا مجبرين نتعامل معاه زي ما انتي شايفاه . في نظرنا اللي عملتيه كان خيانة للموقع اللي انتي عضوة فيه، و لذلك النتيجة كانت زي ما شفتي . اضيفي الى كده انك ما بعتيش رسالتين بس . احنا حظرنا اللي رسائلهم الاعلانية كانت اكتر من 10 .

2. الاعلان اللي في اعلى المنتدى ح نشيله خلاص لانه كان رد على العضوات اللي بيسألوا ليه تم حظر عضويتهم . و الرسالة كده وصلت .

3. انا ح اقفل الموضوع ده و اتمنى ما نشوفش مواضيع مشابهة تاني .