[ضحي *]

أخواتي وحبايبي أنا الأن في أول الشهر الثامن ولكني لحظة منذ أسبوع أني بصحي من النوم مفصل أيدي اليمين واليسار واجعني جدا مع العلم أني مش بنام عليها والنهارده برده حصلت لي حاجة غريبة حرقان ذي ما أكون أكلت أكلة مشطشطة الحرقان ده من ورا ومن قدام قعد شوية وراح المشكلة أن الدكتورة مسافرة ومش حترجع إلا يوم 3/8 وده أول حمل ذي ما أنتم عارفين مش عارفة بقي ده عادي ولا الي تعرف يا ريت تجاوبني وجزاها الله خير واللي ما تعرفشي تدعيلي حتي أن يكون ده خير ومش حاجة وحشه

اذا اعجبك الموضوع و اردت نشره في المنتديات الاخرى فاستخدمي هذا الرابط:
أرجوكم حد يقولي أنا تعبانه أوي
http://forums.fatakat.com/thread42509

[emyaly]

الف سلامه عليكى يا قمر
انا زيك فى اول الشهر الثامن
بصى لو الوجع ده بيكون زى تنميل كده فيبقى عادى التنميل شىء عادى فى الوقت ده بس ميكونش زايد عن حده وميكونش لفتره طويله
اما بالنسبه للحرقان فبصراحه مش عارفه ممكن تكون التهابات بس مش متاكده


يارب اكون افدتك فى حاجه ولو حد من الاخوات يعرف اكتر ياريت يفيدك

[heba saad]

انا معرفش اي حاجة عن الولادة لانى لسة بت بس حبيت ارد واقولك
يااااااااااااارب يقومك بالسلامة انتى وكا الحوامل يارب
وان شاء الله خير ماتخافيش

[ام بسنت]

ان شاء الله خير وربنا يطمنك بس حاولى تشوفى دكتور تانى تساليه عشان تطمنى وربنا يكملك على خير وتقومى بالسلامه ان شاء الله

[temoon.pompa]

حبيبتي الف سلامه عليكى وربنا يقومك بالسلامه يارب ويكرمك وان شاء الله خير ومتقلقيش
وانتى كمان يا ايمى ربنا يقومك بالسلامه ان شاء الله ويارب كل الحوامل ويرزقكم يا رب بالذريه الصالحه

[مصراويه]

أنا مجربتش حكاية الحرقان دى أصل مش كل الستات زى بعض فى موضوع
الحمل والولاده ده بس متهيألى لو قلقانه تكشفى عند حد تانى وإن شاء الله خير.

[fairy princess]

ماتقلقيش يا ضحى التنميل ده شئ طبيعى لان الدورة الدموية بتبقى ابطا علشان الجنين
اما موضوع الحرقان ده بيبقى احتقان فى الاجزاء السفلية علشان ضغط الجنين
وربنا يتمملك على خير

[أموونة]

بصراحة انا لا اعلم اي شئ عن الحمل لاني ما زالت انسة لكن هدعو الله لكي بالشفاء ان شاء الله

[القطه]

ياضحى ارجوكى انتى متقلقيش نفسك
وخليكى هادئه عشان نفسيتك ماتتعبش
عن معلوماتى يا ستى ان وجع العظم ده
بيكون نقص كالسيوم لان البيبى كل مايكبر
كل ما احتياجته بتزيد من كل شئ
وطبعا بياخدها منك انتى فهمانى
اما الحرقان ده عادى ممكن يكون نسبه الاملاح عاليه شويه
لو عندك فوار او حاجه لعلاج الاملاح يعنى كنتى عانيتى منها قبل كده
خديه مؤقتا لغايه الدكتوره ماترجع اما تزامن الاتنين مع بعض
اعتقد برضه صدفه والله اعلم
ومادمتى فى الشهر الثامن يبقى فات الكتير يا حبيبتى
انما القلق وحش عليكى خليكى هادئه لغايه الدكتوره ماترجع
المفروض يبقى معاكى رقم موبايلها انا لما كنت حامل
كان الدكتور مدينى موبايله
ولما سافر مرتين مره السعوديه ومره انجلترا تقريبا
كان سايب رقم الفندق مع السكرتيره
وكمان كانت تقولى عشان
ماتكلفيش نفسك قوليلى اسمك ومشكلتك وانا هابلغه
كل يوم هو يتصل ويسئل على مريضاته
ولو فى مشكله يقولى خدى كذا او كذا
وسمعت كان فى واحده جالها الطلق
بعتها لاخوه برضه امراض نسا
عشان يولدها
يعنى يا حبيبتى خلاص اوان الكلام ده فات وانتى خلاص فى الاواخر
بس اهو ابقى خدى بالك المره الجايه مع اى دكتور لازم رقم موبايله ضرورى
ربنا يقومك بالسلامه ويعدى الكام يوم دول على خير
ونطمن عليكى وتجيبلنا فتوكه صغنونه وحلوه لامها

[ماما دودو]

ربنا يقومك بالسلامة انت والبيبي
أظن الوجع في المفصل زي ماقالتك القطة نقص في الكالسيوم والحرقان يمكن يكون عندك التهاب أنا من رأيي تشوف دكتور ثقاني علشان تطمني وما تبقيش قلقانة
ما تخافيش تعدى الكثير وما فاضل إلا القليل ربنا يقومك بالسلامة

[samasemo]

صراحة منعرفش ايه سبب الاوجاع دى بس لازم تستشيرى طبيبة وربنا يقومك بالسلامة ويتمملك على خير
تبقى طمنينا عليكى

[ضحي *]

متشكرة جدا ليكم يا أخواتي ربنا ما يحرمنا من بعض أنا معايا علي فكرة رقم موبايل الدكتورة بس هي في أجازة ومش عوزه أزعجها والموضوع ممكن يكون بسيط قلت لما أسئل حبايبي وأخذ كام دعوة حلوة من قلوبكم الصافية بجد أنا بحبكم في الله

[rodi4882]

ربنا يقومك بالسلامة

[7abibet gozha]

وربنا يقومك بالسلامة ويتمملك على خير

[eltourky]

ربنا معاك يارب انت وكل الحوامل
متقلقيش كلام القطه مظبوط جدااا