[Noonah]

الفكرة ديه شفتها فى منتدى و عجبتنى
إحنا مش متعودين نضع المحشى جاهز فى الفريزر لان الارز بيبوش والمحشى وهو طازة بيبقى احلى علشان كدة احنا بنجهز الخلطة كلها ماعادا الارز ( شبت وبقدونس وبصل وزيت والصلصة والتوابل )ونضعها فى كيس نايلون لحد مانيجى نعمل المحشى بنضع عليها الارز ونحشى المحشى ونسويه - منقووول

[nahla mahmoud]

عندك حق
الارز لما بنضعه في الفريزر بيبوش وبيكون طعمه متغير
واسلم حل هوا ما قلتيه

[توتى]

كل سنة وانتم طيبين موضوع مفيد جدا انا كمان بجهز البانية و ارصة فى طبق فوم على قد الاكل وكمان البلح يفصص والتين يقطع وكل الخشاف يبقى جاهز يدوب تضيفى الماء وقطعة ضمر الدين وكمان الكفتة وكفتة الارز و العصاج اجهز كمية واكيسة على قد السمبوسك او الجلاش او المكرونة يعنى يدوب تطلعى كله من الفريزر وكمان تقدرى تحمرى كمية من الشعرية الشعر او لسان العصفور وتشليها فى برطمان بتبقى جاهزة للشوربة او الارز والبطاطس تقطع وتاخد نص تحمير وتوضع فى الفريزر وبعدين تقلى وهى جامدة بتبقى زى الفارم فريتس واحلى وكل كمية الشربات اللى تحتجيها يعنى مثلا 4 كيلو سكر يتعملو ويضاف عليهم ليمون ويصب فى زجاجة او برطمان بيسهل عمل الكنافة او القطايف وكمان بجهز البندق واحمرة واكسرة هو واللوز والزبيب والقرفة واضعهم فى برطمان \\\وربنا يتقبل مننا الصيام والصلاة وسائر الاعمال يارب ولاننسى حبيباتى الفقراء والمحتاجين ويابخت من افطر صايم

[nahla mahmoud]

نعم اشكرك علي اضافتك وعلي حرصك الشديد ومن الواضح انك ست بيت شطوره
وبالفعل وتعليقا علي ما وضحته توتي
افطار صائم يا جماعة لا تنسوا هذا العمل

[قطرات الندى 2]

امممممممممممم بجد افدوتنى انا لسه معنديش اى خبره

[nahla mahmoud]

دودو حبيبة قلبي

[nahla mahmoud]

داليا عاملة ايه واخبارك اية وجاهزة لرمضان ولا لسه

[nahla mahmoud]

الخبرة هتيجي واحدة واحدة يا دودو وصدقيني هتبقي ست بيت درجة اولي

[samar_30]

يسلموا ايديكم وعن جد استفدت من تجهيزاتكم الحلوة التي تظيف افكار لنا الله يعطيكوا العافيه

[hala_2007]

حلو الموضوع دة تسلموا
انا كمان بحضر الثوم والبصل جاهزين في الفريزر
وخلطة المحاشي ما عدا الرز طبعا
بعصج الحم المفروم وبقسمة علي قد الحاجة في اكياس
بعمل البانية والكفتة في اطباق جاهزة علي التحمير
وكمان السمك بجيب كمية من البقدونس والشبت واغسلهم واقطعهم واحطهم في الفريزر
الطماطم بجيبها واعصرها واديها كام غلوة علي النار واقسمها في اكياس
كمان السميوسة بحشيها وارصها في اطباق واحطها في الفريزر
حتي العيش بجيبة واقطعة واحطة في الفريزر

[سحابة في الافق]

انا بصراحة

مااعمل اي شي قبل رمضان

ولااجهز اي شي

لان الميزانية لاتسمح بشراء اشياء للحفظ

وكمان ماعندي ديب فريز والفريز تاع التلاجة صغير

انا بعمل كل شي بيومه زي ماتجي بتجي

مشكورة اختي علي الموضوع

[مختفية]

بجد موضوع جميل يارب انا كمان اكون شطورة عشان لسة معنديش خبرة اوى فى المطبخ وحاجاته
ادعولى وقولوا يارب

[مختفية]

ياجماعة انا عايزة اعرف بالظبط ازاى اعمل الثوم فى الفريزر وما يبوظش هوه والبصل
اسمع عن الموضوع ده بس مجربتش
وانتوا عارفين انه بيسهل فى الوقت وكمان لو فيه عزومة وانتوا عارفين رمضان بيحب يجمع الناس

[اريج ونور وندى الجنة]

