[بوسى هوارى]

شوفو يا بنات دلوقتى هكلمكوا فى موضع مهم جدا بيشغل بال معظم بيوتنا وبناتنا وهو تاخر سن الزواج وان الحظ بقى قليل اوى مع كتير من بناتنا وكتير مننا مش عارفين يعملوا ايه عشان ربنا ييسر لهم امر الزواج كتير من بناتنا زى الفل فى كل حاجه بس حظهم فى الزواج قليل دى مشكله بتعانى منها بنات كتير يجى عريس والتانى واكتر من عريس وكتير منهم مواصفاتهم مناسبه والبنت بتقبل بس مبيحصلش نصيب والبنت تحزن طبعا من حقها بس لازم يكون فى حل

وانا بقولوكوا عن تجربه لاكتر من بنت فى حل يفتح امام كل بنت اتعثرت فى مساله الزواج باب الزواج ان شاء الله والحل من عند الله .

مستعدين تسمعوا معايا وتنفذوا من غير كسل عشان ان شاء الله يتفتحلكوا باب الزواج برضا من الله وبتسهيل من المولى عز وجل بصوره مكنتوش تتصوروها ابدا يلى معايا اسمعوا واقروا ونفذوا

اولا فى برنامج من الصلاه والقران هتنفذوه لمده شهر ونصف
ثانيا : البرنامج ده هتنفذيه كل يوم خميس اى ليله الجمعه بليل فى التلت الاخيير من الليل
ثالثا: هنصلى ركعتين فى الركعه الاولى هنقرا صورة الفاتحه وبعدها صوره قل يا ايها الكافرون / وفى الركعه الثانيه هنقرا صورتى الفاتحة والاخلاص اى قل هو الله احد
رابعا: نختم الصلاه .
خامسا:نقرا بعد ختم الركعتبن صورة الم نشرح لك صدرك 7 مرات
سادسا: نكرر العمليه دى لمده ساعه كامله نصلى ونقرا الايات السابقه الى قولت عليها وكل ما نختم ركعتيين نقرا سورة الم نشرح لك صدرك

لازم تتعمل العمليه دى بالنظام الى ذكرته ارجوكم دون تخلف ولازم تستحملوا ومتكسلوش ارجوكوا ولازم ان شاء الله تكملو البرنامج لمده الشهر ونصف

والله ما من فتاه تعثرت معها مساله الزوج ونفذت هذا البرنامج الرائع والساحر فى ذات الوقت الا واكرمها الله بالزواج الصالح فورا البعض منهم كانت اقصى مده انتظرتها حتى يسر الله لها مساله الزواج كانت عام والاغلبيه فى خلال شهور قليله وكله بامر الله

وبرنامجنا كله ثقه بالله وحده واستعانه به وحده تخيلوا هل من عبد يلجا لخالقه بهذا الشكل الجميل وكانه يقول لربه يا ربى عجزت امامى كل السبل ولا سبيل لقضاء حاجتى غيرك ويكسفه ربه ابدا لابد وان يقضى له حاجت ان شاء الله لماذا تعتقدون ؟ لانه عز وجل يعلم حيينها انك كعبد وثقت به كل الثقه واستعنت به وحده دون غيره ربنا عظيم اوى يا بنات ضعى ثقتك به كلها وتوكلى عليه وحده واستعينى به ونفذى البرنامج ده وهتشوفوا النتيجه وان شاء الله راح تدعولى

والله ما فى بنت عملته الا وتزوجت وعاشت سعيده مع زوج ممتاز اخرهم اعز صديقه لى تكبرنى فى العمر بسنوات بحوالى 8 سنوات قولتلها على البرنامج ده كسلت فى البدايه وبعدين قولتلها عليه تانى عملته والان هى عروس لزوج شاب من عمرها وما شاء الله عليه وسيم ويحبها جدا عقبال كل البنات يارب وغيرها كتير من معارفى وصديقاتى بس توكلوا على الله وجربوا مش هتندموا ابدا

طولت عليكم اسفه بس الموضوع حلو اوى ومهم خالص منطظره رلادودكم عليه .

