[lou lou]

انا جايلي عريس مواصفاته كويسه بس فيه عيب مضايقني
هاقولكو على مواصفاتو كلها عشان عايزاكو تفيدوني بجد
هوا مهندس واكبر مني بسنه واهله ناس طيبين اوي وحترمين جدا كل الناس بتشكر فيهم وحالته الماديه حلوه
وهوا كمان بيشتغل في شركه حلوه اوي وشاطر في شغله
بس
المشكله
انه تخين
انا لسه مش شفته بس هما قالولي كده
وانا المفروض اقرر اذا كنت هاقابله واتعرف عليه هنا في البيت ولا لأ
فكروا معايااااااااااا

[eltourky]

بصي هو مميزاته حلوة بس الاهم تدينه واخلاقه
لكن حكايه تخين دي نسبيه
يعني ممكن ال وصفهولك شايفه تخين وهو ممكن يكون ممعقول يعني
بصي انت لازم تشوفيه لان ممكن حتي لو كان تخين ممكن تتقبليه وترتاحي له
ربنا يوفقك يارب وصلي الاستخاره

[مصراويه]

بصى بقى من غير زعل لو إنتى فيكى كل المميزات الحلوه
كبنت بس كنتى تخينه مش حتزعلى لو هو ده يبقى السبب
الوحيد لبعد العرسان عنك !!!!!
شوفيه الأول ولو حسيتى براحه نفسيه ناحيته وإتكلمتى معاه
ولقيتى فيه بينكم تناغم روحى تبقى تتكلى على الله على طول
ويا ستى أبقى أعمليله رجيم بعد الجواز.

[الزهره الحزينه]

يا بنتي اليوم كل اشي تقدم يعني في ظرف شهر لو قصد حيخس كتير وتنتهي المشكله بعدين لو كل مواصفاتو كويسه وعندو دين واخلاق ومتعلم شو بدك اكتر من هيك والراجل مفيش حاجه بتعيبو حبيبتي وربنا يوفقك ان شاء الله

[يويو افندي]

بصي يا حبيبتي انتي لسه مشوفتهوش اصلا شوفيه الاول لان كلمه طخين دي متغيره من فرد لاخر الي اشوفه انا طخين يشوفه غيري رفيع ثاني حاجه والله والله لا بالشكل ولا بالطخن صدقيني عن تجربه المهم اهله ناس طيبين وفيه توافق فكري بينهم وبين اهلك والاهم انوا يكون مقبول بالنسبه لكي وممكن او اكيد الي مش عاجبك شكله يكون احسن من واحد واخد الم في نفسه

[داريـن]

اختي هوه مواصفاته كتير حلوة والمهم الدين والاخلاق
والجمال جمال الروح طبعا ولا تحكمي على اي حد من شكله
يعني لو اتجوزتي واحد حلو وامور وفش متلو بس طلعت اخلاقو مش كويسة شو رح تستفيدي
وما في احسن بهاي المواضيع من صلاة الاستخارة
صلي اختي وربنا حيوفقك لكل خير انشالله

[شرين عمر]

يا بينتى هو حد لاقى عريس طالما فية كل المميزات عوزة اية سيبك من تجين ورفيع المهم تشوفية الاول وربنا يفر حنا بيكى

[ام جنة]

التخن او الرفع ده مش مشكله طلما فيه قبولوبعدين لازم تشوفيه الاول ومحدش هيقدر ياخد القرار غيرك انتى وربنا يقدملك اللى فيه الخير

[توتى]

تخين ولا رفيع المهم الاخلاق والتفاهم بينكم وبعدين فية مميزات حلوة كتير وبعدين كل الرجالة بتتخن بعد الجواز يعنى انت هتوفرى على روحك مساءلة تخنة يعنى وخداة تخين جاهز وبعد ما تتجوزى اعمليله رجيم زى مانت عايزة واتحججى انك مش بتعرفى تعملى اكل واكلية سلطة ومشوى هيخس على طول و اهم حاجة انك ترتحيلة وربنا يوفقك انشاء الله ومبروك مقدما

[mon]

زى ما هما قالو شوفيه الاوال وبعدين احكمى مش يمكن ترتاحى ليه ويكون هو دة نصيبك ربنا يوفقك ان شاء الله

[ام هيوي]

في ايه يابنتي التخن مش مانع ابدا المهم الدين والاخلاق والقبول وتصلي صلاه استخاره وتوكلي علي الله

[ام سراج]

لو لو....ح اقتلك...!!!
ايه يا بنتي..حد يلاقي راجل بكل المواصافات دي..ويتردد؟؟!!!
العيب لو في الاخلاق او الدين ممكن نتردد..لكن تخين؟!!!
ياستي اتجوزيه وبعد الجواز اعملي له ريجيم لغايه مايبقى فتله..!!
واحده صاحبتي كان متقدم لها عريس دكتور من كتر تخنه كنا بنقول عليه "الدكاتره" فلان بس هي وافقت واتجوزته وماشاء الله عليهم عسل..عقبالك
وبعدين لما يبقى تخين تفضلي جمبه دايماً عصفوره صغيره..وعمره مايقدر يقولك يا تخينه...يلا شدي حيلك وفرحينا..مبروك مقدماً

[نوشا]

لولو حبيبتى انا مقدرة شعورك لانى برضه مش بحب التخن
بس بصراحة الاخوات الفتكاوات معاهم حق
لان التخن والرفع دى مسالة نسبية
كمان ولا تعلمى ممكن ترتاحيله ويكون هو نصيبك
ومتحتاريش لانك لسه مش شفتيه
وعليكى بصلاة الاستخارة
لقيتى الموضوع مشى زى السكينة ف الحلاوة
يبقى دوسى وربنا يتمملك بخير
لقتيه وقف يبقى مفيش نصيب
وربنا يرزقك باللى احسن منه
انتى وكل بنات المسلمين
امييييييييييييييييييييييييييييين
طمنينا عليكى

