[انتكة]

ازيكوا يا فتوكات انا عايزه منكم حل لرائحه الثلاجه انا جربت الفحم بس مش بيعمل حاجه عايزه حاجه تانيه لو حد يعرف مستنيه ردكوا عليا

[انتكة]

انا بشكركم ان مفيش حد عبرنى وساعدنى ميرسى ليكم

[ميرفت ام احمد]

حطى شوية بن ناشف فى كوب ف التلاجة او انك تجيبى طبق وتحطى فيه شوية خل مع ميه نص ونص دول بيمتصو الريحة ومتزعليش ياقمر حقك علينا

[ام جيهان]

وحاولى مش تفصلى الثلاجه كتير ده اللى بيعمل لها ريحه

وممكن تحطفظى دائما فى الثلاجه فلفل اخضر بيعطى الثلاجه ريحه حلوه او حبة مانجه هتغير الريحه خالص

شكرا على المعلومه يا ميرفت مش كنت اعرف غير الفحم بس

[غاده الصايغ]

طبعا معلوة البن دي مؤكده
وفي معلومة تانيه انك في صبق صغير حطي قطعة فحم علي الرف العلوي
دا بردو بيسحب الروائح الكريهة منها
وحاول دايما تسبيش حاجة بايظه فيها لمده كبير
وبعدين دايما اغلي الكل علشان ميبوظش وانتي مش حاسة بيه
ولما تسخي خدي جزء منها مش كله

[totaabcd]

اغسليها بمية بخل وبعدها ماء ورد هتبقى ريحتها حلوة

[عزة55]

هاتى قرفة وقرنفل مطحون وفانيليا وحطيهم فىقطعة قماش خفيفة (شاش)

وحطيهم فى التلاجة

[rodi4882]

انا دايما حاطة علبة بيكنج صودا مفتوحة في التلاجة بتحافظ علي ريحتها
وواحدة تانية في المطبخ

[انتكة]

ميرسى ليكم بجد انا هجرب كل الطرق دى انا فعلا بشكركم انكم ساعدتونى

[lilian]

احسن طريقه ومجربه ان تضعي قطعة فحم وسط الثلاجه بعد تنظيفها وغسلها جيدا طريقه دايما اعملها لما افضي التلاجه قبل السفر

[salwasoula]

http://forums.fatakat.com/thread19138
الرابط ده لموضوع هنا في منتدي فتكات بيتكلم عن رائحة التلاجة ادخلي علية و ان شاء الله ينفع

[غزالة جزائرية]

انا اللي بعرفه انو قشور الموز تشيل الريحه الغير مرغوب فيها من التلاجه

[انتكة]

ميرسى ليكى يا غزاله ويا سلوى ويا ليليان وان شاء الله هجرب كل الطرق وعلى فكره انا مش متجوزه بس حبيت اعرف علشان اعملها فى بتنا وبجد شكرا ليكم

[كادبورى 81]

بصى يا انتكه اهم حاجه انك تحافظى على نظافة الثلاجه باستمرار يعنى تنظفيها كل 10 ايام وتنشفيها كويس جدا وما تحطيش فيها اى حاجه مكشوفه يعنى مثلا الخضار تحفظيه فى اكياس بلاستيك ويكون ناشف مش تجيبى الحاجه من السوق على التلاجه لالالالالالالالالالالا كل حاجه تتنضف وتتكيس ولو بواقى اكل يبقى فى علبه وتغطيها وهكذا انا بعمل كده والحمد لله ما بشتكيش من ريحة التلاجه خاااااااااااالص ولو بعد كل دا لسه فيه ريحه تجيبى ورقة جرايد و تبليها ميه وتعصريها على خفيف وتحطيها فى ركن من اركان التلاجه وابقى قابلينى لو لقيتى اى ريحه

[mashmosha]

احلى حاجة عملتها انى جبت حتة منديل وحطيت عليهم حبة فانيليا وبس والنتيجة مذهلة

[انتكة]

كادبورى ميرسى لردك وعلى فكره انتى اسهل طريقه واكيد هجربها وكمان مشموشا طرقتك سهله ربنا يخليكوا وعلشان محدش يزعل هجرب كل الطرق يا احلى فتوكات