[مايو]

ازيكم الاول
المره دى المشكله مش مشكلتى هى مشكله صحبتى وياريت تحلوه بجد ولا هاعيط
المهم المشكله ان صحبتى جيلها عريس من الشغل وهو بيحبها اوى وانسان كويس ويعرف ربنا
طب ايه المشكله
اقولكم
المشكله كذا حاجه اولا هى اكبر منه بعشر شهور ودا عميلها ازمه مع انه مش فارق معاه الموضوع دا
ثانيا انه هايسكنها فى بيت عيلته هايكون ليها شقه مستقله بس الاكل والقاعد هايكون مع اهله وهى عندها عقده من كدا لان باباها انفصل عن ماماتها بسبب بيت العيله وهى طول عمرها بتعانى من مشكلاته
ثالثا هى حاجه هبله بس ماثره فيها ومش عارفه تشيلها من دماغها انه شكله مش اوى
يايت ترضوا عشان هى وكلالى دماغى وهاتجننى انا ادتها راى بس برضه عايزه اسمع رايكم
على فكره هو راح اتقدملها فى البيت بس باباها رفض عشان موضوع بيت العيله دا بس هو لسه عنده امل ومتمسك بيها اوى

اذا اعجبك الموضوع و اردت نشره في المنتديات الاخرى فاستخدمي هذا الرابط:
لازم ترده عليه ومتنفضوش والاهاعيط
http://forums.fatakat.com/thread42502

[temoon.pompa]

والله هى تستخير ربنا كتييييييييير اوى وان شاء الله يكتبلها الخير ولو هو نصيبها والله محدش هيقدر يمنعهم من الارتباط والجواز لان المكتوب عالجبين لازم تشوفه العين

[مصراويه]

بصراحه موضوع بيت العيله دا بيعمل مشاكل كتير جداً
وكمان شكله مش عاجبها طب يعنى إزاى حتجوزه وتصبح
وتتمسى بخلقته - أنا شايفه إنها تصبر لحد ما يجلها أبن
الحلال إللى يعجبها ويريحها كمان.

[fairy princess]

بصى هو موضوع الشكل مش مشكلة لان ممكن يكون طيب واخلاقه احسن من ناس حلوة بكتييير
لكن بيت العيلة ده مشكلة وخصوصا الاكل والقعدة...دول اهم حاجة الواحدة بتاخد راحيتها فيهم
لو هو متمسك بيها يجيب شقة لوحده او يبقى ليها استقلالية فى شقتها

[heba saad]

بصراحة انا من راي مصراوية
قوليلها تصبر عشان دى مش عشرة يوم ولا اتنين ومش هتتجوز كل شوية
يعنى في التئنى السلامة
وحكاية الشقمة والعيشة دى بلالالالالالالاش خالص ونبي
لحسن عندنا كمان عملة مشاكل كبيرة
الحموات الفاتنات
ربنا يرزقها بالانسان اللى يستحقها

[أموونة]

اولا انا شايفة ان موضوع السن والشكل ده مش مشكلة طالما هيه عندها قبول ليه لكن موضوع بيت العيلة ده لازم تفكرفيه كويس وربنا يصلح حالها

[ام جنة]

موضوع بيت العيلة ده مشكلة كبيرة خصوصا انك بتقولى الاكل والشرب كمان يعنى مفيش استقلال خالص افرضى انها تعبانة فى يوم ومش عايزه تعمل اكل او الاكل اللى عاملينه مش بتحبو او عايزه تخرج فى يوم لازم تدى التقرير لكل الموجودين بصراحهالموضوع ده صعب قوى

[toto s]

انا مع ابوها لان بيت العيله بعمل مشاكل كتيييييير
بس من ناحية الشكل والعمر فميش اي مشكله
انا من رايي انها تصلي استخاره

[pinky]

اولا حكايه السن دي مش مشكله خالص ده لو هي شايفه ان طريقه تفكيره ملائمه لطريقه تفكيرها وهي اللي تقدر تحكم علي كده

ثانيا حكايه بيت العيله صعب ان تبقا حياتها مفيهاش استقلال

الاهم بقا من ده كله انتي بتقولي انها حاجه هبله بس دي اهم حاجه انها هتعيش مع الانسان ده طول حياتها ولازم يبقا فيه قبول علي الاقل

وربنا يقدملها اللي فيه الخير

[yoyo]

انا راءيي مع البنات يعني مشكلة السكن مع اهله مرفووووووووضة

[Om Hassan]

بيت عيلة لااااااااا
مش بيجى من وراها غير المشاكل والتدخل فى كل حاجة ومفيش خصوصية

[shosho5003]

