[جنة اثير]

تروحي وترجعي بالسلامه لولى وعقبال ما كل المصريين ينزلو اجازة

[جنة اثير]

على فكره يا بنات ياحلوين انا ان شاء الله قرب رمضان هقولكم على حاجات بسيطة كنت بعملها رمضان اللى فات فى المطبخ بعد لما ارجع من الشغل علشان سهله
وله عايزين دلوقتي

[ام سراج]

الف شكر ليكم
انت قولتوا حاجات حلوه

[نقنقه]

شكرا عالموضوع الجميل واستفدت منه كتير
وكل سنه وفتكات بخير

[شهد 22]

كت سنة وانت طيبين

[ام سراج]

نهوله
نسيت اقولك شكراً ع الموضوع..كتبت الاول تعليق صغير بس علشان احفظ الموضوع عند واعرف ادخله على رواقه...بجد موضوع هايل هايل
عندي سؤالين
الكفته انا بعملها وبصبعها..وبعدين بطلعها احطها في الفرن على طول..انت بتقولي لا نشيلها كتله..ياترى ليه؟
السؤال التاني: كنت بعمل تتبيله الفراخ زي بتاعتك بس بغسلها قبل مااحطها في الشربه..لكن مكنتش بخزنها..يعني ساعه ولا حاجه وبعدين اسلقها..بالنسبه لأنك بتقولي اننا ممكن نشيل الفراخ كده..طيب نغسلها لما تتطلع ولا نحطها تتسلق كده ولا إيه؟

[لبنى يحيي]

يا جماعة المعلومات اللى قولتوها تحفة وبجد مفيدة انا كمان بعصر الليمون وبحطه في برطمان صغير كده عشان السلطة والبقدونش بغسله وانشفه وافرمه ناعم واحطه في كيس بيسهل قوى في السلطة عشان بتتعمل كل يوم والثوم والبصل بفرمهم واحطهم في الفريزر وبعمل سمبوسك واحشيها واقسمها في اطباق بتبقى جملة فى الفطار وبتبل الفراخ واللحمة واحطهمفي الفريزر والموضوع بيبقى اسهل عشان مانقضيش اليوم كله في المطبخ

[nahla mahmoud]

نهوله
نسيت اقولك شكراً ع الموضوع..كتبت الاول تعليق صغير بس علشان احفظ الموضوع عند واعرف ادخله على رواقه...بجد موضوع هايل هايل
عندي سؤالين
الكفته انا بعملها وبصبعها..وبعدين بطلعها احطها في الفرن على طول..انت بتقولي لا نشيلها كتله..ياترى ليه؟
السؤال التاني: كنت بعمل تتبيله الفراخ زي بتاعتك بس بغسلها قبل مااحطها في الشربه..لكن مكنتش بخزنها..يعني ساعه ولا حاجه وبعدين اسلقها..بالنسبه لأنك بتقولي اننا ممكن نشيل الفراخ كده..طيب نغسلها لما تتطلع ولا نحطها تتسلق كده ولا إيه؟

اولا بشكرك علي ا لمشاركة معنا يا ام سراج
اولا بشيل الكفتة كتلة لاني بعد مطلعها تفك بحط عليها شوية فلفل اسود اضافي وحبة خضرة فريش انا عارفة ان سبق وحطنلها الفلفل والخضرة بس الاضافة التانية الفريش بتجدد طعمها
كمان انا بقول نشلها كتلة عشان لو في ناس معندهاش مساحة في الفريزر كفاية
بالنسبة للدجاج المسلوق
بتغسليها وتنضفيها كويس
وتحضري بصلة مفرورمة مع شوية ملح وفلفل اسود وتبلي الدجاجة من تحت جلد السدر ومن داخلها بيها وتشليها في الفريزر بالتتبيلة
ولما تحبي تتطبخيها تتطعيها تفك بس
وتغلي كوب ماء علي النار وتضفيها عليه لما الماء يغلي

[nahla mahmoud]

كلامك سليم يا لبني
وفعلا انا عملت السمبوسة اول مرة السنة ديه اشيلها محشية بس لمل احب اسويها اتركها تفك خالص

[أم أحمد إيهاب]

كلأفكاركم حلوة والواحد عرف ازاى يخزن الاكل والله

لكن الفريزر هياخد ايه ولا ايه انا بروح السوق يوم الجمعة واجيب حاجات الاسبوع كله وكل واحدة بتجيب اللى هي واسرتها بتحبهوميزانيتها وبعدين كل يوم تصحى بدرى تطبخ وتجهز المشروبات والحلويات وبعدين تقعد تقرأ قران او تسمع درس دينى او تشوف طلبات بيتها كل هذا قبل الفطار
كل سنة وانتم بخير

[أم تقى]

انا بعمل التجهيزات ازاى بعصج كميه لحمه كبيره تكفى وقت كبير فى رمضان واضعها فى الفريزو بدمس الفول واعمله اكياس على قد الاكلة و بحضر خمسه كيلو كنافه مثلا واعملها اكياس حسب الاكله فلى الفريزر وحاجات كتير وكل سنه وانت طيبه

[nahla mahmoud]

