[um_tareq]

آه و الله يسلم تمها اللي حكت في داهية

صحيح لا شماتة في الموت

بس اللي زي يوسف شاهين إلى جهنم و بئس المصير واحد زيه ما علم غير الفساد و الضياع و طول عمره و هوه سكرا عمره ما صحي

و ربى واحد زي خالد يوسف سلمه ميراث الشيطنة و الفساد و العري

راح ينحرق بنار جهنم كل ما واحد شاف فيلمه و كل ما واحد قلده لأنه طلع بدع شيطانية

الله لا يرحمه

[yoyo]

اعتقد هو الان بين ايدين الباري عز وجل و بلاش نكلم عنه عشان هنشيل ذنوووووووبه التي لاتحصى ولا ننسى يا بنات مراعاة شعور بعض العضوات المسيحيات

[مرويت]

الى نااار جهنم يوسف شاهين
انا مش بحبه ولا بحب افلامه
لانى مش بفهم اى حاجة منها خاااااالص
وافلامه كلها فسااااد

[hager aly]

حرااااااااااااااااام ايه الدعى ده
احنا مسلمين ودى مش اخلاقنا

[shosho5003]

انا ماكنتش بفهم حاجه من افلامه
عامه موته مافرقش معايا فى حاجه هوه كل اللى مضايقنى ان التليفزيون هيقعد كام يوم كل شويه برامج عليه ولقاءات قديمه معاه ويقرفونا بافلامه
وانا اصلا شكله بينرفزنى وبحس بالغباء لما يقعدوا يقولوا ده عبقرى ومش عارفه ايه وانا ببقى قاعده متنحه ادام الفيلم بحاول انى افهم اى حاجه مع انى والله مش غبيه

[looolita94]

فى ايه ياجماعة ده مينفعشى نتكلم عليه بالطريقة ديه وهو ميت
حتى لو مكنشى مسلم مينفعشى برده
هو احنا اللى هنحاسبه ولا ربنا سبحانه وتعالى استغفر الله العظيم

[أم الطيب]

لا يا جماعة انا مش عاجبني التعليقات دي.
الواحد ياما بيشوف في زماننا ده بيكون الرجل نصراني ونكتشف بعد موته انه كان مسلم.
او يكون طول حياة البني ادم ذنوب ويتوب عنها قبل ما يموت ولو بدقائق بس توبة نصوحه يتقبلها الله منه.
احنا لا نعلم الغيب.. ياترى مات على اي دين؟؟؟
تاب وللا لا؟؟؟
انا معاكم انه سيرته واعماله فاسده لكن خلاص مات بأه بين يدي الله.
ربنا يرحمنا برحمته وي
لحقنا بأمواتنا على خير ويحسن خاتمتنا.
ومعلش يا جماعة اللي علقت متعلقش تاني.

[safamsr]

والله صراحة انا ما شفت ولا فلم من افلامو
بس بسمع عنو
ولي قالتو ام الطيب زينة العقل
لانو حسابو عند ربو ونحنا ما النا علاقة فيه بقى ولو تكلمنا شوي عنو حنخسر وما رح نستفاد ولو مدايقكن افلامو ما تحضروها وحذرو منها لي بتحبون

[نوران الاسمر]

ربنا يتولنا برحمته
انتوا بتشتموا مع ان احنا اللي وسعنالوه الطريق ليه ولا مثاله
ربنا يهدينا جميعل مسلمين ومسيحين

[زوزو الهلالي]

السلام عليكم يافتكوات ايه الدوشة دي علشان مين
ده اصلا ميستهلش التعليقات دي كلها مع مراعاة شعور المسيحيات اللي معانا لكن المرء بأعماله وأعماله عند الله يجازيه كما يشاء بها بصرف النظر عن الديانات كلامنا عن الاعمال بس, واخلاق المسلمين لا تسمح بهذه الدعوات وهذه الشماتة.
لا يا اخواتي احنا احسن من كدة واخلاقنا ارقى من هذا بكتير الملك للمالك يصرفه كما يشاء (مش كدة ولا ايه)

[ريري]

ياريت ما نكتب مشاركات سيئه (يعنى فيها سب )حفاظا على نظافة منتدانا

وجزاكن الله خيرا

[ام ميداء]

