[NH MMM]

سلام عليكم يا فتوكات
أقول لكم علي فكرة كنت عملتها أنا ومجموعة من الناس حبايبي زيكم كده، برده كان علشان حفظ القرآن والتجويد،كنا اتفقنا علي ميعاد وعملنا ماسنجر جماعي وكلنا كنا بنسمع ونسمع وكمان كان فيه واحدة بتشرحلنا تجويد
حبيت بس أقولكم علي حاجة أنا جربتها
ربنا يوفقكم ،وما تنسوش تدعولنا
جزاكم الله خيرا والسلام عليكم ورحمة الله وبركاته

[أميرة الرومانسيه]

على فكرة ياnh mmm فكرة تحفه يارييييييييييييييت
هى كانت فى دماغى بس قلت ممكن ناس مترضاش عليها
بس هى فكره بصراحه جميله بحيث كلنا نتابع بعض
ونعرف بعض وكمان نسمع لبعض ونعرف الاخطاء
الى موافق على الفكرة دى يقول والى معترض
برضو يقول بس يارييييت والله وربنا يباركلكم حبايبى
وبشكرك جداااااااا يا nh mmm بس نفسى اعرف اسمك
اراءك تحفه

[NH MMM]

السلام عليكم ورحمة الله وبركاته يا أميرة الرومانسية
حبيبتي ربنا يبارك فيك أنا اسمي نسمة،وعاجبني موضوعكم كتير ونفسي أكون معاكم أراجع الحفظ بتاعي،بس بيني وبينك مش قادرة أديك كلمة أكيدة بسبب بنتي اللي بقت مبوظة كل وقتي ومواعيدي وكل حاجة ههههههه-ربنا يباركلي فيها هي وكل ولاد المسلمين
جزاكم الله خيرا

[نانو]

طب يا جماعه اللي حافظ اجزاء في الاول هيتابع معاكو اذاي؟؟

[أميرة الرومانسيه]

ازيك يانانو حبيبي
انا كمان حافظه اجزاء من الاول بس حبيبتى
راجعى معانا الى هناخده وابدأى فى الجديد معانا برضو
هتبأه مراجعه ليكى
اتمنى تكونى معانا

[نانو الحبوبه]

اوك انا موفقه على فكرة نسمه حلوه حتى الواحد يعرف النطق الصح للكلمه لانى لما اسمع لبنتى تعد تغلس عليا علشان مش بعرف احيانا انا معاكم بس ياله بقه عوزين نبداء واحنا متحمسين وانا حافظه اجزاء من الاول وهاراجع معاكم علشان النسيان يارب معانا @@@لااله الا انت سبحانك انى كنت من الظالمين

[أميرة الرومانسيه]

مش قادره اوصفلك يانانو فرحانه اد ايه بحماسك ده
يارب كلنا نبقى كده ونستمر كده
وانا كمان موافقه على اقتراح نسمه ياجماعه الى موافق يرفع ايده
اننا ناخد ايميلات بعض ونسمع لبعض وناخد رأى بعض
وعامة فكروا لو مش عاجبكم مفيش مشكله
وعامة انشاء الله البدايه يوم الخميس هنتقابل بكرة وبعده هنا
عشان نتكلم مع بعض ونتفق يلا يابنات
انتو فين عايزين ناس تانيه

[نانو الحبوبه]

ياله يا بنات شوفو معاد نتكلم فيه علشان خلاص بعد بكره الخميس ياله بقه @@@لااله الا انت سبحانك انى كنت من الظالمين@@استغفر الله@@@سبحان الله وبحمده سبحان الله العظيم كلمتان خفيفتان على اللسان ثقيلتان فى الميزان سبحان الله وبحمده سبحان الله العظيم

[firemoon]

وانا كمان موافقه جدا علي فكرة نسمه
وانا كمان اسمي زيها علشان تبقوا عارفيييييين

[سحورةبنوتةمصرية]

يابنات انتو بدأتو ولا لسة
خدونى معاكو
انا بجد محتاجه لصحبتكم جدا جدا

[firemoon]

لسه هنبدا الخميس ان شاء الله
وكويس انك هتنضمي لينا
اهلا بيكي وربنا يوفقنا ويوفقك

[دعوه خير]

حبيبتى اميره والله ربنا يبارك فيكى ويجزيكى خير على مجهودك الطيب واعملى حسابى معاكم وربنا يقدرنا على الحفظ ولكن كيف سيكون التسميع

[جنة يحي]

