[katkootaya]

إرجعي بدماغك كده لورا ...
ايوه كمان شوية .. تعالى تعالى .. خدي يمينك بقى ..
بسسسسسس أعدلي الكاوتش بقى وأركني هنا ..
يلا يا جماعة كل واحده منكم ترجع بدماغها لورا بس ما تريحيش قوى لتروح عليكي نومة وأنا مش ناويه أبيت حد فى الموضوع ...
ها أفتكرتي حاجة ...


طيب فاكره أول مرة دخلتي فيها المنتدى ؟؟

فاكره إزاى سمعتي عن المنتدى ده ؟؟

فاكره أول موضوع ليكي فى المنتدى ؟؟

فاكره اى موقف حصل معاكي أول ما دخلتي المنتدى ؟؟

فاكره أول حد اتعرفتي عليه فى المنتدى ؟؟

شكلكم مش فاكرين حاجة وشكلى هحذف الموضوع ده ونريح بعضينا ...

لأ بقى مش هحذف حاجة يلا قولوا أنتوا فاكرين ايه ..

ويا سلام لو تجيبي أول موضوع ليكي وتحطلنا الرابط بتاعه ..

اذا اعجبك الموضوع و اردت نشره في المنتديات الاخرى فاستخدمي هذا الرابط:
إرجعي بدماغك كده لورا ...
http://forums.fatakat.com/thread42638

[7abibet gozha]

awl mra d5lt feha l montada knt abl msgl knt bdwr 3la 7aga w galy bl sodfa kda 3mlt add fl favourites w bet ad5ol a2ra fe
2- sm3t 3n l montada mn l search
3- awl mwdo3 lya knt b3rfko fe 3la nfsy
4-mfeesh mwkf mo3yn 7sl m3ya bsra7a
5- awel 7ad at3rft 3leh hna kant rodi w l7d dlw2ty s7bty w bmoot feha

[ام بيدو ومريم2001]

هاي يا جماعه انا دخلت بنفس طريقة حبيبة جوزها
واشتركت مع ناس في مواضيع لكن لسه ماتعرفتش عليهم اوي
واول موقف اني جاتلي رسالة ترحيب من واحده اسمها هبه
ولسه مكتبتش مواضيع
دا غير اني حسه اني دمي تئيل جدا النهارده وكان نفسي ارد في ظروف احسن من كده بس مقدرتش اخرج من غير ما ارد

[زيزى]

انا دخلت بنفس الطريقه ومفيش موقف معين حصل معايا واعرف كتير هنا بس مش معرفه شخصيه واول موضوع عملته ( مشكله أم جديده)

[فراشه الحب]

طيب فاكره أول مرة دخلتي فيها المنتدى ؟؟

فاكره إزاى سمعتي عن المنتدى ده ؟؟ لا انا كنت بدور على موضوع ولقيت فى المحرك فتكات بس فلاسم عجبنى واشتركت

فاكره أول موضوع ليكي فى المنتدى ؟؟ اه

فاكره اى موقف حصل معاكي أول ما دخلتي المنتدى ؟؟ اول موقف جاتنى رساله تعارف من مسس شيمو
فاكره أول حد اتعرفتي عليه فى المنتدى ؟؟ اه شوشو مسس شيمو

ومامدام اميرة العسوله

ويا سلام لو تجيبي أول موضوع ليكي وتحطلنا الرابط بتاعه ..
اوكى
http://forums.fatakat.com/thread36127
بس طبعا فى موضوع ترحيب قبل الموضوع ده

[katkootaya]

اشكر مروركم الرائع نورتوني ....

[katkootaya]

[اموله المنفله]

انا كنت بعمل بحث عن ريجيمات وطلعتلي فتكات ومن يومها دخلت وماطلعت الى الان وتعرفت على ناس حلوين وكلهم زوق وكلهم كانوا فى يوم واحد فى الصحبه الصالحه ولسه اصحاب وربنا يديم المحبه

[fatma eid]

اي الموضوع الغلس دي اسفه بس دي رائ بصراحه

[أم الطيب]

موضوعك رااااااااااائع وخصوصا في المناسبة السعيدة دي..

بصي يا ستي سيبك من عرفت المنتدى ازاي والكلام ده.
انا اول حاجة نزلتها في المنتدى كانت وصفة البراوني في مطبخ فتكات ونزلت معاها طبعا مناقشة الوصفة في المنتدى وده كان يوم 27 / 7 / 2007 يعني ده أول موضوع ينزل في المنتدى كله
ودي الوصفة في المطبخ.
http://food.fatakat.com/recipe25.html

واول ما دخلت لقيت هنا وفتكات وريري وكنا لوحدنا خاااااااااالص وكنا بنتبارز في تنزيل المواضيع ومتابعة عدد المشاهدات لها ، وخصوصا انا وفتكات اللي كانت منزلة كيكة الطوفي وكل ما الاقي مشاهداة البراوني اكتر ابعتلها واضحك عليها وهي كمان تبعتلي وتقولي يضحك كثيرا من يضحك اخيرا ،ولسه عندي الرسالة اللي بعتتهالي لما كيكة الطوفي عدد المشاهدات فيها زاد عن كيكة البراوني،
والله كانت ايام جميلة بس اللي احنا فيها دلوقتي اجمل بلمتنا كلنا مع بعض وحبنا واخلاصنا لبيتنا.

[katkootaya]

أشكركم على مروركم أسعدتوني و نورتوني

أما انتي يا فاطمة ف شكراً على ذوقك جزاك الله خيرا .....

[موءمنه]

السلام عليكم الموضوع جميل جدا يااختى الفتكاويه وده لانى لسه مسجله امس فقط اشتراكىوحبيت جدا الموقع ده ونسيت نفسى فيه لغايه ما جاء زوجى من العمل وهنا ادركت شهرزاد الصباح وطبعا لازم كل شىءانتى تحبيه لازم يتوقف ...قفلت الموقع ورحت اشوف الطلبات والمطبخ والذى منه...وشكرا

[اسكندرانى]

انا بقا ياستى
كنت بعمل سيرش فى جوجل على طريقة عمل الكشك
لان جوزى طلبه منى
وطلعلى فتكات
استغربت الاسم اوى ودخلت عليه
ومكنتش اعرف اصلا يعنى ايه منتدى والكلام ده
المهم سجلت وجوزى حذرنى فى الاول وقالى خلى بالك عشان ممكن يكون فيه صبيان
المهم مره فى مره انا حبيت المنتدى وبقيت انا وجوزى نتشاكل على مين اللى يقعد عالنت بس بهزار يعنى
ولما جوزى لقانى بدخل عليه كتير وبقعد أحكيله عالمعلومات اللى فيه
قالى حطيه فى الـ favorites
وكنت تايهه ومش فاهمه حاجه بس الحمد لله فهمت وبقيت هايله
وكمان خدت تانى لقب فى العضوه المثاليه
الحمد لله
واول موضوع ليا هو :
شوفو فى التليفزيون
http://forums.fatakat.com/thread25616

كنت كتباه بطريقه بدائيه
هههههههههه

موضوعك جميل وفكرته أجمل