[bidoshiko]

السلام عليكم ورحمه الله وبركاته
اسعدنى كتير اكون معاكم فى هذا المنتدى الرائع.........وزعلت جدا انى محضرتش عيد ميلاده الاول لانى مكنتش عارفه اليوم امتى ولو كنت اعرف كنت حضرت واتعرفت على كل العضوات المحترمات اللى بالمنتدى ........عموما حصل خير وملحوقه فى اقرب مناسبه
ايه رايكم يا فتوكات انا عاوزة اعمل موضوع هو اننا نسجل سيرة ذاتيه عن نفسنا للتاريخ ........المنتدى بيدخلوه فتوكات كتييييييير وبيسيبوه برضه فتوكات كتييييييييييييير ومنهن اللى بيكون لها موضوعات جميله وتستحق التقدير وابسط شىءاننا نعمل سجل للمنتدى ومش عارفه الادارة الكريمه ممكن تضع هذا الموضوع فى اى قسم ........يشوفوا انسب مكان له فين صدقونى ها يكون مرجع لاحباب كانوا معانا بالامس واليوم لا نعلم عنهم شىء .....ومتهيالى السيره دى ها تقرب افكارنا شويه من بعض واهتماماتنا والسن يا جماعه ..
مش عارفه اذا عجبكم كملوا معايا وهاكون انا اول فتوكه تسجل للتاريخ علشان مازوغش على اى منتدى تانى لانى بصراحه لاقيه نفسى هنا ....صحيح لسه مليش مواضيع كتير وده لانى لسه باقرأ المواضيع وبكون فكرة عن المنتدى لكن لما هابدأ هاتندموا وها تقولولى كفايه نشاط حرام عليكى ناطه لنا فى كل الاقسام دوختينا وراكى
يلا نبدأ

[bidoshiko]

الأسم: ....... bidoshiko........نبيله.

المهنه: .............محاسبه.........

اليوم والتاريخ :......السبت......2/8/2008

كلمة شكر : ..............شكر وتقدير وحب لجميع الاعضاء الموجودين بالمنتدى

بحبكم فى الله

أصدقاء أحببتهم هنا: ............. بمنتهى الامانة كل الفتوكات بحبهم وبتمنى لهم الخير والسعادة والنجاح فى حياتهم
وكلمة أخيرة: ..........

يا قارئ خطى لا تبكى على موتى

فاليوم انا معك وغدآ أنا فى التراب فإن عشت فإنى معك

وإن مت فللذكرى . .

ويا مارآ على قبرى لا تعجب من أمرى !!!!!!!!

بالأمس كنت معك وغدآ انت معى أموت ويبقى خطى ..... ويبقى كل ما كتبته ذكرى فياليت كل من قرأ مواضيعى

ان يدعو لى بالخير او بالرحمه
(( أتمنى إنى أكون كنت زميلة مفيدة ليكم فى المنتدى ، واتمنى تذكرونى دايمآ بالخير

وبتمنى السعادة والحب للجميع ودوام الصحة والعافية والطاعة ))

اختكم bidoshiko

[ام سراج]

ازيك يا بلبل
طبعاً فكرتك حلوه اوي
وللتاريخ يا ستي
الاسم: ام سراج
التاريخ: 3/8/2008
المهنه: حالياً ربه منزل
كلمه شكر: لكل اخواتي في المنتدى...ربنا يخلينا لبعض..وشكراً لحبكم
اصدقاء احببتهم هنا: toto s القطه tosysaden نوشا بنبوني باربي الزهره الحزينه ام سيف ريتا ميشيل مايو مصراويه اسكندراني yoyo مرمريكا ام الصبايا ماجي 2008
هما مش بالترتيب لكن انا بحاول افتكر وخايفه انسى وانا حاسه كده اني نسيت ناس ربنا يستر
من المراقبات والاشراف:ورده الحب الصافي..جيهان علي ربيع ..كتكوتايه..ام الطيب
كلمه اخيره:
افعل ماشئت ...كما تدين تدان
اذا دعتك قدرتك على ظلم الناس..فتذكر قدره الله عليك
اختكم...ام سراج

[bidoshiko]

مشكورة ام سراج على التفاعل مع الموضوع فعندما فكرت فى هذا الموضوع فكرت

فى انه

لكل منا ظروفه التي قد تمنعه من الاستمرار والمشاركه

في هذا المنتدى الرائع ..؛

قد تكون فتره قليله ويعود لنرحب فيه من جديد

ونفرح بعودته ووجوده بيننا مره اخرى ..؛

وقد تطول فتره غيابه وتكون وداعيه

نودعه بالدعاء له بالتوفيق في حياته على امل ان نلتقي

في يوم من الايام ان لم يكن في الدنيا ففي الاخره باذن لله ..

