[ام وليد2008]

يافتكوات انا كنت بحب الراجل ده ولكن بعد اللنتو قولتوا انا خلاص كرهته
بس انا قلت اهو حدث هز العالم وكان لازم ناخد عنه فكره بغض النظر عن
ديانته ...............

[hala_2007]

طب يا جماعة بغض النظر عن الديانة
معلش يعني
يا ريت مننساش او المخرج المصري الوحيد الحاصل علي جايزة اوسكار
ويا ريت مننساش
الارض صلاح الدين الايوبي بابا امين السكة الحديد سيدة القصر
ولا اية اما هو اية دي حاجة بينة وبين ربة بقي

[المهندسة دعاء]

الله يرحمة بس موجود خالديوسف شاهين يعني لسه في افلام مؤرفة

[nefertety]

الله يرحم جميع موتانا
انا من رايئ اسكندراني هو مع ربنا دلوقتي هو اللي يحاسبه
ماهو في غيره كتير مخرجين افلامهم مش قد كدا
اللي علينا اننا نغير المحطه 00 ونغمض عنينا 00
000

[وردة لبنان]

ايه يا فتوكات
مالكم يا جماعة متعصبين وبتتكلمو بالطريقة دي ليه....

اولاً يمكن في ناس تضايق منكالمي وي ناس لق بس يعني رأي..

شوفو انا لبنانية مش مصرية...بس بفتخر ان يوسف شاهين عربي زيي...
مسيحي او مسلم مش مهم المهم يا ناس انو عربي...

ليه ديماً بناخد بالشكليات ونعلق عليها ونقعد نسب ونلعن وندعي ليه...

مهو اسامة بن لادن مسلم..شوفو صورتنا قدام الغرب بسببه...لو مات في حد حيسي ويلعنه؟؟؟

انا مش عاوزة اتكلم في السياسة ولا يهمني اساساً السياسة ولا غيرو والله اعلم بالناس...

بس اسمعو شوية واهدو كده..ز
يوسف شاهين قدم افلام فيها عري بس ما فيها انحطاط زي الي بتقولو عليه...كل فيلم ليه ليه هدف ورسالة....
المصير.....الأخر....هي فوضى...وغيرو...

انا شفت عري في افلامه بس ما شفتوش بيطرح فساد لمجرد الانحلال....على العكس قدم قضايا جريئة مستحيل تشوفولو فيلم الا ما تخرجو منو بحاجة ليها معنى ...

الأخر قدم صورة الارهاب الي الغرب بينعتنا بيه وازي شبابنا بيجروهم للحجات دي باسم الدين والاسلام وهممن فقرهم وجهلهم بيمشو بيه...

هي فوضى قدم طرح للفساد الي في الشرطة والرجل الي عنده سلطة وبيتحكم بالناس عشان الفلوس وازي هو بيعمل كده لأنه معقد مفسياً..

كل الي قدمه في منه وموجود...ما قدمش حاجة من الخيال ما قدمش حاجة من فراغ كله فينا وعندنا...

لازم يا جماعة نفتخر ان عندنا ناس مهمة كده احنا العرب عيبنا منشتم في بعض كده من غير ما نفكر قدمنا اهي وعملنا ايه ..والاجانب بيفتخرو ببعض لو حد منهم شال قشرة موز عن الطريق ولو كان اتفه انسان في العامل وعمل حاجة مفيدة بيفتخرو بيه...

يوسف شاهين افضل من غيرو ما بقلش احسن الناس العلم عند الله بس احسن من ناس كتير فيالسياسة والفن هي الي بتنشر الفساد وتروجلو وفي ناس بدقون معلش يعني وبتتكلم باسم الدين هي الي شوهت الاسلام والدين ودي الي تستحق ندعي عليها....

خلونا يا جماعة نفتخر ببعض ونحبب بعض..ما ندعيش ولا نترحم بس على الاقل نقول ان ده عربي زيينا وانه انسان....

ولية تعليق على الي قالت ان حين ميسرة فيلم جميل...ماعتقدش صحيحي قدم واقع بس لما نقدم واقع مش ضروري بالتفاصيل دي يعني التمويه مالو ضروري نعرض تفاصيل مقززة...وخاد يوسف مش زي يوسف شاهين ولا حيوصلو...بيشوف الواقع بالبتزال وده الفرق بينو وبين سوف شاهين الي كان بيشوف الواقع باحترام..