شكـــــــــــــــــرا

ملحوظه هامه ارجو كل الى تقرا الموضوع ده وةتعرف بنوته حلوه وتاخرت فى سن الزواج او تعثرت معها امور الزوج تبلغها بهذا الموضوع وبتنفذ البرنامج وان شاء الله ربنا هيجعلهولكوا فى ميزان حسناتكوا ان شاء الله وهتدعلكوا البنات الى هتوصفولها البرنامج دى وشكرا لكم مره تانيه

[فتكوتة جديدة]

موضوعك يجنن اوي .. انا عمري 24 سنة وحاسة بنفسي كبرت وخايفة تضيع سن الجواز مني وخصوصا ان عيلتي محسساني اننا عنست .. انشالله انا حجربها ياحبيبة قلبي وجزاك الله خيرا.. بس انا بحب حد عارفة حرام وكنت بحكي معاه بعدها مشاكلنا كترت فقالي خلينا فترة بدون مانحكي وانشالله ربنا يسهلنا ..ادعيلي انا عارفة اننا غلطت بس انا عاوزة اتجوزو عشان مانكونش خدعت حد تاني انا عاوزة اتستر .. تنصحيني بايه؟؟

[الايمان777]

ربنا يجازيكى خير يا حبيبتى

[بوسى هوارى]

شوفى يا احلى فتكوته جديده شوفى يا حببتى اولا انا بشكرك جدا على اهتمامك بموضوعى
ثانيا ما فى شاب بيحب من قلبه وميقدرش يستغنى عن حببته يبعد عنها ابدا باى حجه اذا بيحبك من قلبه وبجد فعلا هيتقدم على طول لكن الكلام ده الى ميجيبش فايده نبعد شويه نفكر ظروفى دى كلها بتبقى حجج خلى بالك واول شخص مناسب وجاد يدق بابك وافقى وتوكلى على الله والحب هيجى مع الزواج والعشره انا والله حاسه بكى وبمشاعرك نحوه لان الواحد لما بكون فى حاله حب بيبقى كل همه انه يفضل مقرب من الشخص الى بيحبه وانه بيقى كل تفكيره انه لازم يرتبط به وبالتالى مبنحبش نشوف حقيقه الحبيب لاننا مش عوزين نبعد عنه وبالتى بنقنع نفسنا انه صح وكلامه صدق عشان منبعدش عنه لحد ما نلاقى الحياه بتسرقنا معاه وعمرنا بيضيع يوم بعد يوم لحد ما نوصل لسن نضطر فيها نتنازل ونقبل بالى مكناش نرضى به زمان خلى بالك من نفسك انت لسه فى سن صغيره والطريق اودامك لسه كله امل اذا شكه فيه ولو لحظه ابعدى عنه فورا وفكرى فى نفسك ومستقبلك وعمرك الىبيجرى يوم ورى التانى عموما هو قالك هنبعد عن بعض شويه وربنا يسهل يعنى بيفكر اديله فرصه بس اذا لاقتيه هيماطل والحكايه ابتدت تطول تعرفى انه بيضيع وقت مش اكتر عشان يحتفظ بك فى حياته شويه لحد ما يلاقى واحده تانيه تكون زى ما هو عاوز بالظبط انانيه ادام بقى عوز يحب ولما يجى يتجوز يتجوز واحده تانيه خالص يكون معرفهاش قبل كده وعلى فكره بتكون هى عرفت وحبت غيره قبل كده وممكن اكتر من حب كمان اذا حسيتى بكده انسحبى فورا ودوسى على قلبك وكل شئ بيتنسى صدقينى الحقى نفسك ونفذى البرنامج ده حلو اوى ومفعوله والله ولا السحر وابقى طمنينى عليكى ربنا يوفقك

[بوسى هوارى]

شكرا يا حببتى يجازينا ويجازيكى الخير يارب

[temoon.pompa]

شكرااااااااا بوسي جزاكى الله خيرا يا رب وجعله فى ميزان حسناتك

[الزهره الحزينه]

شكرا ليكي جزاكي الله خيرا بس انا رايي انو ما فيش سن للعنوسه وخصوصا لو كانت البنت متعلمه ومثقفه اكيد راح ييجي نصيبها بس كلو باوانو وبارادة الله سبحانه وتعالى

[دوبه]

شكرا ليكى بوسى اونا فعلا كنت محتاجهبرنامج زى كده لانى بدات افقد الامل مع ان سنى 24وانا فعلا هاجربها وهادعيلك

[بوسى هوارى]

