[أميرة الرومانسيه]

اولا ارجو من المشرفات ان يثبتو الموضوع لمده صغيره حتى
يصل للجميع وان شاء الله ربنا يجعله فى ميزان حسناتكم
آآآآآآآآآآآمين
اخواتى وحبايبى فى الله
انى ادعوكم للهدايه
عايزين نختم القرآن باذن الله
وهنبدأ باذن الله يوم الخميس القادم
النظام اننا هنحفظ ربع كل يوم يعنى يعتبر هنخلص الجزء فى اسبوع وبعدها نراجع
على الجزء الى حفظناه فى يوم
وبعدين نبدأ الجزء الى بعده وهكذا
وعلى فكره الربع ده لا يتجاوز صفحتين يعنى لو قسمتيه على اليوم كله
هيخلص والله عارفه
لو بعد كل صلاه خدتى 5 او 6 ايات هيخلصو والله وربنا مجرد اننا نبدأ هيسهلنا كل امر عسير
يارب افتحها علينا
وانا واخواتى امة الرحمن وتيمون وبومبا وراجية الجنه اول المرحبين
بهذا الموضوع
ياريت الى هيشارك يرفع ايده ويحط ايده فى ايدنا ونعلو الى الجنه
يلا عايزين المنتدى كله ييجى
والى ميعرفش نبلغه فرصه ياجماعه والله لو فاتتكم هتندمو اوى
يلا انا معايا ورقه وقلم وهكتب الى هيشارك معانا
انا نسيت اقولكم هنبدأ من اول البقره
لان فى مجموعه تانيه بتبدأ من جزء عم
يلا يابنات بالله عليكم والله ماهتندمو
مستنياكم حبايبى ........... اختكم اسراء
برجو منك التفكير ولا تنسو اننا سنبدأ يوم الخميس عشان كل الناس تكون عرفت
وجزاكم الله خيرا
السلام عليكم ورحمة الله وبركاته

[أميرة الرومانسيه]

الاول امة الرحمن
التاني اميرة الرومانسيه ....انا يعنى
التالت تيمون وبومبا
يلا يابنات عايزين الرابع والخامس والمليون كمان
يلا عشان نشجع بعض واوعدكم والله انى مش هسيب واحده فيكم الا لما
تحفظ ولو لقيت واحده مقصره هزعل اوى ولو واحده عندها ظروف تقولنا
وممكن ناخد اجازه معاها لحد ماترجع عشان ميفوتهاش الى احنا هنحفظه
شفتو انا ابله طيبه ازاى
اسمعو الكلام بقى عشان ناخد اكبر هديه
الجنه ثم الجنه يااااااااااااااااااااااااااااه فى اكبر من كده او احلى من كده
يلا حبايبى مستنياكم

[نانو الحبوبه]

وانا معاكم هاحفظ وادعولى بعدم النسيان لانى بنسه بسرعه جدا بس ممكن طلب ربع كتير ممكن نقلل علشان انا عندى اةلادى بيحفظو ولازم ارجعلهم او احفظهم ممكن وله

[firemoon]

وانا معاكم ان شاء الله
وياريت الموضوع مايتنقلش لقسم المواضيع المكررة علشان كل اللي عاوز يبدأ من الاول لان المواضيع اللي كانت قبل كدا خلاص عدوا كتير
فلما نكون مع بعض من الاول ونشجع بعض احسن مانروح للي عدونا بكتيرونحس اننا مش قادرين نوصل للهما وصلوا ليه
وجزاكي الله خيرا
بس ياريت نبدا مع بعض من جزء....عم

[أميرة الرومانسيه]

السلام عليكم ورحمة الله وبركاته
طبعا بشكر جداااااا نانوو وبصى اقولك على حاجه
احفظى الى تقدرى عليه يعنى مثلا كل يوم صفحه مش لازم ربع المهم
اننا منفوتش يوم الا لما نحفظ
بالنسبه لفيرموون بصى حبيبة البى انتى هتتشجعى اكتر لو بدأتى من البقره
لانها جميله جداااااا وتحسى انك بتقرأى قصه ومن اسهل الصور الى حفظتها
بصو يابنات متتقلوش على نفسكم
كل يوم صفحه اوك بلاش ربع عشان نتقلش على حد
موافقين كده وايه رأيم يانانوو ويافير موون

[أميرة الرومانسيه]

يابنات متنسوش تقيمو الموضوع عشان يتثبت
وشكرا ليكم وياريت الى ميعرفش تعرفوه كده نرتب الى هيكون معانا
الاولى ... امة الرحمن
التانيه...تيمون وبومبا
التالته... ويلا
الرابعه .. اميرة الرومانسيه... انا
الخامسه ...نانو الحبوبه
السادسه... firemoon