[noora]

التخن مش عيب ياما فيه تخان ودمهم زى العسل
وزى ما قالت ام سراج حاتفضلى فى عينيه عصفورة صغيرة
واوعى ماتاكليهوش حايزهق منك ويمكن ياكلك
بس زى ماقالت توتى
استخدمى دهاء حواء
وكترى السلطات والمشوى وقللى النشويات
وكله لمصلحتكم انتم الاتنين
المهم القبول
قابليه ولو استريحتيله توكلى على الله
وربنا يسعدك

[الزوجة الاولى]

عليكى بالصلاة الاستخارة
يمكن يكون فى خير وكويس ثم تخن ايه ماهو ممكن يعمل رجيم مش مشكلة دى
لو هو كويس وكل حاجه معلش ده سبب هايف انك ترفضيه علشان تخين
استخيرى ربنا وان شاءالله فيه الخير هيكون

[زيزى]

حبيبتى شوفيه الاول يمكن مايكونشى تخين خالص وبعدين لازم القبول الاول ابقى فرحينا

[lou lou]

يا جماعه بجد كلامكو ده اثر فيا جامد جدا انا فعلا عملت صلاة استخاره امبارح وهاعملها تانى وتانى لحد ماربنا يكتبلي اللي فيه الخير
بس اجمل ما في الموضوع انكو شاركتوني رأيكو بجد شكرا ليكو ثبتوني والله
شكرا ليكو كلكو (التركي-مصراويه-مروه-دارين-يويو-نوشا-زيزي-توتي-ام سراج-ام جنه-ام هيوي-شرين عمر-نورا-مون-الزوجه الأولى)

[fairy princess]

ياللا يا لولى
توكلى على الله وشوفيه
ومش هاقولك اكتر من البنات قالوه...لان هو دا راى
الراجل مش بشكله...بدينه واخلاقه وعلمه وعمله
ربنا يوفقك

[ام دومى]

شوفييييييييييييييييييييييييييييييييييييييييييييييي يه يا لولو ...يمكن ترتاحيله و تحسى بقبول و براحه فى كلامك معاه.. و ده اهم حاجه .. يمكن يكون فعلا تخين بس مقبول مش تخن منفر و العياذ بالله ..و انتى و شطارتك بعد الجواز اكلك يكون مش دسم و يواظب مع دكتور كويس على برنامج تخسيس و بالحب و التفاهم كل حاجه باذن الله ليها حل ... بس اهم شى تشوفيه و تتكلمى معاه سيبك من المظاهر و القشور حاولى تلمسى روحه و احساسه ... طمنينا و ان شاء الله خييييييييييييييييييييييير

[بنبونى]

السلام عليكم
انا ليا راى تانى خالص
بصى يا لولو طبعا صلى استخاره وقابليه الاول وشوفى الشخصيه بس من الاخر كده حقولك على المفيد لانى انا فى نفس الموقف ده بالظبط بس انا اتخطبت خلاص
من اول مره كده تشوفيه يا حبيبتى حسيتى انك شايفاه راجل كده في عينيكى ومن الاخر مالى عنيكى
ومش حتيجى فى يوم تقولى كان نفسى اتجوز واحد سمبتيك واخرج معاه ويبقى بقى عامل فيها الواد الجامد ولابس احلى لبس عليه والكلام ده
يبقى كملى
انا بقولك الصراحه
طبعا الانسان مش بجسمه انا معاكى بس والله حاجه مهمه اوى

مع الاخذ بالاعتبار ان ممكن ميعملش ريجيييييييييييييييم صدقينى حيبقى صعب اوى

انتى عارفه والله العظيم انا كنت دلوقتى حالا داخله المنتدى علشان اكتب عن الممشكله دى لانها مديقانى اوى
انا خطيبى مسافر وشغله بيخليه يقعد كتير اوى وهو ماشاءالله تخين اصلا وانا مش بحب التخن مع ان انا انفسى مليانه بس مش بحب منظر الكرش وكده
بس انا حبيته وهو كده ومازال عاجبنى كده بس نفسى انه يخس لان اولا بجد صحته كده غلط عليه اوى ... ضغط وسكر وكوليسترول وحاجات كتيره ربنا يعافينا منها يارب

بس وهو من زمااااااااااااااااااااااااان اوى بيقولى حعمل ريجيم
انا اعرف خطيبى ده من 12 سنه يبقى ابن صاحب بابا وطول عمره كده وانا عارفه ده
وقالى من 3 سنين فاتوا انه حيعمل ريجيم
والحقيقه بجد يعنى بجد والله بيعمل ريجيم كتيررررررررر اوى وفى الاخر يرجع تانى زى ما كان واكتر

انا راى حاجه واحده
لو انتى تقبلتيه كانسان يبقى خلاص خلصت ... حقيقى الانسان مش بجسمه
يمكن تاخدى واحد تانى بجسمه بس لا بيحبك ولا بيعاملك كويس ويبقى مطلع عينك ومليان عيوب متقدريش تتعاملى معاها
وفعلا خلى بالك فى موضوع الجواز ده
كل انسان فيه عيوب ومميزات
بس لو العيوب دى تقدرى تعيشى معاها وهيا مقبوله بالنسباك يبقى خلاص الحمدلله
ودى اهم حاجه
يعنى لو ده عيبه الوحيد يبقى الحمدلله بجد
ممكن يبقى عيوبه حاجات تانيه اكتر
ربنا يوفقك يارب ويباركلك ويكتبلك الخير يارب