السلام عليكم انا موافقة على الاقتراح لكني بحاجة ماسة الى دعمكن والله لاني امر بمرحلة احباط و اكتئاب و ثبوط عزيمة رغم ان زواجي بعد رمضان مباشرة لكني لست راضية على نفسي ولا على ديني ولا على مواقفي في الحياة اشعر فعلا بالضياع و الوحدة خصوصا فانا لا اخت لي و الصديقات خذلنني و عدت وحيدة كما كنت انا لا اريد ازعاجكن بهذا و لكن اقول هذا لاني اعتقد ان الطريق نحو الحفظ و المتابعة يبدا بمعالجة النفوس مما فيها من داء كما اني اشعر اني سافوت هذه الفرصة كما فوتت مئات الفرص في حياتي و ان الخير دائما يفوتني ولا احسن استغلال الفرص الطبية لاداء الطاعات ارجو الدعاء لي بصلاح الحال و الله انا بحاجة له و يوم القيامة ان شاء الله يسالكن الله عني هل اخذتن بيدي او اخلفتن كما اخلف الاخرون شكرا لكن على مجرد الاستماع لي .

[امةالرحمن]

حبيبتى جنه احنا كلنا معاكى وكلنا جمبك
وبعدان فى حد يبقى هيتجوز ويزعل دا الواحد بيشحت على عريس
انا بهزر معاكى
والله انا حاسة بيكى جدا بس انتى الجئ لربنا وكل شئ يتم
وماتزعليش على اللى راح
لكن فكرى فى اللى جاى
وصدقينى عمر ما الفرص الطيبة مابتخلص ابدا لاصحاب النفوس الطيبه زيك
واعرفى ان ضيقك وزعلك نعمة ربنا بيفكرك به علشان تبقى احسن واحسن
يلا شمرى كمامك واستعدى
اولا انتى معنا وطول مااحنا وراكى هتحفظى باذن الله
ثانيا ادعى ربنا انه يقويكى ويهديكى
وابداى وماتستلميش ابدا لاى حزن او يأس
اتفقنا ياقمر
اعرفى ان ربنا بيحبك
ومن حبه خلاك تشوفى الموضوع ده علشان تقربى له اكتر واكتر
ومن حبه خلى عندك الاحساس ده الزعل والرغبة فى الافضل علشان تكونى احسن واجمل
فى حد بيحبه ربنا يحس باليأس؟؟؟؟؟

ربنا يكرمك يارب ويفرح قلبك

[امةالرحمن]

ماشاء الله احنا زدنا كتير يابنات بقينا
الاولى ... اميره الرومانسيه
التانيه...تيمون وبومبا
التالته... ويلا
الرابعه .. امة الرحمن
الخامسه ...نانو الحبوبه
السادسه... firemoon
السابعه... حبيبة ستار
التامنه ... emo
التاسعه...دينا الحصرى
العاشره...بنت النوبه
الحدية عشر... ام رحاب
التانية عشر...مروة الدميرى
التالتة عشر ...رودى
الرابعة عشر... ام البنات
الخامسة عشر...جنه يحيي
السادسة عشر...amira82
السابعة عشر....سحورة بنوته مصريه
الثامنة عشر..... دعوة خير

[امةالرحمن]

انا مش عارفة اسراء فييييييييييييييييين؟؟؟
والله ياسوسو وحشتينى جدااااااااااااااااااااااااااااااااااااااااااا
والموضوع وحش من غير كلامك الجميل

[امةالرحمن]

خلاص ياجماعة احنا ممكن نتفق لحد ماسراء(اميرة الرومانسيه) تجى ان شاء الله
هنبدأ باذن الله يوم الخميس
هنحفظ كل يوم صفحة
وهنسمع تانى يوم اللى حفظناه بطريقتين انتو اختاروه منها:
1- على الموضوع كتابه كل واحدة تدخل تسمع وطبعا هيبقى ده الزام لاننا معانا الاسماء واللى مش هيسمع هنعلرف انه ماهحفظش
وبالخرزانة وادى
2- على الماسنجرالجماعى وبرده نفس النظام اللى مش هتحفظ هى حرة
وفى فى المنتدى اكتر من موضوع تجويد وكمان هنسمه لاى شيخ علشان نعرف النطق الصحيح
يااااااااااااااااااه شوفوا اد ايه الثواب
هنحفظ كلام الله
هنفهم وهنحفظ التجويد
وهنأخذ ثواب سماع القرأن للتعلم
ونقعد مع بعض ونأخذ ثواب مجلس العلم
الحمدلله الف حمد و شكر لك يارب
اللهم اعنا على ذكرك وشكرك وحسن عبادتك
يلا يابنات يلا يااحلى فتوكات مستنية ردوردكم

[roseeyes]

ممكن تقبلوني انا كمان معاكم وربنا يجعله في ميزان حسنتنا

[mashmosha]

وانا معاكى يا اميرة