شكرا لكم جميعا على مروركم واتمنى ان الجميع يستفيد من برنامج العباده هذا وان ييوفق من الله فى قبول الصلاه والدعاء

[بوسى هوارى]

شوفى يا دوبع يا حببتى مفيش حاجه اسمها انا نفقد الامل ابدا طول ما احنا على وش الدنيا وايمانا بالله عميق وثقتنا به كبيره يبقى اكيد هيكون فى امل وبعدين انت نسيتى ان الدعاء يرد القضاء يعنى لمال هنقوم باداء صلاه مثل التى ذكرتها مع قراءه القران هذا فى حد ذاته يعد دعاء ورجاء لله عز وجل بتحقيق الهدف المرجو ربنا يوفقك يارب وافرح بك قريب ان شاء الله

[مروة الدميري]

والله عندك حق مفيش حد بيرمى حمولته على ربنا ويخيب ابدا دايما توكلنا واعتمدنا عليك يارب

[بوسى هوارى]

عزيزتى الزهره الحزينه انا لم احدد فى موضوعى اى حديث عن العنوسه او عن وجود سن معين لها بس فى كتر بنات زى الفل وفى عمر صغيره جدا كمان بيتقدم لخطبطهم اكتر من عريس ولا يتم لهم الموضع بالتاكيد فى المقام الاول لان نصيبهم لم ياتى بعد لكن فى حالات احيانا بتحتاج للتضرع الى الله حتى يعننا الله على قضاء امرنا وبعدين خلينا نكون واقعيين برده اكتر ونقول حقيقه لا يمكن غفلها هى ان فى ناس ربنا مش كاتب لهم الزواج سواء اناث او ذكور بس فى حاجه صغره حبه اقولها اذا الانسان تمنى شئ ولم يحدث له ولا يتحقق ابدا فعليه ان يكثر من الدعاء الى الله ولا ييأس ابدا من رحمه الله وان ةيكون على ثقه تامه بقدره الله وبان الله سوف يحقق له رجائه وذلك لان دعاء العبد الذى هو من القلب والنابع من كامل الثقه بالله وبقدرته يلتقى فى السماء عند صعوده اليها بقضاء الله فيرد الدعاء القضاء تخيلوا قد ربنا كبر اوى ورحيم لابعد ما يمكن الن نتخل ويصل اليه خيالنا يعنى لما تكثرى من الدعاء الى الله فى اى امر فى حياتك او حياة من تحبيبن ولم يكن الله مقدره لك او لاحباءك فبكثره دعاءك الذى هو عن قين تام بقدره الله وانه وحده الذى يلبى الدعاء ويقضى الحاجات سوف يلاقى قضاء الله فى السماء عند نزوله على عبده ويرده بامر الله وذلك من فضل الله ورحمته على عباده وسعادته بلجوء عبده اليه راجيا متنيا لا من احد الا من إياه عز وجل وربنا يوفق الجميع لما فيه الخير يارب

[بوسى هوارى]

شكرا يا مروى الدميرى على ردك العسل زيك يا قمر

[العصفورةالحزينة]

شكرا ليكي يابوسي
وجزاك الله كل خير
كلنا محتاجين نقرب من ربنا ونتضرع ليه مش بس عشان نحقق حاجة احنا عايزينها وبعد ماتتحقق خلاص نبعد
لا المفروض الانسان يقرب من ربنا سواء عنده حاجة او من غير حاجة
وربنا سميع قريب مجيب الدعاء
والدعاء عبادة
قال تعالي::
"والذين يستكبرون عن عبادتي يدخلون جهنم داخرين"
صدق الله العظيم
ومقصود بعبادتي هنا هي الدعاء
وشكرا ليكي يابوسي وربنا يجعله في ميزان حسناتك
تقبلي مروري المتواضع

[بوسى هوارى]

شكرا لك يا اجمل عصفوره حزينه ورقيقه واتمنى تبقى اجمل وارق واسعد عصفوره وما يكون فى حياتك حزن ابدا يارب

[smsmah]

جزاكي الله كل خير
اكثر من رائع

[بوسى هوارى]

الى العسوله smsmahشكرا لك يا قمر

[fairy princess]

[mon]

ان شاء الله هنفزة وربنا سميه عليم
شكرا على الموضوع

[صبرين]

جزاك الله كل خير