[بنت الدبركى]

السلام عليكم ورحمه الله وبركاته

دى نصيحه منى لكل ام عندها بنت فى فترة المراهقه(ازاى تحافظى على بنتك)

ليه دايما كل ام عندها بنت فى فترة المراهقه بتحس انها عندها قنبله موقوته ولو شالت عينيها من عليها القنبله دى هتنفجر
ليه ما تتعاملش الام ان دى فترة عاديه فى حياه البنت ايوة صعبه لكن مش بالخطورة دى وخصوصا لو الام فاهمه كويس
وبتتعامل مع الامور بعقل.
مثلا:نفرض ان بنتك غلطت .يبقى خلاص الدنيا اتهدت .لا ,استنى لما الغضب يروح من عندك واقعدى معاها ,حاولى تفهمى منها
هى ليه عملت كده.
مش يمكن بنتك شافت حد وعايزة تقلده,يبقى واجب عليك هنا تنصحيها بالعقل(مثلا,قوليلها يا بنتى ربنا خلق البنت مصانه فمش لازم البنت تفرط فى النعمه دى.لحد ما يجى اللى يستحقها الحب مش حرام بس لما يكون صح لامك ولاهلك ولزوجك اللى ربنا هيرزقك بيه انشاء الله)
مش اول ما تعرفى ان بنتك حبت تروحى جرى تديها العلقه التمام لا وايه كل 5 دقايق تقوليلها هقول لابوكى.
انت كده مش بتحافظى عليها بل بالعكس انت بتضيعيها.ليه كل ام مش صاحبه بنتها ليه بتسيبوا الفراغ ده جواها.لحد ما يجوا اصحاب السوء ويملوه(وهما دلوقت اكتر من الهم على القلب).
تانى حاجه : بلاش تعايرى بنتك بغلطها دايما حسسيها انك سامحتيها لانك واثقه فيها وواثقه انها مش هتغلط تانى(ده طبعا مع المراقبه من غير ما بنتك تحس بكده)ووالله عمر ما بنتك هتعمل الغلط ده تانى
الاهم بقى والاخطر.,ان فى امهاتمحسسين بناتهم انهم بيمشوا وراهم مخبرين يعنى البنت قبل ما تطلع من البيت مامتها تناديها وتقولها"خدى بالك كل حاجه بتعمليها بتوصلنى فأحسنلك ما تغلطيش الا انت عارفه ابوك يموتك ده ما عندوش نقاش"
طب بالذمه ده اسمه كلام. ليه ما تسبيش بنتك هى لوحدها تيجى تحكيلك على كل اللى بيحصلها بره.والله هى هتعمل كده بمجرد ما تحس ان فى ثقه متبادله
وياسلام بقى لو انت ما شيه بالصدفه وشوفتى واحد بيعاكس بنتك ,يبقى يومها مش معدى اول ماتروحى تديها الطريحه التمام (انت اللى كنت ماشيه بتتماعيى عشان كده عاكسك بصى لنفسك وللبسك يا ماما ,ده احنا ماكناش بنات)طب ماهى خارجه من ادامك فى البيت ليه مش تشوفى لبسها الاول لو لقيتيى ملفت تكلميها براحه"ياحبيبتى بلاش اللبس ده لانه ملفت والاسلام ما امرناش بكده"والله البنت لوحدها هتجرى وتغيره
وتخاف على نفسها.
دى شويه حاجات بنصح بيها كل ام عايزة تحافظ على بنتها .يعنى انتوا جربتوا كل حاجه مش هتخسروا حاجه لو جربتوا الطريقه دى .
خليكى صاحبه بنتك
ابعديها عن الحاجه الوحشه بالعقل,فكريها بربنا.وهى هتتصرف صح.
متهيئلى كلكوا عديتوا بالفترة دى (وصلى بنتك للامان بحبك ليها .مش بالخرزانه.وانسوا بقى حكايه اكسر للبنت ضلع دى)
ويارب يعجبكوااااا.

