[شرين عمر]

[بوسى هوارى]

شكرا لك fairy princessعلى فكره اسمك الى داخله به بالمنتدى حلو اوى وواضح انك انسانه زوق اوى ورقيه خالص شكرا حببتى مره تانيه

[بوسى هوارى]

شكرا لك يا شيرين جزانا واياكى الخير يارب

[خزامى]

اختي العزيزه بوسي :ـ



بعتذر طولت عليك الرد .
انا زي ما وعدتك سألت عن حكم الصلاة بالطريقة اللي تقلتيها لنا في الموضوع
وبعثت رسالة لدار الأفتاء المصريه طلب فتوى عن حكمها ..

وكان ردهم بما يلي :ـ " انا نسخت ليك الصفحة "


الرئيسة | الاستعلام عن فتوى سابقة
رقم الفتوى531116 *
الموضوع:صلاة طلب الزواج
الســــؤالما حكم هذه الصلاة التي انتشرت بين الفتيات طلبا للزواج .؟
( هل تعتبر بدعة )؟ وهي على هذه الكيفية :ـ اولا فى برنامج من الصلاه والقران
هتنفذوه لمده شهر ونصف ثانيا : البرنامج ده هتنفذيه كل يوم خميس اى ليله الجمعه
بالليل فى التلت الاخيير من الليل ثالثا: هنصلى ركعتين فى الركعه الاولى هنقرا
صورة الفاتحه وبعدها صوره قل يا ايها الكافرون / وفى الركعه الثانيه هنقرا صورتى
الفاتحة والاخلاص اى قل هو الله احد رابعا: نختم الصلاه . خامسا:نقرا بعد ختم
الركعتبن صورة الم نشرح لك صدرك 7 مرات سادسا: نكرر العمليه دى لمده ساعه
كامله نصلى ونقرا الايات السابقه الى قولت عليها وكل ما نختم ركعتيين نقرا سورة
الم نشرح لك صدرك لازم تتعمل العمليه دى بالنظام الى ذكرته ارجوكم دون تخلف
ولازم تستحملوا ومتكسلوش ارجوكوا ولازم ان شاء الله تكملو البرنامج لمده الشهر
ونصف . والله ما من فتاه تعثرت معها مساله الزوج ونفذت هذا البرنامج الرائع
والساحر فى ذات الوقت الا واكرمها الله بالزواج الصالح فورا البعض منهم كانت
اقصى مده انتظرتها حتى يسر الله لها مساله الزواج كانت عام والاغلبيه فى خلال
شهور قليله .

الـجـــواب

أمانة الفتوى
هذه الصلاة لا أصل لها من الشرع الشريف


ممكن الرجوع للرابط اللي عليه الفتوى :ـ

http://www.dar-alifta.org/fatwaanswer.aspx?ID=531116#

واللـــــــــه الموفق .

[mayooy]

جزاك الله الف خير وجعله فى ميزان حسناتك
بارك الله فيكى

[toto s]

بارك الله فيكي

[morooo_275]

الله يا بوسي الله
بارك الله فيكي
بس عندي سوال انا بحب واحد قوي وهو بيحبني بس فيه حبه مشاكل هو ينفع اعمل البرنامج ده برده ولا ايه اصلي بموت فيه ومش شيفه غيره ادامي

ومرسي ليكي تاني علي الحجات الجميله ده

[بوسى هوارى]