الصراحة انا استفدت منكم جميعا وفيه حاجات عملتها السنة ديه لاول مرة
واكيد كلنا بدانا ننفذ التجهيزات والترتيبات
والخطوة التانية هنعملها مع بعض
بعد تستيف الفريزر وتجهيز المواد الغذائية
تعالوا نرتب مع بعض ايامنا الرمضانية في جدول
اسبوعي عشان نسهل علي نفسنا
وعلي ورقة ونكتب
1- رمضان
مثال دجاج مشوي (هطلعه متبل من الفريزر
سمبوسة محشية (كيس واحد من الفريزر
ارز بالخلطة والمكسرات (هقوم باعداد الارز قبل الافطار اثناء فترة التحضير للافطار
والمكسرات انا مجهزه الكمية المطلوبة
شوربة (حسب النوع):الشعرية هطلع كيس من الفريزر بالشعرية المتحمرة مسبقا
التمر(هنقعه من بليل مع البن في شفشأ علي رف الثلاجة
قمر الدين (انا عمله زجاجة مركزة في الثلاجة هطلع شوية وخففه وعمل عصير في زجاجة
الحلو(هطلع من الصبح كيس الكنافة المخلوط ميقا مع السمن والسكر والمكسرات وهفرده في صنية وهسويه قبل الافطارفي فترة التحضيروبعد التسوية وهوا سخن هطلع برطمان الشربات المعد مسبقا وهحلي الكنافة واتركها تبرد وهنتظرها بعد الافطار
هقسم يومي مش كل ه مطبخ
من بليل هطلع المجمد علي رف الثلاجة
الصبح هفرز وشوف ترتباتي
من الساعة 3 هحط الدجاج في الفرن عشان بياخد وقت في السوا
الساعة 6 هبدا احضر الارز
هقلي السمبوسة او القطايف الملحة
الشوربة في اخرلحظة
التمر في كوبيات او سلاطين علي السفره

[جنة اثير]

طيب ممكن حد يقولي اعمل اذاي مهلبية قمر الدين ؟؟؟؟
لان مش دايما بتظبط معايا

وثانيا حد يفكرني بعمل قمر الدين عصير علشان نسيت

وشكرا يا قمرات

[جنة اثير]

وكمان انا مش بعرف اعمل الكنافه بالكاستر؟؟؟
ممكن الطريقة
وحاجة كمان كنافة بالقشطة الكدابه انا مش عارفه ايه هي وبتعمل اذاي ؟؟

وميرسي يا حلوين واسفه على السئلة الكتير

[أم مريم]

القمر الدين انا بنقعه من الصبح فى الميه و السكر او لو عايزه ممكن تنقعيه من بليل و تحطيه فى التلاجة لتانى يوم تضربيه فى الخلاط و تظبطى كثافته و حلاوته و بس يبقى عصير

لما بحب اعمله مهلبيه بخفه شويه مش كتيربالميه و بعدين تحطيه على النار لغايه ما يغلى و تحطى النشا الدايبه فى شويه ميه او فى شويه عصير تكونى شلتيهم باردين قبل ما تغليه كل كوب عصير عليه ملعقة كبيرة مليانه نشا او ملعقه كبيرة عادية و نص و بالهنا و الشفا

بس انا مش عارفة ايه القشطة الكدابه دى

بس الكاستر انتى بتشتريه جاهز بودرة و تحطيه على اللبن بالسكر على النار لحد ما يببقى زى المهلبيه و تحشى بيه الكنافة

الكنافة انتى بتقطعيها صغير قوى و تسيحى السمنه و تقلبيها فيها و بعدين تفرديها فى الصينيه و تكبسيها كويس و بعدين تحطى الكاستر و طبقة تانيه من الكنافة و تخليها الفرن لحد ما تحمر و تخرجيها تسقيها بالشربات

ولو مش عايزه تشترى كاستر جاهز انا بعملها بالمهلبيه او بالكريم باتسيير

الكريم باتسيير ده سهل قوى
كوب لبن عليه بيضه و ملعقة كبيرة و نص او ملعقه كبيرة مليانه دقيق و السكر زى مانتى تحبي و تدوبيى الخليط كله على البارد و تصفيه عشان الدقيق ميكونش عامل كلاكيع و تحطيه على النار و تقلبى لحد ما يتقل زى الكاستر و المهلبيه و يغلى و تحشى بيه اى حاجة انتى عايزاها

[linahussam]

البصل المفروم والثوم المفروم بالفريزر?
ازاى هو ينفع البصل يتخزن

[ام عمر المصرية]

موضوع حلو ومميز انا استفدت كتير منه جزاكم الله خيرا
بالنسبة ليه انا باعمل كمية كبيرة من شربات الحلويات
واكسر التمر كله للخشاف
والثوم المفروم عندى طول السنة

لكن نحن بنفضل الاكل الطازج يوم بيوم اطعم وافضل ولا ياخذ وقت كبير
فى الطبخ لو تعودنا الاستيقاظ مبكرا ورتبنا عملنا فى المطبخ جيدا
وهانلاقى وقت للعبادة
مشكورين جميعا وكل عام وانتم بخير
وياريت حد يقولى على طريقة حشو السمبوسك ولكم جزيل الشكر حبيباتى

[جنة اثير]

اشكرك جدا اختي ام مريم على اهتمامك وشرحك للاسئله وميرسي ليكي يا حبيبتي
الف الف شكر

[جنة اثير]

وانا بجيب الكاستر بودره وبرضوا هجرب الطريقة التانية

والقشطة الكدابه ديه انا سمعت عنها من اسامه السيد وقبل كده قال الطريقة بس مالحقتيش اكتبها

تسلمي يا ام مريم

[قلب صافى]

حبيبة قلبي اولا كل عام وانت بخير ورمضان كريم
والله انا عاملة كل التجهيزات اللي بتقولي عليها وكمان عاملة الشربات الخاص بالحلويات زي الكنافة والجلاش وكمان السمك غسلاه ومحيئ بكل التوابل الخاصة به وبرضو في الفريزروكيس خاص بالياميش لحشو القطايف من كل الانواع وحاجات كثيرة مثل ذلك لتوفير الوقت وحتي يكون هناك الوقت للصلاة وقراءة القران والعبادة في شهر كريم ننتظره من العام للعام
ولك كل الشكر وجزاك الله خيرا