اذا اعجبك الموضوع و اردت نشره في المنتديات الاخرى فاستخدمي هذا الرابط:
ادخلى ووالله ما هتندمى
http://forums.fatakat.com/thread43574

[ام جنة]

كلام جميل وعندك حق طبعا فى كل كلمة بتقوليها وعايزة اقول اننا نبدا المشوار ده بدرى شوية يعنى مش لازم من سن المراهقة ممكن لما تبتدى تستوعب الصح والغلط ممكن مايكنش فى مواقف كبيرة بس اخليها هى من نفسها تميز بين الصح والخطأ ومن شب على شيئ شاب عليه

[rodi4882]

والله عندك حق
يسلم ايدك

[toto s]

كلامك صح ومزبوط ميه بالميه
يا ريت كل ام عندها مراهقه او مراهق تقرا هاد الموضوع

[بنت الدبركى]

كلام جميل وعندك حق طبعا فى كل كلمة بتقوليها وعايزة اقول اننا نبدا المشوار ده بدرى شوية يعنى مش لازم من سن المراهقة ممكن لما تبتدى تستوعب الصح والغلط ممكن مايكنش فى مواقف كبيرة بس اخليها هى من نفسها تميز بين الصح والخطأ ومن شب على شيئ شاب عليه

عندك جق فعلا الموضوع ده لازم يبدا من بدرى
ومشكورين على المرور

[alghamed]

والله عندك حق
يسلم ايدك بس ماعدش حد بيضرب بناته دى البنات اليومين دول همه اللى بيضربو ولا ايه ههههههههههههههه

http://www.smileycentral.com/sig.jsp...p=ZKxdm022YYEG

[بنت الدبركى]

ههههههههههههه
ممكن برده
بس برده اهاليهم هموا اللى عودوهم على كده ولا ايه
من شب على شئ شاب عليه

[بنت الدبركى]

ايه يا جماعه هو مفيش حد عنده بنات ولا ايه
فين الردود بقى؟؟؟؟؟؟؟؟؟؟؟؟؟؟؟؟؟؟؟

[رانيا الدلوعه]

انا اكيد ان شاء اله حتجوز واجيب بنت وحتمر بنفس الفتره دي اكيد كلامك في معلومه تفيد في المستقبل

[أم بسمله]

جزاكى الله كل خيروالهى كلامك جميل جداااااااااااا

[بنت الدبركى]

على فكرة يا رانيا انا كمان ان شاء الله لما اتجوز واجيب بنوته حلوة كده شبهى لازم اعاملها كده
وشكرا على مرورك انت وام بسمله

[salwasoula]

مشكورة علي الموضوع المفيد

[السماح]

والله كلامك كله صح وانا ان شاء الله لما بنوتى تكبر هعمل معها كده لان هو ده الصواب مشكووووووووووووووره

[ناناموه]

شكرا على المعلومة المفيدة والجميلة دى ويارب كل واحدة قرأتها تعمل بيها وتنفذها فعلا، وطبعا انا مع كل اللى قالوا ان الموضوع دة لازم يبتدى بدرى لازم نعود البنت من صغرها انها تحكى كل حاجة لامها لان الام لوصحبة بنتها من بدرى ان شاء الله مش حتلاقى اى صعوبة فى التعامل معاها فى فترة المراهقة وحتكون متعودة من صغرها انها تحكى وتفضفض لامها وهى متأكدة انها صحبتها واحسن من اى صاحبه فى الدنيا وعلى فكرة الكلام ده لازم يكون مع الاولاد كمان مش البنات بس ،لازم الام تصاحب ابنها وماتسبش الحكاية دى لابوه بس هى كمان لازم تصاحبه وتعوده من صغره يحكى ليها ويدردش معها صدقونى الحوار ده بين الام واولادها بنات او اولاد هو ان شاء الله اللى حيحميهم فى المستقبل من اى شر او غلط.
وجزاكم الله خيرا

[nefertety]

والله عندك حق واكيد مش كل الامهات
لازم في المرحله ديه نصاحبهم
وربنا يستر عليهم 000

[فاطمة الزهراااء]

فعلا عندك حق بس انا لسة مخطوبة وان شاء هاعمل كده لما اتجوز وربنا يرزقني بالاطفال بس انا عندي اختي الصغيرة مجنناي بنصحها كتير بالنسبة للبسها لكن مفيش فايدة

[مروة الدميري]

والله عندك حق لازم كل ام تصاحب بنتها لان الزمن اتغير ومعدناش زى زمان ماشيين بالعصاية دلوقتى التفاهم هو اللى بيحل المشاكل مش القسوة

[ام ريهام]

كلامك تمام الله ينور عليكى تعرفى أنا مصاحبه بنوتى وهى دلوقتى فى سن المراهقة وبتحكى لى كل حاجة عنها وعن صحباتها بس ساعات الخوف عليها يخلينى أكون شديدة معاها شوية وأبقى أم رجعية غصب عنى لأنى بحبها ومش عاوزاها تعمل حاجة غلط

[بنت الدبركى]

ربنا يكرمك فيها يا ام ريهام وربنا يخمى بنات المسلمين
وشكرا على المرور ليكوا كلكوا

[الشموع السودااء]

موضوع جيد وكلام جميل جزاكى الله خير