اختى وصديقتى العزيزه خزامى اشكرك جدا على اجتهادك فى البحث عن الفتوه بس موضوعى لا علاقه له على الاطلاق بالفتاوى بل هو اجتهاد لا اكثر من رجل دين مجتهد جدا وايضا رجل كهل قضى عمره كله فى خدمه الله والمسلمين بحيى الذى اعيش فيه وكان ناس كتير جدا مثبفين ومتعلمين يحضرون دروسه فى الدين ويمكن كون فى ذمه الله الان الله يبارك له اذا كان حى ويجازيه خير ويرحمه اذا كان مات كان ورع ما شاء الله مؤمن جدا وهو الى قالنا على الموضوع ده وعلى فكره مفيش حد عمله لما قال عليه الشيخ المجتهد ده الا لما ربنا باركله وفقه ويسرله امر الزواج مفيش بنت فعلا عملته الا لما ربنا فتح لها الطريق للزواج وييسرلها اموره وبما ان دينا ذكر بان هناك فتاوى نمشى عليها قالنا برده ان هناك اجتهادات لعلماء ورجال الدين تؤخذ بعين الاعتبار ويمكن العمل بها وعلى فكره يا جماعه لكل من يقرا موضوعى انا غير مس***** شئ من اى منكم اذا نفذت هذا الموضوع كل ما فى الامر ان هذا البرنامج الى كله عباده فقط والحمد لله يعنى لو تقروه كويس يا بنات هتلاقوه مفيهوش اى شرك بالله ولا عيذو بالله ولا فيه ما يغضب الله لو بصيتو هتلاقوه اولا واخيرا استعانه بصاحب الملكوت ده كله وبخالق كل ذره وحبه وروح ونفس فيه مالك المك صاحب كل شئ وكل الى بتمناه انى احاول بالموضوع ده انى اساعد كل بنت عندها مشكله فى امر الزواج ان ربنا يكرمها ويكون لها بيت وحياه زى ما حصل اودامى وشوفته بعينى لاكتر من فتاه ولناس قريبن منى جدا من لحمى ودمى وغيرهم كتير جدا ولتانى مره بؤكد انه ليس بفتوه على الاطلاق ولما ذكرته فى البدايه لم اذكر انى جئت لكم يا بنات بفتوه ابدا بل قولت برنامج وهو فى الاول وفى الاخر اجتهاد رجل دين ليس اكثر والى حبه تجربه ان شاء الله مش هتخسر لان ان شاء الله مفيهوش اى حرمانيه واسالو اهل الدين اذا استعنت بربنا باجتهادى له وباى ايات قرانيه حبيت اقراها على قد اجتهادى وامكانياتى فى امر ما وقولتله انا بعمل كده وبستعين بك يارب يا ترى يقبل منى ولا لا ؟ يا جماعه ربنا رب قلوب اسالوا وردوا عليه وعلى فكره انا هدخل على موقع الفتاوى الى انت سيبتى رابطه وهسالهم هل لما الانسان يستعين بربنا باجتهاد منه وبثقه بالله يعتبر اساءه لدينه او يمس خالقه بسوء لا قدر الله وهبقى اكتب لكو الرد شكرا واسفه طولت عليكوا

[ضى القناديل]

شكرا على موضوعك ونتمنى الإزادة عشان احنا محتاجين دة وكمان
اية رأيك فى البنت اللى تتخطب وتخبى على أعز صديقة ليها

[شموسة]

السلام عليكم ورحمة الله وبركاته
شكرا على الموضوع لكن انا مع خزامى
قال رسول الله صلى الله عليه وسلم(تركت فيكم ماإن تمسكتم به لن تضلوا بعدى ابدا كتاب الله وسنتى وسنة الخلفاء الراشدين المهديين )
ولم يذكر اى اجتهاد لاى عالم تقى لان تقواه بينه وبين الله ولانستطيع ان نجزم بها نحن _ولم يكن رسولنا الكريم عاجزا عن وضع برامج كهذه ولا الخلفاء الراشدين المهديين
اختى الكريمه جزاكم الله خيرا ....ولكن يجب الاخذ بالفتوى لأن هذا دين

[جورى القمر]

انشاء الله كل البنات تتجوووز ياااارب

[born to be princess]

جزاكى الله خيرا

[toty_meky]

موضوع حلو فعلا جزاكى الله خيرا

بس انا عاوزة اقول ان كل تاخيرة وفيها خيرة وان ربنا كاتب لكل واحدة مننا نصيبة وهو ادرى بحال عبادة والحمد لله لعى كل شء وكثرة الدعاء فى الاوقات المتوقع فيها الاجابة باذن الله مهم جدا فى يوم الجمعة ودعاء الصايم والتلت الاخير من اليل وربنا يتقبل منا ومنكم