أتمنـــى من جميــع أعضـاء ومشرفين وإداريين منتدى فتكات الغالى

أن يشرفونا بوضع توقيعـهم ليبقى ذكرى

جميلــة و أبديــه في هذا المنتدى الجمـيل والغالي على قـلـوبنـا

[لؤلؤة البحر الأحمر]

السلام عليكم فكرة جميلة وانا............. اللقب لؤلؤة وانا اسمى الحقيقى الدلع بتاعة بطة
التاريخ :3/8/2008

عمرى ..........24 سنة وانا خريجة ليسانس لغة عربية جامعة الأزهر

ومتزوجة والمهنة حاليا ربة منزل واعيش فى الغردقة ...........

واناهوايتى الشعر وتعلم ديكورات المنزل وبحب اسمع قران..............

واتمنى ان يكون لى صداقات كثيرة على منتدى فتكات.............

اتمنى ان نجتمع على حب الله ونتفرق على حب الله............

[bidoshiko]

منورة الموضوع يابطوط.......ميرسى لتفاعلك ومشاركتك
انا كمان بحب اسمع القران وبحاول احفظ واللى باحفظه باصلى بيه علشان ما انساهوش ( اعملى زى ولن تندمى ) وكما باحب الشعر وكنت باكتب كتييييييييييير بس مش عارفه ليه بطلت يمكن علشان مفيش دلوقتى الهام
الا ليت الشباب يعود يوما........هههههههههههههههه
عموما انا تحت امرك فى اى مشورة باعتبارك من دور بنتى اللى ما انجبتهاش لان ربنا سبحانه وتعالى اهدى لى ثلاثة ابناء ذكور
مرة اخرى اسعدنى تشريفك

[bidoshiko]

محدش عاوز يسجل ليه ياجماعه

انتم مش بتحبوا التاريخ ولا ايه

[alghamed]

انا سمسمه مدرسه بحب قراءة القرآن وعمرى 35 ومتزوجه ولا اعول والحمد لله ونفسى ان شاء الله احج يارب ودعواتكولانى بحب المنتدى لانه محترم والكل بيخاف على مشاعر بعض وبيشجعو كل الاعضاء بجد بحبكو اوى...........





http://www.smileycentral.com/sig.jsp...p=ZKxdm022YYEG

[كنده]

الأسم: ....... ايمان اللقب .....كنده........

المهنه: .............ربت منزل........


كلمة شكر : ..............بشكر ربنا لان مد بعمري للحظه دي عله يكتب لي الصالح بعملي

بحبكم فى الله

أصدقاء أحببتهم هنا: ............. toto s ......وردة لبنان
لؤلؤة البحر الاحمر

وكل المنتدى ع راسي
وكلمة أخيرة: ..........

الله يتوب علينا

ويكتبلنا الي بيه الصالح ونفضل مع بعض على طول

[موءمنه]

السلام عليكم
احييكى صديقتى بيدو شيكو على هذه الفكره واتمنى ان تقبلونى معكم
الاسم/مؤمنه
العمر/35
المهنه/متزوجه ومعى بنت وولد والحمد لله ولا اعمل
الهوايه/كنت زمان بحب القراءه جدا وبعد الزواج نسيت يعنى ايه قراءه
قول احببته/انك تخطو نحو الشيخوخه مقابل كل دقيقه من الغضب...
مثل جديد لانج/تعرف فلان؟أه..عاشرته؟لا..يبقى ربنا بيحبك
كلمه اخيره..احبكم ياكل الفتوكات وربنا يديم علينا دايما الحب والرحمه بين كل المؤمنين..وكل سنه وانتم يارب طيبين بمناسبه رمضان الكريم..

[اخت فى الله_LM]

السلام عليكم
الاسم:لميس عضوة جديدة لانج
اللقب :بيقولولى يادكتورة اكمنى فى كلية علوم وكنت بقف مع خالو فى الصيدليه الله يرحمه
هواياتى:انا كنت لاعبة بنج جامدة اوى بس دلوقتى لانى التزمت ومش بلبس بنطلونات ولا تيشيرتات قصيرة"قلة ادب يعنى"
ههههههههه
اعتزلت البنج
الحمدلله دلوقتى بحفظ قرآن وملتزمه عن الاول كتييييييييير
مشكلتى :::معنديش صحبات خالص
عشان مش بخرج وبحب البيت مووووووووووووت
بحب الكتابة اوى
طول ماببقى قاعده بكتب مذكرات واى حاجه
اكتر حاجه بحسها اوى مقوله ...علمتنى الحياة ان احتفظ باحزانى فى قلبى وان ارسم البسمه على شفتاى حتى لايحزن الآخرين

[bidoshiko]

alghamed ....كنده....مؤمنه....اخت فى الله_LM

اكرمكم الله تعالى نورتم السجل وعقبال باقى الاعضاء

اتمنى من الادارة التثبيت حتى يكون امام الجميع ويتفهم فكرته