جميلة اوى يا بنات الافكار دى
وماتنسوش الخضار يعنى مثلا البسلة والبامية ووكمان انا جربت تخزين الملوخية هايلة جدا
البسلة بتفصصيها وتقطعى كمان الجزر بتاعها وتشيليها اكياس حسب كل طبخة
والبامية كمان سهلة اوى
اما الملوخية فطبعا بطبعا بتخرطيها وتغلى مية وتحطيها عليها وتعلبيها فى علب او اكياس بس مش كمية مية كتير يادوبك تمسكها فى بعضها وتعينيها فى الفريزر
وكل طبخة بتطلعى العلبة او الكيس بس لازم تكون مش متجمدة لما تيجى تحطيها على الشوربة يعنى تلجها يفك خالص وتعمليلها عادى بقى التقلية وبالهنا
كمان انا جربت اجمد الكيكات والتورت وكانت هايلة برده بعد ما تفك
مممم بس لما افتكر حاجة هاقولكم
اااه الشوربات ممكن كمان تعمليها وتشيليها بتكون جاهزة وجميلة
وكل سنة وانتم طيبين

[ام رحاب]

كل عام وانتم بخير

[جيهان عبدالله على ربع]

موضوع حلو جدا ومفيد
ايه الشطارة دى كلها
فعلا استفدت كتير منكم
انا كل اللى كنت باجهزه هو عصير مانجو وطماطم اعصرها واغليها لحد ماتصلصل
واشيلهم فى علب فى الفريزر
وكنت باجهز الاكل بعد الفطار وتانى يوم اكمله

[nahla mahmoud]

ياجماعة انا عايزة اعرف بالظبط ازاى اعمل الثوم فى الفريزر وما يبوظش هوه والبصل
اسمع عن الموضوع ده بس مجربتش
وانتوا عارفين انه بيسهل فى الوقت وكمان لو فيه عزومة وانتوا عارفين رمضان بيحب يجمع الناس

اولا بشكرك علي المشاركة
وبالنسبة للثوم انا بعمله بالطريقة ديه وبيكون تحفه
اولا بقشره وبعدين بحطه في الكيه وعليه شوية ملح عشان الملح بيساعد علي فرمه ناعم وبفرمه جامد وبعدين بكون عمله علبة مخصوصة ليه في الفريزر عشان تكون خاصة بالثوم فقط
او ممكن وضعه في كيس مع احكام غلقه
اما البصل فبقشرة ويغسله جيدا وبعدين اقطعه قطع كبيرة وادخله في الكبه وعلية شوية ملح وفلفل اسود وزود الفلفل اللسود شوية عشان ده بيساعد علي حفظه وممكن احطه علي رف الثلاجة في علبة محكمة الغلق ويستعمل لمدة اسبوع بس الافضل انك تعملي كمية اسبوعية منه وذلك للحفاظ علي حالته
اما لو عملتي كمية كبيرة فالافضل تشليها في الفريزر ولا بلس من ذلك فلها استعمالات كثيرة

[nahla mahmoud]

انا بصراحة

مااعمل اي شي قبل رمضان

ولااجهز اي شي

لان الميزانية لاتسمح بشراء اشياء للحفظ

وكمان ماعندي ديب فريز والفريز تاع التلاجة صغير

انا بعمل كل شي بيومه زي ماتجي بتجي

مشكورة اختي علي الموضوع

اولا كان الله في عونك يا اختي الفاضلة
واحب اقولك ان انا مثلي مثلك ليس لدي الا الفريزر الصغير الخاص بالثلاجة بس والله بيشيل كل حاجة
ولو علي الميزانية والتخطيط انا هعمل موضوع بذلك واشرح فيه كيفية التخطيط للمطبخ والاطعمة علي مدار اسبوع او شهر او 6 شهور حسب الحالة والامكانيات

[ام سعيد]

بارك الله فيكى يا عسل على موضوعك وكل عام وأنتم بخير بمناسبة شهر رمضان
انا بصراحة معمريش جهزت مسبقا للاكل يعنى ممكن حاجات خفيفة اجهزها قبلها بفترة او لو عندى عزومات فى رمضان بجهزها قبلها بيوم وطبعا بحضر طلبات العزومة قبلها بيومين عشان اعرف هاشترى إيه؟
بحب احشى السمبوسك واشيلها جاهزة والقطايف كمان تتشال محشية جاهزة.
واساسى عندى فى رمضان التمر باللبن بنفطر عليه.
وعلى فكرة انا بنظم وقتى فى رمضان مبحبش اليوم كله يضيع فى المطبخ امال هنختم القران إزاااى؟
وطبعا الايام اللى بالى بالكوا بجهز فيها اكل واحطه بالفريزر يعنى مثلا لو فراخ بنظفها واشيلها وهكذا

[nahla mahmoud]

انتي عسولة يا ام سعيد وعندك حق التجهيز والتحضير هيساعد كتير في عدم تضيع الوقت في المطبخ خصوصا في رمضان