رأيي مش اكتر....

[ام وليد2008]

هو ده الكلام الجميل ياورده لبنان عاقله وموزونه ...........

[ienna]

ادعو ربنا يغفر لكل الأموات

وأعتقد ان مش مفروض نعمل موضوع عشانه

ربنا يتولانا جميعا برحمته

[وردة لبنان]

شكراً يا ام وليد على كلامك واحترام للرأي ومش عيب ابداً انك تطرأتي ليوسف شاهين وكتبتي عنو ..يكفي انو الغرب يعرف يوسف شاهين وانو قدم حاجة تفتخري بيها لا كان تاجر مخدرات ولا ارهابي...
زيو زي اي عالم عربي حقق نجاح والنتاس احترمتو..ولا ديماً لازم نكون تحت الارض وعالم ثالث عشان نعجب.
تعرفي والله العيب مش ف يالغرب العيب فينا...شوفي الردود تعرفي قصدي..
عمرنا محنتطور...

[منةالبارى]

السلام عليكم ورحمة الله تعالى وبركاته
لقد ارتاح المسلمو ن بموت يوسف شاهين
من افكاره الهدامة التي لاتخدم الاديان ولا الاعراف ولا التقاليدولا....ولا......
والتي كان يحارب بها الاسلام والمسلمين
لا رحمه الله...امييييييين

[amira82]

فى داهيه يا يوسف شاهين
ده كان بينشر الفساد بين الناس
كان بيعمل اسؤا افلام
زمان ربنا دلوقت بيشويه فى نار جهنم
انا حزينة بس مش عشان مات
عشان ساب لنا التلامذه بتوعه ماشيين علي نفس الخط بتاعه
بعرضه كل ما هو فاسد و خليع و بزيئ
ربنا يهدي

[ام سراج]

اسفه يا ام وليد ع الدخول في موضوعك..بس مش قادره مااردش
ليه يا اميره كده؟ ده انت حتى كل ارائك عاقله وموزونه
يوسف شاهين افلامه هدامه؟ امال افلام ناديه الجندي ونبيله عبيد..وروبي..والمخرجين النص الكم بتوع اليومين دول وامثالهم..تبقى إيه؟
فيلم الناصر صلاح الدين...احسن فيلم صور المسلمين..والفرق بين اهدافهم النبيله واهداف ملوك اوروبا..اللي ضحكوا على شعوبهم بإسم الدين وجم الحرب علشان ياخدوا ثروات المنطقه الاسلاميه..وبس...وخدي بالك انه يوسف شاهين مسيحي..ومع ذلك اظهر المسلمين في احسن صوره في فيلمه ده....قولي لي..مين مسيحي..ولا مسلم..عمل فيلم زي ده؟
بلاش..فيلم جميله بوحريد عن مناضله الجزائر الشهيده جميله بوحريد وعن كفاح شعب الجزائر..مين عمل فيلم زيه؟
ولا فيلم الارض...فيلم الارض..يا اميره..حد يقدر ينساه؟
ولا المصير عن العالم العربي المسلم ابن رشد..مين إفتكره غيره وعمل له فيلم؟ مين اثبت قبله ..ان كل حضاره اوروبا منبعها واساسها هو الحضاره الاسلاميه..اللي نقلوا كل شئ فيها..وبنوا بيه حضارتهم الحديثه
ولا فيلم هي فوضى..رغم اعتراضي على بعض المشاهد في..لكن بالله عليكي..مش ده بيحصل؟ مين قبله ولا بعده..ح يتجرأ ويتكلم عن حالنا وحال البلد
يا ناس..ويا بنات...حاولوا تكونوا موضوعين في احكامكم...بلاش..التعصب والتقفيل الغريب ده..يعني عاجبكم الهبل بتاع هنيدي ولا محمد سعد؟ هي دي الافلام؟
ولا التسبيل عمال على بطال بتاع السقا و الواد التاني ده اللي ناسيه اسمه بصراحه..
هو ده اللي يرضيكم..وهي دي فعلاً مشاكلنا..واحد بيحب واحده..وصاحبه عايز ياخدها منه؟ هم دول إحنا..اللي بطلعوا في الافلام؟ ناس غنيه عايشه في قصور ومعاها عربيات اخر موديل..وكل همومنا في الدنيا نحب مين..ونحبه إزاي؟
لو إحنا موضوعيين في احكامنا اعتقد ح ننصف يوسف شاهين..لأنه الوحيد اللي عمل حاجه صادقه