[firemoon]

ماشي وربنا يسهل ان شاء الله
بس انا حفظي بطئ اوووووووووووووووووووووي
يعني مش بعرف احفظ بسرعه

[حبيبه ستار]

شكرا ليكي علي الهديه الحلوه دي وانا طبعا هكون معاكوا وانا كده السابعه

مع تحياتي للجميع :

حبيبه ستار

[EMO]

جزاكى الله خيرا
انا معاكم ان شاء الله وربنا يعيننا على طاعته هو فعلا ربع كتير فى يوم واحد
لاحظى ان فى ناس بتحفظ لاول مره حتى لا نثقل عليهم وميكملوش فاحسن
نخفف عليهم شويه وحتى لو كملوا بعد رمضان مش مشكله المهم انهم يحفظوا كويس
ويستمروا معنا وكمان علشان احنا عايزين نختمه قراءه مره على الاقل خلال الشهر
وكمان بجانب العبادات الاخرى والله المستعان

[أميرة الرومانسيه]

الاولى ... امة الرحمن
التانيه...تيمون وبومبا
التالته... ويلا
الرابعه .. اميرة الرومانسيه... انا
الخامسه ...نانو الحبوبه
السادسه... firemoon
السابعه... حبيبة ستار

[أميرة الرومانسيه]

الاولى ... امة الرحمن
التانيه...تيمون وبومبا
التالته... ويلا
الرابعه .. اميرة الرومانسيه... انا
الخامسه ...نانو الحبوبه
السادسه... firemoon
السابعه... حبيبة ستار
التامنه ... emo

[راجية الجنه]

السلام عليكم و رحمة الله و بركاته
ربنا يكرمكو يا رب ما شاء الله عليكو ايوة كده عايزين الهمم العاليه
ربنا يوفقكو يا رب و ييسرلك و ييسر لى الحفظ
و ادعوووووووووووولىى
اعذرونى انا مش هكون معااااااكو
عشان انا فى ازهر و بحفظ مع محفظه هنا


بس ربنا معاكو و يوفقكو و يكرمكو يا رب

بس فى حاجه مهمه عايزة اقوللكو عليها

[امةالرحمن]

تسام ايديك ياقمر على الموضوع الرائع وعلى فكرة يافتكوات اول واحدة فى الترتيب هى اسراء
لانها اللى اقترحت موضوع الحفظ وشجعتنا كلنا
يلا يافتكوات فرصة مش هتتعوض تانى
لان رمضان قرب عايزين نصلى قيام الليل والتجهد باللى هنحفظه
ولو ثبتنا قبل رمضان
اد ايه هنقدر نعمل عبادات كتيرة فى رمضان

[راجية الجنه]

اسمعونى بقى يا قمرات
اولا القران زى ما انتو عارفين (يؤخذ بالتلقى )
يعنى باذن الله ربنا يكرمكو كده و كل واحده تشوف اكتر شيخ هى بتحب تسمعه و تنزله من على النت او شرايط كاسيت
و انا عارفه اسم موقع ممتاااااااااز ما شاء الله فيه جميع قراء العالم
لو تحبو اجيبهولكم او اى قارئ انتو حابين صوته
دى اول حاجه

صلو على الرسول (صلى الله عليه و سلم )

[أميرة الرومانسيه]

مروة حبيبتى نورتينا والله
بصى هو انا كنت هقولهم ان احسن شيخ
نسمعه للحفظ الشيخ الحصرى قراءته جميله جدا
المصحف المعلم

[راجية الجنه]

صح يا سوسو يا عسل
انا زى ما بقوللكو كده مممكن اجيبهولكو

لسه بقى تانى حاجه

[راجية الجنه]

بصو بقى يا حبايبى اهم حاجه التتجويييييييييد
لانه بصراحه انا شفت ناس و انا شخصيا كنت كده
مكنتش بسمع بالتجويد خاالص و بسرعه
بس دلؤتى الحمد لله بسمع ببطئ و بالتجويد
اهم حاجه البطئ عشان تدى كل حرف حقه و مخرجه الصح و كماان عشان الاحكام تبقى صح
و على فكرة اللى هيساعدكو باذن الله فى الحكايه دى موضوع هنا فى الاسلامى
ل د/لولى
اسمه علم التجويد
ما شاءالله جميل جداااااااااااا
هتلاقو فيه كل الاحكام ما شاءا لله هى بذلت جهد رهييب بصرااحه
المد و احكام النون الساكنه و التنوين و الميم الساكنه و كل حاجه