[الشيماء22]

دي كيكة جربتها بنفسي و مبقيتش مصدقة انهاحلوة و لا سهلة كدة و ابني كمان مبقاش مصدق و قال انتي عملتيها بسرعة كده ازاي؟؟.....و بالنسبة لكيكة بدون لبن او بيض طعمها هااااايل

المقادير:
كوب و نصف دقيق منخول
كوب سكر
ربع كوب كاكاو بودرة
2 ملعقة صغيرة بيكنج بودر
ربع ملعقة صغيرة ملح
ثلث كوب زيت
1 كوب ماء
ربع كوب خل
ملعقة صغيرة فانيلا
الطريقة
سخن الفرن لدرجة 175 درجة مئوية....و في صينية (يفضل تيفال لكن العادية مش مشكلة)...ننخل الدقيق مع السكر و الكاكاو و البيكنج بودر و الملح و نعمل حفرة في النص و نصب فيها الماء و الخل و الزيت و الفانيلا و نخلطها جيدا بالملعقة حتى تتمازج (هتلاقو المزيج طري و سائل حبتين) و نخبزها 25- 30 دقيقة

لو هتضاعفي الكمية اظن هتحتاجي شوية وقت زيادة و لو عاوزة طعم الكيكة غني زيادة ممكن تعمليلها ويب كريم (دريم ويب) او ممكن تضيفي للمقادير
ثلثين كوب شوكولاتة مكسرة قبل الخبز

[safrota]

مممممممممممم شكلها تحفه ومن الواضح ان طعما يجنن تسلم ايدك يا قمرايه

[sweety2000]

ما قلتيش قد ايه سكر فى المقادير
ومشكورة على الوصفه

[امه الله77]

[الشيماء22]

ما قلتيش قد ايه سكر فى المقادير
ومشكورة على الوصفه

يا خبر بالوان الطيفازاي انا نسيت؟؟؟؟؟ متشكرة قوي على التنبيه يا عسولة و تم التصحيح

[الشيماء22]

مستنية رايكو بعد تجربة الكيكة

[مولى محمد]

شكرا وتنفع كمان للرجيم مشكوره يا قمر

[فله غزه]

انا فعلا عملتها قبل هيك ممتازة
بس عايزة وقت زيادة في الفرن عن الكيكة العادية
تسلم ايديكي وعنيكي يا شيماء

[الشيماء22]

شكرا يا قمامير على تفاعلكم الجميل و ان شاء الله هدور على وصفات اكتر تكون اقتصادية او سهلة او فخمة.......انا جبت الوصفة دي من موقع اجنبي الناس بتحط فيه الوصفات و غيرهم بيجربوها و يقيموها و على اساس التقييم بختار الوصفة.جزاكم الله خيرا عالمتابعة

[yasmina2008]

تسلمى يا قمر