[ام سراج]

اما ورده لبنان..فاحب اقولك حاجه
المبالغه أداه من ادوات العمل السينيمائي..بيتم تضخيم الصوره سواء ساخره اوحزينه..علشان المعلومه توصل..حتى احنا في حياتنا العاديه لما نلاقي..واحد مضخم الامور..نقول ده عامل فيلم..او عايش في لدور
علشان كده كان لازم فيلم حين ميسره يطلع كده...امال ح يورينا معاناه الناس دي إزاي؟ هل يطلعهم كل واحد يحكي حكايته؟ ده مش يبقى فيلم..ده ح يبقى برنامج حواري

[الحبوبة]

بصراحه مش عارفه اقول إيه بلاش نتكلم عنه أحسن عشان إحنا كده بنشيل ذنوبه

[وردة لبنان]

ام سراج انا قريت كلامك العاقل والي يعبر عن رأيي تماماً يعني قلتي الي ما قلتو ...ده الرأي الصح....والكلام الصح في نظري..بس يمكن ما يعجبش ناس كتير بيشوفو في مهند ونور اجدع ناس وفي مسلسل نور الدنيا كلها...يعني ربنا يثبت العقل والدين...

ارجع لرأيك عن فيلم حين ميسرة ...اختي الفاضلة انا ما بقول كده ولا بقصد كدجه يعني فيلم حين ميسرة صح قدم واقع...وفي كتير افلام قدمت واقع بس مش معنى الواقع اني احط الراجل بيعمل ايه مع واحدة معلش سوري يعن على السرير او اصور ده بتفاصيله وكلام سيىء ولدرجة مش معقولة في الاسفاف في الكلام والصورة...غير المثلية الي اتعرضت بوضوح..ليه كده...مالو التمويه يعني...حرام...ده حرام الي بيتعرض بالطريقة دي بيفتح عيون ناس على حجات اكتر ما بيوريكي ان ده غلط...ممكن الفيلم وضح حاجات كتير بس كان ممكن يتعرض بطريقة افضل اه من غير الابتزال الي حصل...وفيلم هي فوضى افضل بكتير معرضشش ده حتى الاغتصاب كان تموييهي بلون الدم الي على الهدوم كان عبارة عن صور مش تفاصيل...وقدم واقع...ده الي قصدتو مش اكتر...

[ام سراج]

كتر خيرك يا ورده لبنان
بصراحه..انا ماكنتش فاهمه قصدك كويس..لكن دلوقتي فهمت
واكيد معاكي حق في النقطه دي..كان ممكن الحاجات تتخفف شويه..انا كنت فاهمه انك معترضه على الفيلم كله..مع اني كنت شايفه انه فيلم صادق-بس في شويه حاجات عايزه تتشال-..لكن كده..عرفت..إن رأينا واحد

[كادبورى 81]

???????????????????????????????????
no comment

[amira82]

يا جماعه اتقوا الله يوسف شاهين لو كان يعرف يعمل كل افلامه عن المسيحين والله ما كان اتردد لكن علشان المكسب المادى غصبن عن عينيه كان بيجيب المتأسلمين يعملوا أفلامه يشربوا خمر ويمارسوا الزنا عينى عينك هما دول بقى المسلمين اللى رفع راسهم فى العلالى
فرحتك ياقلبى
ومين اللى قال ان الوسط فى حد عدل
والحمد لله ربنا تاب عليه من أشكالهم الزباله
ورأيك على راسى ياأم سراج بس الغلط غلط

[amira82]

[ام سراج]

يمكن في النقطه دي ح نبقى مختلفين يا اميره
لكن احترم وجهة نظرك..لأن اكيد وراها مبرر
ربنا يديم مابينا الود

[amira82]

امييييييييين يجمع بيننا بالود والمحبه ان شاء الله يأم سراج