انتى بتقولى هتكون فى شقه مستقله بس الاكل وقعدتهم عند اهله يعنى فى شقه تانيه مش كده؟
هوه انا مش شايفه انه مشكله كده لان هيا ليها شقتها وهيكون ليها حريه التصرف فيها وقعدتهم عن اهله فترة حاجه كويسه عشان تقوى العلاقات معاهم ده لو اهله كويسين معاها واكيد مع الوقت قعدتهم عند اهله ديه هتقل تدريجيا
ده لو فهمت صح انه بيت عيله وليهم شقه مستقله لوحدهم فيه

بس تانى حاجه انتى بتقولى شكله مش اد كده طيب هيا بتتكلم على انها مش متقبله شكله ولا على كلام الناس ويقعدوا يقولولها ده مش حلو وكده
لو هيا متقبلاه تطنش ومحدش ليه دعوه بيها وماتخدش على كلام حد

وكمان حكايه انها اكبر منه هوه اوكى ماعندوش مشاكل بس اهله واهلها معندهمش برده مشاكل فى الموضوع ده محدش معترض يبقى خلاص طالما بيحبها وكمان ده مش فرق سن كبير انا ابن عمى متجوز واحده اكبر منه بتلات سنين وماشاء الله مبسوط جدا معاها وماتحسيش بفرق السن وعندهم طفله دلوقتى

واخر حاجه انتى بتقولى اصلا باباها رفض وهوه لسه عنده امل طب ايه اللى هيخلى باباها يغير رايه ماهو مش موافق على اهم حاجه فى جوازهم مكان سكنهم
عامه هيا طبعا تصلى صلاه استخارة وتراجع نفسها وتفكر كويس ولو خلاص مقتنعه بيه يبقى تحاول مع باباها تانى وتالت وربنا يوفقها

واسفه لو طولت عليكوا الرد ده

[يويو افندي]

اولا مش مهم الشكل لو كان مقبول بالنسبه لها
الاهم بيت العيله ده مشكله كبيره لانهم بيدخلوافي كل حاجه انا في بيت عيله وعلي وشك الطلاق مع اننا بنحب بعض لكن بسبب اهله وانا كمان اكلي وشربي لوحدي ما بالك هي
انا عندي اعنس ولا اتجوز في بيت عيله وولادك
يدفعوا الثمن ويجيلك انهيار زي
اوعي توافقي علي كدا عايزك ياجر شقته في بيت اهله ويجيبلك شقه بره ولو مرضيش احسن واعرفي ان رفضه ده راي اهله وانه مالوش شخصيه وتبقي شخشيخه في اديهم

[فراشه الحب]

انا راى من راى يويو افندى

[يويو افندي]

شكرا يا ورده الحب انا بنصحها والله من واقع تجربتي الي وصبت لحد ضربهم ليا امبارح وانا لسه مش عارفه هتخلص علي ايه مع ان جوزي بيحبني لكنه ضعيف مع اهلها
اعولي اليومين دول يعدوا علي خير وبو حد منكم عنده نصيحه ما يبخلش عليا
استحلفكم بالله ادعولي

[فراشه الحب]

انا فراشه الحب مش ورده الحب

[ام مهند]

بصي ياقمر اللي انا فهمته
انها مش قابلاه يعني مفيش قبول
ومادام مفيش قبول يبقي خلاصوكفي الله المؤمنين شر القتال

اما الحجج الباقيه او الاسباب
بالنسبه للشكل المفروض الواحده لما تختار مش تبص لشكل الرجل قد ماتبص للاخلاق وبعدين ده راجل 0000000000
اما موضوع السكن فتحمد ربها انه عنده شقه في وقت في شباب كتييير عازف عن الزواج بسبب الشقه فده يعتبر ميزهمش عيب
ولكن اللي المفروض نتجنبه هو الاحتكاك الكتييير والاختلاط وخصوصا موضوع الاكل والشرب ده بلاش منه وصباح الخييير ياجاري انت في حالك وانا في حالي
ههههههه هههههههه
وشكرا

[rawan432]

هى اصلا رافضاه
بس محتاجة حد يساندها
المشكلة الرئسية فى موضوع بيت العيلة ده حجيم اسالوا مجرب

[نانو الحبوبه]

انا مع رائى ام مهند هو مش عجبها بس بطلع اى سبب وخلاص

[rodi4882]

اقولك حاجة .. قصدي اقولها!
خلليها تستخير ربنا
لكن من الاخر كده الموضوع ده فااااااااااااشل من وجهة نظري
اسفة يا سكر
اصل انا مدب