يابنات اللى مات مات خلاص
ده بين ايدين الله
يستحسن اننا منتكلمش عليه
ولانجيب سيرته بالخير او الشر

مع احترامى لكم جميعااااااااااااااااا

[الزهره الحزينه]

ربنا يرحمووووووو ويسامحو على اعمالو الي فيها اي فساد

[بنت الدبركى]

ياجماعه ماينفعش نجيب سيرة حد ميت بالخير او بالشر هو راح عندربنا خلاص وربنا هو اللى هيحاسبه وبالنسبه لتلاميذه ربنا قادر يهدى الجميع

[اسكندرانى]

بجد يابنات مينفعش التعليقات دى أبدا

لا يسخر قوم من قوم عسى ان يكونو خير منهم

[شيري16]

ياريت محدش يعلق تانى لان انتم اعطيطوا الموضوع اكبر من حده
ربنا يرحمنا و يغفرلنا و يغفرله

[مها5215]

لو مسلم الله يرحمه
لكن يبقى احنا مالنا بالعكس دى تبقى موعظه لنا
صح

[ام سراج]

اولاً...شكراً يا ام وليد..الموضوع هايل بس معلش مش كل الناس ح تقدر تحبهلأن يوسف شاهين محل جدل من 50 سنه مش حاجه جديده..
ومع احترامي ليكم يا ااخواتي بس احنا نطلب الرحمه للكل مسلم ولا مسيحي ولا حتى يهودي..ده الرسول كان بيدعي لأعدائه(اللهم اهدي قومي فإنهم لا يعلمون)...فين سماحه الرسول؟! احنا المفروض نعمل بيها..والكلام ده عيب في حقنا كمسلمين
وبعدين يوسف شاهين عالج قضايا تخصنا كلنا مسلمين ومسيحين..وكتن محايد ومش متعصب زي غيره وامين في نقله للمواضيع-حتى وان كان بيقدمها في قالب خاطئ-بس دي كانت طريقته في الرؤيه السينمائيه..
حد يقدر ينكر انه اول واحد اتكلم عن مشاعر المعاقين..في باب الحديد؟وعن صراع الاغنياء والفقرا في ..صراع في الوادي؟
عن قهر الاحتلال والباشوات للفلاحين في الارض؟عن احلام الشباب في اوائل الخمسينيات بالحلم الامريكي..في اسكندريه ليه؟عن الهزيمه في 67 وانها كانت هزيمتنا لنفسنا من الداخل قبل ماتكون هزيمه من اسرائيل في فيلم العصفور؟
عن ان الارهاب اساسه القمع والقهر والظلم للشعب الضعيف..وان الكبت بيولد الانفجار...في فيلم المصير؟
بلاش حد اتكلم زيه كده عن استشراء الفساد في البلد وزياده سلطه وزاره الداخليه لدرجه انها بتدوس على كل شئ...زي ماهوه عمل في فيلمه..هي فوضى؟
مين عمل كده غيره؟ مفيش..
كفايه علينا افلام حلق حوش والبنت او الواد الغني اللي ماعندهمش اي مشاكل في الدنيا غير انهم..مش عارفين يلبسوا ايه..ولا يصاحبوا فلان ده ازاي...هي دي الافلام اللي ممكن ترضي اي حد؟

[ام سراج]

كمان خالد يوسف يا جماعه عمل فلمين ملهمش حل في مناقشه قضايا مهمه-بغض النظر عن اختلافي معه في اسلوب الطرح-
هما فيلم العاصفه..عن حرب العراق والكويت
وفيلم حين ميسره...عن تجاهل الدوله للطبقات الفقيره والمطحونه والت لجأت للمناطق العشوائيه..حيث ترعرعت تحت اهمال الدوله او تشجيعها على ذلك..كل الصفات العشوائيه من زنا وفجور وشذوذ..وبلطجه...
ادت بعد ذلك لظهور..الارهاب واولاد الشوارع والبلطجيه..واصحاب نوادي الشذوذ اللي بيعتمدوا في هذه النوادي على مايرد لهم من العشوائيات الفقيره

[walaa_lolo_10]

انا عارفة انه مسيحى بس ياجماعة ده بين ايادى الله سواء مسلم او مسيحى فحرام نجيب سيرته بحاجة مش كويسه لاننا كلنا مسيرنا للموت ومحدش يحب تتجاب سيرته بحاجه وحشه بعد موته